This page has been proofread.
[᭑᭙19B]
᭑᭙
ᬓᬸᬢᬶᬩᬬᬭᬶᬂᬩᬳᬸ᭞ᬫᬮᬶᬄᬮᬸᬫᬓᬸᬢᬶᬩᬬᬭᬶᬂᬓᬸᬮᬸᬦ᭄᭞ᬢᬶᬩᬬᬭᬶᬂᬤᬤ᭄ᬥ᭞ᬅᬗᬧᬓᬭᬡᬦᬶᬂᬓᬢᭀᬦ᭄ᬯᬮᬗᬦ᭄ᬬᬭᬶᬂᬚᬩ᭞ᬳᬦᬭᬄ
ᬫᬵᬢᬶᬩᬬᬢᬶᬓᬸᬲ᭄ᬫᬳᬸᬭᬶᬧ᭄᭞ᬲᬫ᭄ᬤᬮ᭄ᬳᬸᬧᬲᬫᬗ᭄ᬓᬦ᭞ᬪᬵᬝᬵᬭᬫᬭᬸᬢᬵᬕ᭄ᬦᬶ᭞ᬳᬗᬤᬓᬂᬳᬸᬧᬲ᭄ᬓᬩᬾᬳᬵ᭞ᬭᬶᬤᬍᬫᬶᬂᬲᬸᬓᬧᬍᬫᬳᬦ᭄ᬬ᭞
ᬫᬮᬶᬄᬬᬓᬾᬲᬄᬭᬶᬂᬚᬩᬚ᭄ᬭᭀᬫᬕ᭄ᬦᬄᬬᬤᬤᬦᬶᬗᬯᬓ᭄᭞ᬢᬢᬶᬕᬯᬃᬡ᭄ᬦᬦ᭄ᬬ᭞ᬳᬩᬂ᭞ᬓᬸᬦᬶᬂ᭞ᬮᬢᭂᬓ᭄᭞ᬓᬂᬓᬤ᭄ᬬᬗᬧᬧᬗ᭄ᬮᬭᬦ᭄ᬬ
᭞ᬭᬶᬂᬗ᭄ᬳᬸᬮᬸᬦᬢᬶᬫᬦᬸᬍᬓᬬᬧᬦᬸᬮᬶᬭ᭄᭞ᬫ᭄ᬢᬸᬧᬘᬩᬾᬮ᭄ᬩᬾᬮ᭄᭞ᬫᬲᬯᬂᬕ᭄ᬢᬶᬄᬫᬵᬢᬶ᭞ᬫᬭᬶᬗᬯᬓ᭄ᬦ᭄ᬬᬓᬬᬕ᭄ᬭᬶᬂᬗᭂᬲᭂᬂ᭞ᬢᬸᬃᬯᬬᬄᬅᬯ
[᭒᭐20A]
ᬓ᭄ᬦ᭄ᬬ᭞ᬫᬗ᭄ᬓᬦᬫᬗ᭄ᬮᬭᬦᬶᬬ᭞ᬭᬶᬗ᭄ᬳᬸᬮᬸᬦᬢᬶᬫᬗᬸᬍᬓᬬᬧᬦᬸᬮᬶᬭ᭄᭟ᬫᬗ᭄ᬓᬾᬧᬯ᭄ᬭᬸᬄᬳᬦᬯᬃᬧᬬᭀᬕᬦᬾᬲᬂᬫᬭᬸᬢᬵᬕ᭄ᬦᬶ᭞ᬮᬫᬓ
ᬦᬾᬯᬭᬲ᭄᭞ᬯᬸᬄᬳᬦᬯ᭄ᬭᬸᬄᬫᬗᬭᬦ᭄ᬲᬂᬅᬘᬶᬡ᭄ᬝᬫᬡᬶᬓ᭄᭞ᬇᬓᬸ᭠ᬯ᭄ᬭᬸᬄᬳᬦᬥᬃᬳᬸᬧᬲᬾᬲᬂᬫᬭᬸᬢᬵᬕ᭄ᬦᬶ᭞ᬭᬶᬗᭂᬦ᭄ᬤᬶᬤᬾᬰᬦ᭄ᬬᬲᬂᬅᬘᬶᬡ᭄ᬝ᭠
ᬫᬡᬶᬓ᭄᭞ᬭᬶᬤᬍᬫᬶᬂᬳᬶᬓᭂᬮᬦ᭄᭞ᬧᬸᬢᬶᬄᬓᬸᬦᬶᬂᬯᬃᬡ᭄ᬦᬦ᭄ᬬ᭞ᬇᬓᬶᬢᬶᬗ᭄ᬓᬳᬶᬂᬳᬦᬥᬃᬳᬸᬧᬲ᭄᭞ᬓᬲᬾᬓᬮ᭄ᬯᬶᬭᬦᬶᬂᬳᬸᬧᬲ᭄᭞ᬩᬜᬸᬢᬸᬯᬶ
ᬫᬯᬤᬄᬲᬶᬩᬸᬄᬲᬼᬫ᭄᭞ᬳᬸᬬᬄᬚᬸᬫ᭄ᬧᬸᬢ᭄᭞ᬢᬶᬗ᭄ᬓᬳᬾᬳᬦᬯᬃᬳᬶᬦᬤᭂᬧᬓ᭄ᬦᬰᬶᬱ᭄ᬬᬦᬾᬲᬂᬅᬘᬶᬡ᭄ᬝᬫᬡᬶᬓ᭄᭞ᬭᬶᬤᬍᬫᬶᬂᬳᬶᬓᭂᬮ᭄ᬳᬶᬓᭂᬮ᭄
