This page has not been proofread.
- RONDE
- ———
- Cha vous va t’y, bell’ Cathrinette,
- De v’nir causer eun’ liote heurette
- A nous deux, su l’ bord de ruissiau
- Tout in ravisaint couler ch’iau
- Qui déquind se j’ter dins l’ riviére,
- Bell Cathrinette qu’ j’ai si quière ?
- Nou-fait ! car j’ n’ai pont quièr parler
- Ni l' timps de r’wêttier ch’iau couler.
- Cha vous plaît-y, douch’ Cathrinette,
- D’ nos in aller in haut d’ cheull’ crète
- Dins ch’ caimp d’ blé quind y f'ra bien caud
- Cueuillir in bouquet d’ coq’licots
- Et pou nous r’poser fair’ pringére,
- Douch’ Cathrinette qu’ j’ai si quiére ?
- Nou-fait ! car j’ n’ai pont quièr d’ bouquet
- Ni d’aller dins chés blés m' couquer.
- Si ch’est vo d’sir, bonn’ Cathrinette,
- D’ mett’ vo robe et vo colinette,
- Nous irons eune aprés deinner
- A l' ducasse, au lon, nous prom’ner
- Pour dainser, rire et boir’ del bière,
- Bonn’ Cathrinette qu’ jai si quière ?
- Nou-fait ! car j' n'ai pont quièr dainser,
- Eun’ fille honnêtt dot s’in passer.
