This page has been proofread.
23
ᎠᏛᏛᎲᏍᎩ.
19 ᎯᎳᎩᏳᏉᏃ ᏙᏛᎩᎵᏲᎢᏍᏔᏂ? ᏓᏂᏲᎱᏍᎨᏍᏗᏉ ᎿᏉ ᏙᏛᎩᎵᏲᎢᏍᏔᏂ.
20 ᏂᎦᏛᏍᎪᏃ ᎾᏍᎩ ᎢᎦᎵᏍᏓᏁᏗ? ᎥᎥ, ᏂᎦᏗᏳ.
21 ᏝᏍᎪᏃ ᎪᎱᏍᏗ ᎠᏛᏁᏗ ᏱᎩ ᎠᏚᏓᎴᏍᏗᏱ? ᎥᎥ, ᎪᎱᏍᏗᏍᎩᏂ ᎠᏛᏁᏗ.
22 ᎦᏙᏃ ᎠᏛᏁᏗ? ᎪᎯᏳᏗ ᏥᏌ ᎦᎶᏁᏛ.
23 ᎦᎪᏃ ᎾᏍᎩ ᏥᏌ ᎦᎶᏁᏛ? ᎤᏁᎳᏅᎯ ᎤᏪᏥ ᎾᏍᎩ.
24 ᎦᏙᏃ ᎤᏛᏁᎴ ᏥᏌ ᎦᎶᏁᏛ? ᎡᎶᎯ ᎤᎷᏤ ᎢᎫᏓᎴᏏᎴᎢ.
25 ᎦᏙᏃ ᎤᏛᏁᎴ ᎢᎫᏓᎴᏍᎬᎢ? ᎢᏗᏍᎦᎾ ᎨᏒ ᏅᏧᎵᏍᏙᏔᏁ ᎤᏲᎱᏎᎢ.
26 ᏥᎪᏃ ᎢᎫᏓᎴᏒ ᏂᏗᎥ ᎢᏗᏍᎦᎾ ᎨᏒᎢ. ᎥᏝ, ᎤᏃᎯᏳᏅᎯᏉ ᎤᏅᏒ ᏕᎫᏓᎴᎭ.
27 ᏝᏍᎪᏃ ᎾᏂᎥᏉ ᎢᏳᏍᏗ “ᏥᏌ ᏥᏲᎢᏳᎲᏍᎦ” ᏯᎾᏗᏍᎪᎢ? ᎥᎥ, ᎤᏂᏣᏔ ᎾᏍᎩ ᎾᏂᏪᏍᎪᎢ.
28 ᏥᎪᏃ ᎾᏍᎩ ᏂᎦᏗ ᎨᏥᏍᏕᎸᏗ? ᎥᏝ, ᎤᏙᎯᏳᏒᏉᏍᎩᏂ ᏙᏧᎾᏓᏅᏛ ᎤᏃᎯᏳᏅᎯ.
