This page has been proofread.
8
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.
ᎤᎳᎪᎭᏍᏗᏃ ᏂᎦᎵᏍᏓ ᏎᎷ ᏄᎪᏩᏛᎾ ᎢᎰᏐᎢ, ᏝᏴᎯᏉ ᎨᏐ ᎤᏍᏗ ᏚᎾᏐᏴᎢ. ᎯᎸᎯᏳᏃ ᎠᏂᎨᏴ ᏚᏂᎸᏫᏍᏓᏁᎶ ᏧᏍᏗᏉ ᎦᎶᎪᏗ ᏚᏅᏔᏃ ᏰᎵ ᎤᎾᏛᎯᏍᏔᏃ ᏎᎷ, ᎠᏎᏃ ᎿᏉ ᏓᏍᏓᏲᎯ ᎠᎾᎴᏂᏍᎪ ᏓᏂᎾᏕᎪ ᎠᏂᏍᎦᏯ, ᏫᏍᎩ ᏫᏚᏂᏩᎯᏍᏗᏍᎪᎢ.—ᎤᏙᎯᏳᎯᏯ ᎤᏁᎩᎸᏗ ᏄᎾᏍᏗ ᎾᏍᎩ ᎢᎾᏛᏁᎯ. ᏕᎩᎸᏫᏍᏓᏁᎮᏍᏗ ᏲᎪ, ᎥᏞᏍᏗ ᏱᏗᏍᎦᎢᎮᏍᏗ, ᏞᏍᏗ ᎠᎴ ᏱᏓᏓᏄᎸᏗᏍᎨᏍᏗ, ᎥᏝ ᎪᎱᏍᏗ ᏴᎨᎬᎦ ᏱᏗᎩᎸᏫᏍᏓᏁᎭ.
ᎪᏴᏐᎵ ᎤᎷᎩ.
ᎳᏃᏏᎳ ᎠᏃᏎᎰ ᎠᏂᏴᏫᏁᎬ. ᎾᏍᎩ ᏍᎪᏂᏱ ᎡᎭ. ᎡᏉᎯᏳ ᎠᏛᏍᎦ ᎾᏍᎩ ᎢᏳᏍᏗ, ᎯᎸᎯᏳ ᏅᎩᎭ ᎢᏯᎦᏴᎵ ᎢᏳᎾᏓᎨᏛ ᎨᏐᎢ. ᏝᏬᏚᎯ ᎨᏒᎢ ᎣᎯ ᎤᏂᏰᎸᎭ ᎤᎾᏕᏗᏱ. ᎥᏝ ᎤᎿᎸᎯᏳ ᏱᎩ, ᎬᏂ ᏯᎦᎵᏌᎳᏅ, ᎩᎳ ᏧᏟᏴᏗ—ᎠᏎᏃ ᎤᏣᏘ ᎤᎵᏂᎩᏗᏳ, ᎠᎴ ᎤᏣᏘ ᎤᎵᏂᎩᏗᏳ ᎪᎱᏍᏗ ᎬᏁᏗᏱ. ᎤᎭᎨᏗᏳ ᎤᏁᎦᎳ, ᏧᏯᏍᎦᎶᏉ ᎢᏳ-
