Page:Bareta-dapit-can-volcan-mayong-sa-albay-can-junio-de-1897.pdf/43

—14—

  Magna casangcapan na minamahal mo,

 nacabalic gnonian sa pagcani-abô,

 na con haros gayod sagcod pa saimo

 naca-arog cadtong natotong na tauo.

  Sa gabos caini sacong catugag̃nan,

 isasagcod co na historiang sinaysay,

 tara an masonod na sacong isaysay

 an g̃naran nin mag̃na poon sa banwaan,

  Nin huli ta sinda iyo an nanog̃nod,

 na may autoridad na pinagcucuyog,

 sa Albay, Legaspi, maguino-o gabos

 na maogmang g̃naran iguhit nangayod.

  Sr. Gobernador na guinagalag̃nan,

 caiyan cabecera, Don Angel Bascaran,

 padre Victorino an cura caiyan,

 Don Hugo Latorre actual na capitan.

  Sa Banuang Legaspi idtong municiplo,

 si Señor Goyena, capitan can acto,

 idto si Don Simon, an olay Sindico,

 teniente policia idtong Don Getulio.

  Don Juan Dominguez an de sementera

 de ganado si Don Severino Arienda,

 señor Padre Roque an devoto cura,

 an cuadjutor naman Roberto Floranza.

  Huli caning siring mag̃na casaquitan,

 nagdangtol caidtong Libog na banuaan,

 sa daculang herac nin guinagalag̃nan

 na Señor Obispo, pinag̃naglimosan.

  Siring sa pagboot sa Sr. Vicario,

 cura sa Tabaco, can bulan na Junio

 banuaan sa Libog padarhan na gayo

 nin dos mil quinientos icapagsustento.

  Aso omabot na sinabi nang limos,

 padara nin Señor sa banua sa Libog;