This page has been proofread.
[᭔4B]
᭔
ᬦ᭄ᬮᬲᬤᬭᬡ᭞ᬢᬳᭂᬧᬓ᭄ᬦ᭟᭜᭟ᬫᬮᬶᬄᬬᬦ᭄ᬯᬂᬗᬕ᭄ᬭᬶᬂᬫᬕᬢ᭄ᬭᬭᬄ᭞ᬓᬢᭀᬦ᭄ᬩᬭᬓ᭄᭞ᬧᬓᬤᬾᬧ᭄ᬤᬾᬧ᭄᭞ᬲᬶᬓᬸᬢᬓ᭄ᬦᬭᬶᬂᬧ᭄ᬭᬫ᭠
ᬦᬦ᭄ᬬ᭞ᬬᬦ᭄ᬩᬬᬸᬦ᭄ᬬᬭᬶᬂᬢᬗᬦ᭄ᬫᭂᬢᬸᬗᬸᬩᬢᬩᬶᬢ᭄᭞ᬩᬬᬸᬦ᭄ᬬᬭᬶᬂᬲᬸᬓᬸᬢ᭄ᬓᬳᬦ᭄ᬥᬾᬫ᭄ᬧᭀᬓ᭄᭞ᬭᬶᬂᬢᬗᬦ᭄ᬬᬢᬦ᭄ᬲᬫᬕ᭄ᬭᬄᬫᬭᬧᬄ᭞ᬬ
ᬦ᭄ᬓᬤᬶᬲᬳᬶᬓ᭞ᬓ᭄ᬦᬶᬧᬦᬲ᭄ᬗᬸᬭᬸᬄ᭞ᬗ᭞ᬭᬶᬗᭂᬦ᭄ᬤᬶᬕ᭄ᬦᬳᬶᬂᬧᬦᬲ᭄᭞ᬭᬶᬚ᭄ᬭᭀᬦᬶᬗᬫ᭄ᬧ᭄ᬭᬸᬳᬸᬗ᭄ᬕ᭄ᬯᬦ᭄ᬬ᭞ᬢ᭄ᬫᬸᬢᬶᬲ᭄᭞ᬳᬶᬲᬶᬦ᭄ᬤ᭄ᬭᭀᬂᬫᬬᬾᬄᬲ᭠
ᬦ᭄ᬢᭂᬦ᭄ᬓᬦᬾ᭞ᬢᬳᭂᬧᬓ᭄ᬦ᭟᭜᭟ᬫᬮᬶᬄᬬᬦ᭄ᬯᭀᬗᬕ᭄ᬭᬶᬂᬓᬢᭀᬦ᭄ᬲᭀᬘᬦ᭄ᬬᬵᬮᬸᬭᬸ᭞ᬬᬦ᭄ᬬᬵᬫᬗᬦᬾᬦᬓ᭄᭞ᬬᬦ᭄ᬭᬶᬂᬯ᭄ᬗᬶᬦ᭄ᬬᬫᭀᬮᬄ
[᭕5A]
ᬰᬹᬦ᭄ᬬᬕᭂᬩ᭄ᬬᬕᭂᬩ᭄ᬬᬸᬕ᭄᭞ᬲ᭄ᬬᬧᬯᬱ᭄ᬝᬦᬶᬓᬂᬕ᭄ᬭᬶᬂ᭞ᬕ᭄ᬭᬶᬂᬓᬩᬮᬸᬦ᭄᭞ᬗ᭞ᬓᬭᬡᬦᬶᬂᬓᬤᬶᬫᬗ᭄ᬓᬦ᭞ᬫᬧᬦ᭄ᬲᬚ᭄ᬭᭀᬦᬶᬂᬚᭂᬚᭂᬗ᭄ᬓᬸᬕ᭄ᬦᬄᬳᬶᬓᬂᬧ
ᬦᬲ᭄᭞ᬤᬶᬤᬶᬓ᭄᭞ᬫᬘᬫ᭄ᬧᬸᬄᬬᬭᬶᬂᬩᬜᬸᬯᬾᬤᬂᬧᬸᬦᬶᬓ᭞ᬫ᭄ᬯᬂᬲᬶᬲ᭄ᬕᬢᭂᬮ᭄ᬧᬸᬦᬶᬓᬫᬘᬫ᭄ᬧᬸᬄ᭞ᬫᬗ᭄ᬤᬤᬶᬬᬧᬦᬸᬲᬸᬭᬗᬭᬶᬂᬗᬭᬦ᭄ᬬ᭞ᬫ᭄ᬯᬄ᭠
ᬬᬦ᭄ᬳᬦᬓᬦᬶᬂᬲᭀᬘᬦ᭄ᬬᬫᬲᬯᬂᬚ᭄ᬦᬃ᭞ᬢ᭄ᬓᬦᬶᬂᬧᬸᬢᬶᬄᬦ᭄ᬬ᭞ᬬᬦ᭄ᬭᬶᬗᬗ᭄ᬕᬦ᭄ᬬᬲᬮᬄ᭞ᬢᬸᬃᬬᬳᬗᬸᬬᬸᬳᬓᭂᬤ᭄ᬭᬄ᭞ᬕ᭄ᬭᬶᬂᬦ᭄ᬬᬢᬦ᭄ᬲᬄᬓᬧᬢᬶᬧ᭠
ᬢᬶ᭞ᬬᬦ᭄ᬲᬫᬗ᭄ᬓᬦᬳᬚᬳᬶᬫ᭞ᬤᬳᬢᬾᬯᭂᬄᬕ᭄ᬭᬶᬂᬫᬗ᭄ᬓᬦ᭞ᬤᬾᬦᬶᬂᬧᬤᬲᬶᬓᬫᬕ᭄ᬦᬄᬭᬶᬂᬤᬍᬫ᭄ᬳᬢᬶ᭞ᬗ᭞ᬧ᭄ᬚᬄᬚᬸᬕᬫᬗ᭄ᬓᬦ᭟ᬢᬤ
