Page:Charles Lamy - poèmes en patois Kimberlot.djvu/4

From Wikisource
Jump to navigation Jump to search
This page has been proofread.


VISIONS ............................ 81


Et, sins sus-d'ssous, bavaint plein s' bouque,
D' ne rien trouver prêt à claquer,
Pour miux vir à plat vinte y s' couque
Tout l' long d'eun' gargoull' de ch' cloquer.


A ch' monmint dins l' ville t't à l'heure
Indorrni' sins qu'y n'euch' d'autt' bruit
Qu'in cat qui miaule, in tiot qui pleure,
Au fur à m'sur' qu' cheull' nuit s'infuit,


L' clarté choulaint l'ombe et ch' mystère,
Ch' cawaint dins sin tro s'est r'niché,
Vite in éteint chaq' réverbère
In haut de s' potence accroché.


Ch' monne y s'ébroue et fait s'toilette,
Rintiers et chés queuq' gins d' métier,
Les ins pou s'in aller à l' fête,
Les autt' ouvrer dins leu quartier.


D'bout l' première l' fêmme d' ménache
Alleume ch' fu, s' met à frotter,
D'jà ses tutiots font graind tapache
A juer, bavarder, trotter.


Pis pa-d'vaint d' courir à l'école
Trimp'tent leu croutt' dins ch' bon lolo
Pindaint que ch' gât'lot qu'in cajole
Sous ses couvertt' fait cor dodo.


De ch' quartier comm' de l' citadelle
Ch' soldat débuq' fusique in main.
Ch' boulainger leumé pa s' caindelle
Défourne s' premièrr' cuité' d' pain.
6