Page:Cholenec - Catherine Tekakouita, trad algonquine,1876.djvu/31

From Wikisource
Jump to navigation Jump to search
This page has been validated.

29

pimatisi, kata nanekatcihitizo i ki patatitc.

Mina8atc kotak aiamie-miki8am ojitcikategoban otenang, nakickotatig8aban pejik Tanez ijinikazonigoban, tabiskotc anamikotati8ak, mi dac ekitotc Katinin : anditok inakak kitci api8ag8en ik8e8ak ? Mi ondi inakak, ikito Tanez. Ana8i, ikito mina8atc Katinin, « k8aiak8enindag8at nond ot iji min8enindan Kije Manito asin gaie napakisagon kitci miki8amika8intc, a8acamenj o min8enindan ij otehinani8ang kitci 8a8ejitama8intc kitci otapinasitc. Nin dac onzam ni gitimagis, kitci nibina ningi mi8inaja8a nindehing. K8atisiân ke pindikeiân aiamie miki8aming, ninda mi8inajaogo, k8atisiân indaje ket otapinasiân. »

Apitci mamakasita8agoban Tanez ekitonitc ot ang8eian, eji tabasenindamitehenitc. Acaie o mika8enindan eji animihigogobanen o mitonenindjigan ij inenindang : ka maci ni tibisat8asin ka iji