Page:Bali-lontar-paparikan-smaradahana-03-350ppi.pdf/25

[᭒᭔ 24B]
᭒᭔
ᬯᬦ᭄‌‌ᬯᬺᬳᬲ᭄ᬧᬢᬶ᭞ᬫᬗ᭄ᬤᬫᬗ᭄ᬕᭂᬮᬶᬲᬂ᭞ᬦᬸᬦᬲᬂᬧᬗᬫ᭄ᬧᬸᬭ᭞ᬭᬶᬂᬳᬶᬤᬳ᭄ᬬᬂᬮᬸᬤᬺᬫᬹᬃᬢ᭄ᬢᬶ᭞ᬫᬗ᭄ᬤᬾᬦ᭄ᬫᬕᭂᬳᬂ᭞ᬓᬤᬶᬲᬗ᭄ᬓᬾᬢᬦᬾᬭᬶᬳᬶᬦ᭄᭟ᬤᬾᬦᬶᬂᬲᬫᬶᬳᬶᬤᬲᬗ᭄ᬕᬸᬧ᭄ᬫᬦᬸ᭠
ᬦᬲᬂ᭞ᬧᬗᬫ᭄ᬧᬸᬭᬭᬶᬂᬳ᭄ᬬᬂᬍᬯᬶᬄ᭞ᬬᬾᬦᬶᬂᬳᬶᬤᬫᭂᬗ᭄ᬕᬄ᭞ᬭᬶᬂᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬓᬕᬾᬢ᭄ᬲᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄᭞ᬲᬂᬯᬢᭂᬓ᭄ᬤᬾᬯ᭄ᬯ᭞ᬗᬤᬧᬮ᭄ᬲᬫᬶᬦᬶᬗ᭄ᬕᬮᬶᬦ᭄᭟ᬲᬫᬶᬗᭂᬚᭀᬄ
ᬳᬶᬤᬫᬗᭂᬗ᭄ᬓᭂᬩᬂᬭᬕ᭞ᬢᬓᬸᬢ᭄ᬧᬘᬂᬓᬳᬓ᭄ᬱᬶ᭞ᬳᬦ᭄ᬢᬸᬓ᭄‌‌ᬲᬗ᭄ᬳ᭄ᬬᬂᬮᬸᬤᬺ᭞ᬢ᭠ᬦ᭄ᬫᬕᭂᬳᬂᬧᬲᭂᬗ᭄ᬓᬾᬢᬦ᭄᭞ᬲᬗ᭄ᬳ᭄ᬬᬂᬲ᭄ᬫᬭᬗ᭄ᬮᬮᬸᬫᬗ᭄ᬓᬶᬦ᭄᭞ᬫᬶᬢᬳᭂᬦ᭄ᬲᬾᬤ᭞ᬲᬗ᭄ᬳ᭄ᬬᬭᬸᬤ᭄ᬭᬗᬸ᭠
ᬩᬢ᭄ᬳᬩᬶᬢ᭄᭟ᬮᬶᬦ᭄ᬢᬂᬩᭂᬦ᭄ᬤᬸᬭᬭᬶᬲ᭄‌‌ᬳᬶᬤᬫᬗᬺᬕᭂᬧᬂ᭞ᬗᬫᬶᬚᬶᬮᬂᬓᬮᬕᭂᬦᬶ᭞ᬲ᭠ᬓᬾᬂᬧᬜᬶᬗᬓᬦ᭄᭞ᬫᬶᬯᬄᬲᬓᬾᬂᬳᬸᬗᬲᬦ᭄᭞ᬲᬓᬾᬂᬮᬫ᭄ᬩᬾᬲᬓᬾᬂᬲᬶᬮᬶᬢ᭄᭞ᬫᬸ᭠

[᭒᭕ 25A]
᭒᭕
ᬭᬸᬩ᭄‌‌ᬤᬸᬫᬶᬮᬄ᭞ᬢᬦ᭄ᬧᬳᬦ᭄ᬤᬸᬲ᭄ᬓᬳᬓ᭄ᬱᬶ᭟ᬲᬬᬦ᭄ᬫᬸᬭᬸᬩ᭄‌‌ᬕᭂᬦᬶᬦᬾᬓᬤᬶᬳᬸᬧᬶᬦᬂ᭞ᬓᬯᭂᬯᭂᬳᬶᬦ᭄‌‌ᬯᬶᬱᬕ᭄ᬦᬶ᭞ᬫᬶᬚᬶᬮ᭄ᬲᬓᬾᬂᬭᬕ᭄ᬕ᭞ᬳᭂᬦ᭄ᬤᬶᬄᬫᬸᬭᬸᬩ᭄ᬤᬸᬫᬶᬮᬄ᭞ᬢᬦ᭄ᬮᬶᬬᬦ᭄ᬓᬤᬶᬕᬸᬦᬸᬂ
ᬳᬧᬶ᭞ᬲᬬᬦ᭄‌‌ᬗᬕᭂᬗᬂ᭞ᬓᬮᬶᬧᬸᬢ᭄‌‌ᬳ᭄ᬬᬂᬲ᭄ᬫᬭᬫᬗ᭄ᬓᬶᬦ᭄᭟ᬓᭂᬩᬸᬲ᭄ᬩᬳᬂᬭᬕᬦ᭄‌‌ᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬓᬮᬶᬧᬸᬢ᭄ᬳᬦ᭄ᬢᬸᬓ᭄‌‌ᬕᭂᬦᬶ᭞ᬫᬜᬸᬲᬸᬧᬶᬦ᭄ᬢᬸᬮᬂ᭞ᬯᬢ᭄ᬳᬶᬤᬲᬫᬶᬢᬲ᭄ᬢᬲ᭄᭞ᬢᭂ᭠
ᬓᬦᬶᬂᬧᬦᬄᬢᬦ᭄ᬓᬭᬶ᭞ᬧᬸᬯᬸᬦ᭄ᬫᬓᭂᬚᬂ᭞ᬫᬶᬯᬄᬧᬫᭂᬦ᭄ᬢᬗᬦ᭄ᬲᬫᬶ᭟ᬦᬗ᭄ᬳᬶᬂᬤᬸᬭᬸᬂᬳᬶᬤᬫᬗᭂᬫᬲᬶᬦ᭄ᬲᬾᬤ᭞ᬓᬲᬗ᭄ᬲᬭᬦ᭄ᬓᬲᬓᬶᬢᬶᬦ᭄᭞ᬳᬦ᭄ᬢᬸᬓ᭄‌‌ᬲᬗ᭄ᬳ᭄ᬬᬂᬭᬹᬤ᭄ᬭ᭞ᬫᬗ᭄ᬤᬢᬦ᭄ᬕᭂᬮᬶᬲ᭄
ᬲᬾᬤ᭞ᬮᬾᬤᬂᬳᬶᬤᬫᬗᬓ᭄ᬱᬶᬦᬶᬦ᭄᭞ᬲᬗ᭄ᬳ᭄ᬬᬂᬲ᭄ᬫᬭ᭞ᬲᬗ᭄ᬲᬭᬓᬯ᭄ᬮᬲ᭄ᬳᬲᬶᬄ᭚᭜᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚ᬲᬗ᭄ᬳ᭄ᬬᬂᬲ᭄ᬫᬭᬳᬶᬤᬦᬗᬶᬲ᭄᭞ᬧᬮᬶᬂᬳᬶᬤᬓᬲᬗ᭄ᬲᬭᬦ᭄᭞ᬭᬩᬶ