[᭕᭒ 52B]
᭕᭒
ᬢᬸᬮᬓ᭄ᬳᬸᬢᬸᬲᬦᬾᬋᬓᭀ᭞ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞ᬲᬭᬳᬸᬄᬜᬭᬭᬶᬲ᭄ᬜᭂᬫ᭄ᬩᬄ᭞ᬫᬗᭂᬪᬓ᭄ᬢᬶ᭞ᬗᬢᬸᬭᬂᬲᬧᬭᬶᬓᬦ᭄ᬤ᭟ᬲᬂᬦᬵᬣᬓᬮᬶᬦ᭄ᬢᬂᬫᭂᬗ᭄ᬕᬄ᭞ᬧ᭄ᬭᬭᬳᬶᬦᬾ
ᬩᬳᬕ᭄ᬩᬶᬬᬶᬂ᭞ᬳᬸᬲ᭄ᬯᬲᬦᬾᬤᭀᬳᭀᬲ᭄ᬤᭀᬳᭀᬲ᭄᭞ᬕᭂᬮ᭄ᬕᭂᬮ᭄ᬯᬶᬫ᭄ᬩᬦ᭄ᬳᬶᬤ᭠ᬋᬗᬹ᭞ᬤᬾᬦᬶᬂᬩᭂᬦ᭄ᬤᬸᬦᬾᬓᬮᬶᬦ᭄ᬢᬂ᭞ᬓᬤᬶᬕᭂᬦᬶ᭞ᬫᬸᬭᬸᬩ᭄ᬭᬶᬂᬚᭂᬭᭀᬦᬶᬂᬭᬕ᭄ᬕ᭟ᬢᬸᬫᬸᬮᬶ
ᬫᬗᬦ᭄ᬤᬶᬓᬬᬂ᭞ᬦ᭄ᬤᬯᬸᬳᬶᬦ᭄ᬧᬜ᭄ᬚᬓᬾᬲᬫᬶ᭞ᬫᬗ᭄ᬤᬕᭂᬮᬶᬲ᭄ᬭᬯᬸᬄᬋᬓᭀ᭞ᬫᬫᬃ᭠ᬕ᭄ᬕᬶᬧᬘᬂᬫᬗᭂᬩᬸᬕ᭄᭞ᬰ᭄ᬯᬃᬕ᭄ᬕᬦᬾᬫᬗ᭄ᬤᬾᬜᬭᬸᬲᬓ᭄᭞ᬭᬯᬸᬄᬕᭂᬮᬶᬲ᭄᭞ᬫᬦ᭄ᬢ᭄ᬭᬶᬧᬸᬗ᭄ᬕᬯ᭄ᬯᬵ᭞
ᬮᬦ᭄ᬧᬜ᭄ᬚᬓ᭄᭟ᬲᬳᬲᬶᬓᭂᬧ᭄ᬜᬜᬧ᭄ᬜᬜᬧ᭄᭞ᬳᬾᬩᭂᬓ᭄ᬳᬶᬭᬶᬓᬭᬶᬂᬫᬃᬕ᭄ᬕᬶ᭞ᬭ᭠ᬯᬸᬄᬓᬩᬜ᭄ᬘᬶᬗᬄᬋᬓᭀ᭞ᬭᬯᬸᬳᬶᬂᬓᬳᬮᬸᬦ᭄ᬳᬮᬸᬦ᭄᭞ᬳᬾᬩᭂᬓ᭄ᬩᬳᬦ᭄ᬤᬳᬶᬢ᭄ᬬ᭠
[᭕᭓ 53A]
᭕᭓
ᬬᬓ᭄ᬱ᭞ᬫᬶᬯᬄᬯ᭄ᬯᬶᬮ᭄᭞ᬭᬓ᭄ᬱᬲᬫᬶᬯᬄᬩᬪᬸᬢᬦ᭄᭚᭜᭚ᬧᬸᬧᬸᬄᬤᬹᬃᬫ᭄ᬫ᭚ᬓᬘᬭᬶᬢᬫᬫᬃᬕ᭄ᬕᬳᬶᬤᬲᬂᬦᬵᬣ᭞ᬭᬓ᭄ᬱᬲᬓᬮᬶᬗ᭄ᬕᬶᬳᬶᬦ᭄᭞ᬫᬸᬯᬦ᭄ᬜᬦᬾᬕᬚᬄ᭞
ᬧᬦᬄᬓᬯᬘᬤᬸᬫᬶᬮᬄ᭞ᬓᬤᬶᬲᬹᬃᬬ᭄ᬬᬦᬾᬫᬗᭂᬦ᭄ᬤᬶᬄ᭞ᬭᬕᬤᬸᬫᬶᬮᬄ᭞ᬫᬳᬶᬭᬶᬩ᭄ᬬᬕᬸᬦᬸᬂᬳᬧᬶ᭟ᬢᬸᬗ᭄ᬕᬸᬮ᭄ᬳᬶᬤᬧᬜ᭄ᬚᬂᬳᬦ᭄ᬢᬸᬓ᭄ᬩ᭄ᬮᬸᬮᬂᬦᬕ᭞ᬗᬭᬾᬤᬾᬧ᭄ᬢᭂᬫ᭄ᬧᬸᬄᬳ
ᬗᬶᬦ᭄᭞ᬓ᭄ᬭᬸᬭᬫᬗᬸᬮᬾᬧᬢ᭄᭞ᬯᬮᬸᬬᬓᬤᬶᬢᬓ᭄ᬱᬓ᭞ᬕᭀᬕᭂᬦ᭄ᬤᬶᬂᬓᬸᬮ᭄ᬓᬸᬮ᭄ᬫᬫᬸᬜᬶ᭞ᬲᬸᬃᬬ᭄ᬬᬓ᭄ᬢᬦ᭄ᬧᭂᬕᬢ᭄᭞ᬚᬢᬶᬫᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭟ᬧᬧᬸᬘᬸᬓᬾᬳᬓᭂᬢᬶᬩᬮᬵ
ᬭᬓ᭄ᬱᬲᬲᬺᬕᭂᬧ᭄ᬫᬓᬧᬗᬩᬶᬄ᭞ᬮᬶᬫ᭄ᬧᬸᬂᬲᬜ᭄ᬚᬢᬦ᭄ᬜ᭞ᬲᬫᬶᬫᬫ᭄ᬩᬓ᭄ᬢᬢᬫᬶᬬᬂ᭞ᬫᬢᬸᬮᬶᬲ᭄ᬲᬶᬗ᭄ᬳᬵᬗᬚᭂᬗᬶᬢ᭄᭞ᬦᬾᬦᬾᬳᬮᬓ᭄ᬱ᭞ᬲᬫᬶᬫᬲᬶᬓᭂᬧ᭄ᬚᬫ᭄ᬧᬭᬶᬂ᭟ᬦᬾ
