— I5 —
biagko; ti Dios adda á siimatang ket lak-amek-to á saan á bumorong ti dusana no kas innak labsingen wenno salungasiñgen daguiti nalpas ko nga inkari kenka; ngem Manuel, ipalawag ko kenka ti napudpudno; siak diak kayat
á pagluksawen ni ama, ta nakautangak ti adu,
no saan nga isu, saannak kumá á limtoad ditoy.
lubong, ket dakkel ti utang ko kenkuana
uray tadtadek ti baguik, idaton ko kenkuana ti
biagko, diakto pay laeng mabaybayadan ti dakkel ñga ayat na, ti impaay na kaniak á dungngona, ti adu á banbannogna kaniak, gapuna
nga agdawatak kenka kumá, ta ipaaymo ñga ayat,
ipopoon mo kumá ti ayatmo kaniak nga immokook dita kararwam ta panawam daytoy ñga ili,
umadayoka, inka idiay Manila apammo tuloyen
ti agadal, ket no inkanto magun-od ti balangat
ti sirib, agsubli-kantot darás ditoy, ket nalabit
ni ama ituloknanto á maaramid ti nasudi (sagrado) á tarigagay daguiti kararwata; aramidem kadi Manuel daguitoy á dawat ko tapno ti
kasta matungpal ti karinkarita ¿Mapanka, Manuel,
idiay Manila?
Diak man naitured á sinongbatan darás daydi á saludsud na ta naiñget á duadua, busakenna ti utekko, naka-al-al-liaw á masakbayan iti agparang kadaguiti matak, ket kararwak kas malmes ti alinono ni mañgamanga. Idi saanna á mauray ti sungbat daydi saludsudna kaniak, inulit na manen ti nagdawat, ket lulua á natarnaw umarakanak kadaguiti napuñgay á matana.
-¿Apayá Manuel á dinak pay met sungbatan,
