[ 18B]
᭑᭘
ᬲ᭞ᬭᬶᬂᬨᬮᬵᬢ᭄ᬗᭂᬦ᭄᭞ᬖ᭄ᬦᬶᬉᬧᬮᬦᬶᬭᬶᬂᬨᬮᬓᬶᬯᬵ᭞ᬇᬤᭂᬩ᭄ᬢᬭᬸᬩ᭄ᬓᬩᬾᬄ᭚᭐᭚ᬦ᭄ᬬᬦ᭄ᬳᬚᬶᬓᬧᬸᬢᬸᬲᬦ᭄᭞ᬬᭀᬕ᭄ᬬᬋᬕᭂᬧᬤᬾᬦᬶᬭᬲᬗᬫᬸᬮᬶᬄᬓᬧᬸᬭᬸᬲᬦ᭄᭞ᬨᬮᬦ᭄ᬬᬯᬶᬰᬾᬰᬵᬲᬶᬭ᭞ᬢᬦ᭄ᬓᬯᬶ
ᬰᬾᬱᬦ᭄ᬤᬾᬦᬶᬭᬓᬩᬾᬄ᭞ᬫ᭞ᬒᬁᬳᬓᬱᬢᬸᬗ᭄ᬕᬮ᭄᭞ᬧ᭄ᬭᬶᬢᬶᬯᬶᬢᬸᬗ᭄ᬕᬮ᭄᭞ᬋᬥᬶᬢᬾᬢᬸᬗ᭄ᬕᬮ᭄᭞ᬉᬮᬦ᭄ᬢᬸᬗ᭄ᬕᬮ᭄᭞ᬯᬤᭀᬦ᭄ᬢᬸᬗ᭄ᬕᬮ᭄᭞ᬧᬸᬭᬸᬱᬵᬢᬸᬗ᭄ᬕᬮ᭄᭞ᬪᬕᬢᬸᬗ᭄ᬕᬮ᭄᭞ᬲᬂᬳ᭄ᬬᬂᬧᬸᬭᬸᬱᬵᬲᬗ᭄ᬓᬭᬵ
ᬧᬶᬦᬓᬤᬾᬯᬢᬶᬦᬶᬂᬧᬸᬭᬸᬲ᭄᭞ᬲᬂᬭᬚᭂᬕ᭄ᬯ᭄ᬲᬶᬧᬶᬦᬓᬤᬾᬯᬢᬵᬦᬶᬂᬓᭀᬦ᭄ᬢᭀᬮ᭄᭞ᬧᬸᬭᬸᬲ᭄᭞ᬲᬂᬳ᭄ᬬᬂᬓᭀᬦ᭄ᬢᬮᬫᬦᬶᬓ᭄᭞ᬧᬶᬦᬓᬵᬤᬾᬯᬢᬦᬶᬂᬓᭀᬦ᭄ᬢᭀᬮ᭄᭞ᬲᬂᬬᬂᬧᬤᬲᬸᬯᬸᬦ᭄ᬲᬭᬶᬂᬧᬶ
ᬦᬓᬤᬾᬯᬢᬦᬶᬂᬧᬸᬘᬸᬓᬶᬂᬧᬸᬭᬸᬲ᭄᭞ᬲᬂᬳ᭄ᬬᬂᬧᬜ᭄ᬘᬸᬭᬦ᭄ᬫᬡᬶᬓ᭄᭞ᬧᬶᬦᬓᬤᬾᬯᬢᬦᬶᬂᬳᬸᬬᬸᬳᬸᬬᬸᬳᬦ᭄᭞ᬲᬂᬳ᭄ᬬᬂᬓᬫᬓᬺᬱ᭄ᬡᬵ᭞ᬧᬶᬦᬓᬤᬾᬯᬢᬦᬶᬂᬓᬵᬫ᭞ᬲᬂᬳ᭄ᬬᬂᬢᬶᬡ᭄ᬥᬍᬯᬶᬄᬤᬾᬯᬢᬦᬶᬂ
[ 19A]
ᬭᬣᬦᬶᬂᬓᬫ᭄ᬫᬵ᭞ᬪᬝᬵᬭᬕᬸᬡᬵᬯᬶᬰᬾᬱᬵ᭞ᬲᬲᬭᬭᬶᬂᬭᬩᬶᬓᬩᬾᬄ᭞ᬲᬂᬳ᭄ᬬᬂᬓᬧᬸᬭᬸᬦᬶᬭᬫᬾᬯᭂᬄᬲᬶᬭᬳᬳ᭄ᬭᬸᬳᬭᬳᬰᬦᬶᬂᬢᬗᬶ᭞ᬫ᭄ᬯᬂᬢᬸᬭᬸ᭞ᬳᬧᬦ᭄ᬲᬶᬭᬵᬲᬂᬲᬫ᭄ᬧᬸᬦ᭄ᬳᬫᬵᬃᬕ᭄ᬕᬓᬓᭂᬮᬶᬢ᭄ᬦᬶᬓᬂᬧᬭ
ᬫ᭄ᬫᬵᬳᬱ᭄ᬬ᭞ᬯ᭄ᬭᬸᬄᬭᬲᬦᬶᬂᬢᬗᬶ᭞ᬫ᭄ᬯᬂᬢᬸᬭᬸ᭞ᬯ᭄ᬦᬂᬲᬶᬭᬵᬫᬫᬲᬄᬳᬓᭂᬦ᭄᭞ᬢᬧᬦᬶᬓᬂᬢᬗᬶᬓᬮᬯᬦ᭄ᬢᬸᬭᬸ᭞ᬫᬾᬯᭂᬄᬲᬶᬭᬕᬦ᭄ᬭᬶᬂᬦᬱᬦ᭄᭞ᬦ᭄ᬥᬶᬫᬾᬯᭂᬄᬦᬶᬂᬢᬗᬶ᭞ᬫᬾᬯᭂᬄᬦ᭄ᬬᬓᬮᬦᬶᬂᬢᬸᬭᬸ᭞ᬭᬶᬂᬓᬮᬵ
ᬦ᭄ᬬᬢᬗᬶ᭞ᬓᬯ᭄ᬭᬸᬳᬓ᭄ᬦᬭᬶᬂᬧᬦᬗ᭄ᬓᬦᬶᬂᬢᬗᬶᬫ᭄ᬯᬂᬢᬸᬭᬸ᭞ᬧᬤᬕᬸᬡᬦ᭄ᬬ᭞ᬫᬢᬮ᭄ᬯᬶᬃᬦ᭄ᬬᬓᬮᬦᬶᬂᬳᬢᬗᬶ᭞ᬬᬦ᭄ᬫᬦᬸᬫᬶᬮᬸᬧ᭞ᬲᬸᬫᬸᬭᬸᬧ᭄ᬮᬸᬧ᭄ᬢᬵ᭞ᬫᬦᬸᬗ᭄ᬕᬮ᭄ᬢᬵ᭞ᬦ᭄ᬥᬶᬢᬢᬸᬫᬸᬢᬸᬧ᭄᭞ᬲᬫᬗ᭄ᬓᬦᬵ᭞ᬧᬭ
ᬦ᭄ᬧ᭄ᬯᬳᬶᬓᬵᬳᬤᬾᬂ᭞ᬲᬶᬭᬦᬸᬗ᭄ᬕᬗᬵ᭞ᬳᬦᬾᬂᬧ᭄ᬯᬲᬶᬭ᭞ᬮᬄᬲᬸᬫᬸᬭᬸᬧᬵ᭞ᬲᬫᬦ᭄ᬥᬶᬢᬧ᭄ᬢᬸᬲᬶᬭᬯ᭄ᬭᬸᬄ᭞ᬫᬦᬸᬲᬸᬧᬶᬦ᭄᭞ᬯ᭄ᬭᬸᬄᬫᬫ᭄ᬩᭂᬓᬦ᭄᭞ᬲᬫᬦ᭄ᬥᬶᬢᬧ᭄ᬯᬲᬶᬭ᭞ᬧᬶᬦᬓᬵᬢᬸᬢᬸᬧᬶᬂᬳᬢᬗᬶ᭞ᬫ᭄ᬯᬂ
Page:Bali-lontar-tutur-smara-bhuwana-300ppi.pdf/18
Jump to navigation
Jump to search
This page has been proofread.
