(10)
Caibat dang misabi gueua na na ya tabas ning lupa na quea neng pininta bilin ning Principe cabud mayari ya macarinerine uari't miguising ya.
Malaguang meyari mesabing larauan tambing deng sinicap queang aguisingan iting Emperatriz inagad neng quitnan ing Pintor nung baquit ing pincel nang talan.
Ibat cu pu lalam nganing pequibat na at atin pung ditac á pepapinta ra canita ing Pintor memu'ue pin queta at malalagauang melaus tinipa.
Miguising yang Ari memun yang agaran at ya dulung ne daung nang savayan at y Pantinople guinayac ya naman carelang tipanan ba'nang atuparan.
Ya ing miliari caniti mmmemun mamauad bedicion cang ibpa nang matua at ing Ari naman inagad binie na é na camalayan ding adua miabe la.
Qng pamanipa ra ing tulac ra sacdal qñg Aldo at Bulan ala lang queliuan at ing Ari naman tinipa ya lalam pigmal na qñg lub na atin ya mang subiang.
Miagape la deti qñg pamanlacad da amanung masampat ing pisasabian da alang nanunanu biglang melili ya Caballerong Beltran ali ne iquit na.
