This page has been proofread.
DAPIT QUI MAYONG NA VOLCAN SA ALBAY
CAN JUNIO DE 1897.CAPITULO 1
==========Digdi isinasaysay si poon can pagtuga, si macapupu- gnao na camogtacan nin si tauong nagdurulag, si magna panambitan na macalolodoc, si pagcalagalag can magna pag-araqui, asin si pagdiclom na macuri.
Sa cahorasaan nin boot co, isip,
pinagmomorocna sa papel iguhit
an magna nagyari pagtuga nin buquid
kaiyan Juniong bulan fecha veintitres.
An bilang nin taon can fechang sinabi,
taon mil ochocientos noventa y siete,
iyo man an poon pagsenal caini
na buquid Mayong, macagnigniri!
Garo dai co na sabihon cutana
an macaguiguiram na magna pagtuga
ta sa calodocan nin macacabasa,
sucat ipagbolos nin luha sa mata.
