Page:Cherokee Primer.djvu/12

From Wikisource
Jump to navigation Jump to search
This page has been proofread.
12
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.

ᏧᎾᏛᏗᏱ. ᎯᎠ ᏥᏳ ᏥᎪᏪᎳ ᎬᏂᏳ ᎠᏍᏕᏱᏛ ᏚᎶᏒ ᎢᎩ, ᎠᎴ ᎠᏄᏬ ᏙᎦᏓ ᏓᏰᏙᎳᏓ. ᏂᎦᏃᎸᎥᏍᎬᎾ ᏱᎩ ᎥᏝ ᏱᏙᎦᏰᎾ ᏥᏳ ᏧᏛᎾ, ᎦᏃᎸᎥᏍᎬᏉᏰᏃ ᏚᎵᏍᎦᏍᏙᏗ. ᏨᏗᏂᏴᏫᏛᎯᏐ ᏥᏳ ᎿᏉ ᏓᏂᏰᏙᎳᏛᎥᏍᎪ ᎠᏄᏬ ᎩᎳᏉᏃ ᎢᏴᏛ ᎠᏓᏅᏍᎪᎢ. ᎾᏍᏉ ᎡᏍᎦ ᏴᏧᎦᏘ ᎤᏃᎴ ᎥᏝ ᏴᎬᏩᏂᏲᏍᏙᏓᏏ ᎠᏂᏂᏒᎢ. ᏍᎪᎨᏱ ᎠᏂᎩᎵᏏ ᎤᎾᏤᎵᎪᎯ ᏣᎾᏗᏍᎪ, ᏦᎢ ᎢᏯᎦᏴᎵ ᎢᏳᏟᎶᏛ ᎠᏂ, ᏁᎳᏚᏉ ᏄᏒᎭ ᏍᎪᎯᏱ ᏭᏂᏔᎶᎢ; ᎢᎸᎯᏳᏃ ᎯᏍᎩᏦᏁ ᎠᎴ ᏦᎠᏍᎪᎯ ᏄᏂᏒᏍᏗᏍᎪᎢ; ᏔᎵᏃ ᏳᏛᏗ ᎠᏥᎸ ᏱᎦᎦᏪᎯᎭ ᎯᎸᎯᏳ ᎠᏍᎪᎯᏉ ᎢᏴᏛ ᏄᏂᏒᏍᏗᏍᎪᎢ.

ᎢᎬᏱᏱ ᏴᏫᏁᎬ ᎠᏂ ᎠᎹᏰᎵ ᎤᏂᎾᏄᎪᏥᎸ ᎾᏍᎩ ᎢᏧᏍᏗ ᏥᏳ ᏚᎾᏦᏕᎢ. ᎠᏂᏴᏫᏯᏃ ᎤᏂᎪᎲ ᎤᏣᏘ ᎤᏂᏍᎦᎴ ᎠᎾᏗᏍᎪᎢ, ᎠᎴ ᎦᎸᎳᏗ ᎡᎯ ᏓᏯᎢ ᎤᏁᎵᏎᎢ.

ᎦᎵᏦᏕ
ᎦᎵᏦᏕ

ᎦᎵᏦᏕ.

ᎯᎠ ᏣᏓᏁᎸ ᎤᎾᏙᏓᏆᏍᎬ ᏧᏂᎳᏫᎢᏍᏗᏱ.—ᎾᏍᎩ ᏂᏙᏐᎢ ᏧᏴᏢ ᏓᏓᏁᎶ ᎠᎴ ᎤᎵᏍᎨᏛᏯ ᎤᏂ-