[᭕᭐ 50B]
᭕᭐
ᬮᬦ᭄ᬇᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬚᭂᬭᬶᬄᬳᬶᬤᬲᬫᬶ᭞ᬯᬾᬦ᭄ᬢᭂᬦ᭄ᬯᬘᬦᬦ᭄ᬪᬝᬵᬭ᭞ᬭᬶᬂ᭠ᬦᬶᬮᬮᬸᬤ᭄ᬭᬓᬤᬸᬫᬸᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬧᬸᬢ᭄ᬭᬦᬾᬫᬮ᭞ᬦᬶᬓᬚᬢᬶ᭞ᬢᬦ᭄ᬯᬗ᭄ᬤᬾᬧᬘᬂᬫᬤᭂᬫᬂ᭟
ᬧᬸᬦᬶᬓᬦᬾᬓᬩᬯᭀᬲᬂ᭞ᬳᬦ᭄ᬢᬸᬓ᭄ᬤᬾᬯᬢᬦᬾᬲᬫᬶ᭞ᬬᬫ᭄ᬫᬩᬭᬸᬡᬓ᭄ᬯᬾᬭ᭞ᬫᬓᬤᬶᬳ᭄ᬬᬂᬰᬣᬓᬺᬢᬸ᭞ᬮᬦ᭄ᬪᬕᬯᬦ᭄ᬯ᭄ᬭᬳᬲ᭄ᬧᬢᬶᬬ᭞ᬫᬫ᭄ᬩᬯᭀᬲᬶᬦ᭄᭞ᬤᬬᬦᬾᬧ᭠
ᬢᬸᬢ᭄ᬲᬶᬗᬶᬤᬂ᭟ᬧᬸᬧᬸᬢ᭄ᬩᬩᬯᭀᬲᬾᬓᭀᬘᬧ᭄᭞ᬧᬋᬫ᭄ᬩᬸᬕ᭄ᬳᬶᬤᬦᬾᬫ᭠ᬗ᭄ᬓᬶᬦ᭄᭞ᬧᬮᬶᬗ᭄ᬕᬶᬳᬦ᭄ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬅᬳᬶᬭᬯᬦᬕᬚᬄᬳᬕᬸᬂ᭞ᬭᬹᬧᬦᬾᬜ᭄ᬚᭂᬚᭂᬳᬶᬦ᭄ᬫᬦᬄ᭞
ᬗᬋᬲ᭄ᬋᬲᬶᬦ᭄᭞ᬧᬘᬂᬓᬳᬗ᭄ᬕᬾᬦ᭄ᬫᬜ᭄ᬘᬦ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬧᬭᬤᬾᬯᬢᬦᬾᬲᬫᬶ᭞ᬫᬶᬯᬄᬘᬢᬹᬃᬮᭀᬓᬧᬵᬮ᭞ᬲᬫᬶᬗᬲ᭄ᬢᬯᬬᬂᬲᬫ᭄ᬧᬸᬦ᭄᭞ᬫᬗ᭄ᬤᬲᬶᬤ᭠
[᭕᭑ 51A]
᭕᭑
ᬦᬾᬳᬧ᭄ᬢᬶᬬᬂ᭞ᬫᬦᬗ᭄ᬓᬶᬮᬶᬦ᭄᭞ᬳ᭄ᬬᬂᬰᬶᬯ᭄ᬯᬢᬦ᭄ᬧᬯᭂᬓᬲᬦ᭄᭟ᬲᬭᬯᬸᬳᬾᬲᬫᬶᬜᬸᬫ᭄ᬩᬄᬗᬢᬹᬭᬂᬳᬸᬦᬶᬗᬫᬗ᭄ᬓᬶᬦ᭄᭞ᬤᬾᬦᬶᬂᬰ᭄ᬯᬃᬕ᭄ᬕᬦᬾᬓᬯᭀᬦ᭄᭞ᬓᬕᭂᬩᬸᬕ᭄ᬳᬦ᭄ᬢᬸᬓ᭄ᬳᬶᬫᬸᬲᬸᬄ᭞ᬤᬾᬯᬶ
ᬉᬫᬭᬶᬂᬧᬗ᭄ᬓᭀᬦᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬓᬕᬶᬳᬢ᭄ᬳᬶᬤᬫᬜᬶᬗᬓ᭄᭟ᬜᬶᬗᬓ᭄ᬕᬚᬄᬐᬭᬯᬦ᭞ᬕᬯᭀᬓ᭄ᬳᬶᬤᬲᭂᬫᬸᬭᬶᬫ᭄ᬭᬶᬫ᭄᭞ᬤᬾᬦᬶᬂᬢᭂᬫ᭄ᬩᬾᬫᬗᬦ᭄ᬢᭂᬦᬂ᭞ᬢᬯᬄᬧᬶᬲᬦ᭄
ᬕᬚᬄᬳᬕᬸᬂ᭞ᬭᬭᬶᬲ᭄ᬫᬗ᭄ᬕᭂᬮᬸᬢ᭄ᬗ᭄ᬕᭂᬮᬶᬲᬂ᭞ᬲᬃᬯ᭄ᬯᬶᬜᭂᬭᬶᬢ᭄᭞ᬓᬦ᭄ᬢᬦ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭄ᬯ᭟ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬳᬶᬤᬯᬶᬓᬦ᭄᭞ᬗ᭄ᬕᭂᬮᬶᬲᬂᬳᬶᬤᬫᬧᬫᬶᬢ᭄᭞ᬲᬋᬂᬤᬾᬯᬢᬦᬾᬋᬓᭀ
ᬳᬚᭂᬭᬶᬄᬧᬘᬂᬓᬧᬲ᭄ᬢᬸ᭞ᬢᬦ᭄ᬘᬭᬶᬢᬬᬂᬧᬸᬦᬶᬓ᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬗ᭄ᬳ᭄ᬬᬂᬰᬶᬯ᭄ᬯᬓᬳᬶᬩᬸᬓᬦ᭄᭟ᬤᬾᬦᬶᬂᬳᬶᬤᬲᬫ᭄ᬧᬸᬦ᭄ᬯᬶᬓᬦ᭄᭞ᬤᬾᬯᬢᬦᬾᬫᬧᬓᬃᬤ᭄ᬤᬶ᭞ᬫᬗ᭄ᬤᬾᬦ᭄᭞
