(47)
Princesa Adriana linapit ne queta
qng Aring macamal matas á Monarca
miagnan lang dinurup yang yayaduan da
mal á bendecion qng ban maco na la.
Iniang mitipa la at melaus meco
maragul ya lungeut ing Aring mayubu
é naman mebalam icua rang abatio
itang aplaya na ning Antioquiang reino.
Mesabing aplaya cabud da pañatang
cañon qng muralla agad dong silsulan
caniting Ari ra pasalubung bilang
ampon qñg Reina ra esposa nang irang.
Iniang culdas na la qug reino Antioquia
agad nong seganan ning budñing Infanta
detang sablang Grandes cagum no't casap pa
qng real Palacio tambing melaus la.
Ding Marques at Duque ampon Consejero
pati na ding Grandes sablang Caballero
matula lang sabla qñg real Palacio
qng pamañatang na ning Ari rang bayu.
Itigui ne queni cacu neng uacasan
ding tune micalma bie rang delanan
ong pamiutus da batu lang piurian
uling ing tungeul da balu rang tiparan.
