Page:Corrido qñg bie nang queralanan ning Principe Pantinople.pdf/48

( 45 )

 Layun dang patabing angang dalana'na

canitaog damasco't miayaliuang tela

sabla nang dalpacan pauang lantangan pa

sari-saring rubi ampon esmeralda.

 Detang Consejeros meguisan la ngan lat

pesisalubung la tula ra é ditac

pupuri lang sabla ampon pasalamat

qng budning Principe miuale melambat.

 Iniang culdas na la sinaca lang miagnan

cayalimbaua ra ing Aldo at Bulan

misasacsacan la tau qng lansangan

lupa nang Adriana nasa ra ngang lauan.

 Cabud da capanic qng real Palacio

siniclod lang miagnan ding miasauang bayu

ing queang manuyang agad neng sepupu

at layun quinaul ning Aring mayubu.

 At caibat na niti licluc ne qñg silla

at y Pantinople yang quinaul na

cagna'na ning tangis tinulung lua na

uli na ning tulang quimta'ning pusu na.

 Nanupa't misacsac qng Palacio real

caring sablang Grandes á mipapamisan

parapara la ngang anting metilijan

lupa nang Adriana á sari qng linang.

 Siam pin mong aldo ing fiesta rang gueua

ing reino ning Francia maragul ya tula

ding matua at anac paua lang masaya

sarisaring pialung ampang da ding malda.