(39)
Cabud cu panaquit quilala que iti pablasang cacu ya at sadia queng bandi lalu na inia ping atalastas cu ne itang macasulat ing laguiu cung tune.
Iniang aduan cu ya é ne buring binie pasicap ne canu ibpa nang ibatan cacu yang sepuliut at tambing queng simsam biglang pepapiglo soldado nang bante.
Agad deng detangan detang de la guardia at layun dirupan carelang Princesa quibcuban da na cu ampon limpungan pa apate cong sabla ding angang campung na.
Ya na ing paglaco qng Turquiang cayarian at agad migsundu qng Antioquiang imperial iniang miras na cu pacasadia na ngan Torneong tatag mu quetang Plaza real.
O Doña Adriana á sinta't bie cu iti ing querasan qng atul mu cacu talaga cung camtan yang camalan mu mabie cu pa ngening minarap quecao
Binte na't pequibat niti nang Adriana ó mal á Principe qng sabi mu't ula ting amanung metung atandanan cu pa ing ate cu't pusu paua nang belisa.
Iti ing amanung cacung atandanan iñang quetang isla carin ca tutucnang espadang miugse qñg gamat mu talan labuad nang inagpan é mu camalayan.
