Bilang ina-ampat an saquit sa dachan:
na di mapahayag sa tauong cadaclan;
defensa na dai luyahon, an buhay,
sa nagnadadagnog magna panambitan.
Con dai alignon panong pageasocro,
cadtong ibang tauo tagob nin pagmondo,
tara ini gabos pasabong sa sato,
na di masustohan malolot na puso.
Sa manlaenlaen na naduducayan
Sucat ipagtagnis magna camogtacan,
igua nin mag-ina an omboy sa daghan
acab pa si soso, parejo nang gadan.
Iguang nakapilay sa poon nin cahoy
con totorohocan buhay pang paghilgnon;
aso dolocon na can polistang dacol,
man palan gadan na, laen na si parong.
Igua man natotong na babaing bados
can na sa carreta nagpusi si ticod,
iyo man pagluas aquing binulaos,
hauac suruhay na, date nang roronot.
Pagsacbot na idto sa icaduang aldao,
labis nang sangatos an nacuang gadan;
si magna buhay pa na may calugadan,
natitipon sinda duman sa tribunal.
Asin igua gnani nin cincuenta y nueve,
Sagcod pa caidtong acto de la muerte,
caya an médico masibot na firme
pagbogtac nin boiong sa aldao, sa bangui.
Pag-abot can fecha na trece de Julio,
gadan na sinacbot may doscientos cinco;
pero balaquid pang natahuban abo,
dai nacucua cadaclan na tauo.
Sa cincuenta y nueve macuang buhay pa,
solo an natada cagtolong persona,
