[᭓ 3B]
᭓
ᬦᬧᬸᬦᬶᬓ᭞ᬫᬓᬓᬲᬫᬶᬧᬥᬪᬓ᭄ᬢᬶ᭞ᬭᬶᬂᬧᬮᬸᬗ᭄ᬕᬸᬄᬳᬶᬤ᭞ᬧᬥᬲᬸᬫᬸᬗ᭄ᬓᭂᬫ᭄ᬧ᭄ᬭᬡᬢ᭞ᬫᬗᬢᬹᬭᬂᬓᬃᬬ᭄ᬬᬲᬳᬶ᭞ᬭᬹᬧᬦ᭄ᬜᬫᬩ᭄ᬯᬢ᭄᭞ᬓᬶᬃᬢ᭄ᬢᬶᬦ᭄ᬳᬶᬤᬲᬂᬪᬸᬧᬢᬶ᭟
᭘ᬓᬳᬸᬦᬶᬗᬦ᭄ᬳᬶᬤᬰᬸᬘᬶᬓᬤᬶᬯᬸᬮᬦ᭄᭞ᬢᬢᬸᬚᭀᬦ᭄ᬳᬶᬤᬗᬃᬥᬶᬦᬶᬦ᭄᭞ᬓᬮᬾᬤᬗᬦ᭄ᬚᬕᬢ᭄᭞ᬯᬮᬸᬬᬪᬝᬭᬭᬇᬦ᭄ᬤ᭄ᬭ᭞ᬧ᭄ᬭᬕᬬᬦ᭄ᬳᬶᬤᬲᬸᬚᬵᬢᬶ
᭞ᬓᬾᬯᬦ᭄ᬢᭂᬦ᭄ᬳᬶᬤ᭞ᬪᬶᬦᬦᬾᬯᬾᬦ᭄ᬢᭂᬦ᭄ᬭᬶᬂᬪᬹᬫᬶ᭟᭙᭟ᬧᬸᬦᬶᬓᬓᬯᬶ᭠ᬪᬯᬦ᭄ᬳᬶᬤᬤᬸᬫᬶᬮᬄ᭞ᬦᭀᬭᬮ᭄ᬬᬦ᭄ᬯᬦ᭄ᬢᬄᬗᬃᬥᬶᬦᬶᬦ᭄᭞ᬓᬮᬾᬤᬗᬦ᭄᭠
ᬚᬕᬢ᭄᭞ᬓᬤᬶᬳᬕ᭄ᬦᬶᬭᬶᬧᬳᭀᬫᬦ᭄᭞ᬲᬢᬢᬫᬸᬭᬹᬩ᭄ᬫᬗᭂᬦ᭄ᬤᬶᬄ᭞ᬯᬦ᭄ᬢᬄᬫᬓᬃᬬ᭄ᬬ᭞ᬓᬭᬳᬚᭂᬗᬦ᭄ᬭᬶᬂᬪᬹᬫᬶ᭟᭑᭐᭟ᬯᬾᬦ᭄ᬢᭂᬦ᭄ᬧᬸᬭᬶᬯᬶ᭠
[᭔ 4A]
ᬦᬯᬮᬸᬬᬫᬭᬶᬂᬓᬾᬦ᭄ᬤ᭄ᬭᬦ᭄᭞ᬳᬦ᭄ᬢᬸᬓ᭄ᬳᬓ᭄ᬯᬾᬳᬦ᭄ᬲᬂᬲᬸᬮᬶᬗ᭄ᬕᬶᬄ᭞ᬢᬸᬃᬮ᭄ᬯᬶᬳᬶᬂᬮᬓ᭄ᬱᬡ᭞ᬭᬶᬂᬧᬦᬵᬕᬭᬳᬬᭀᬤ᭄ᬬ᭞ᬧᬸᬦᬶᬓᬓᬲᬸᬩ᭄ᬭᬶᬪᬹᬫᬶ
᭞ᬢᬦ᭄ᬮᬶᬬᬦ᭄ᬧᬸᬦᬶᬓ᭞ᬧᬸᬦᬶᬦ᭄ᬳᬶᬤᬲᬂᬪᬸᬧᬢᬶ᭟᭑᭑᭟ᬓᬩᭂᬘᬶᬓᬦ᭄ᬲ᭄ᬯᬃᬕ᭄ᬕᬦᬾᬲᬸᬚᬵᬢᬶᬓᬦ᭄ᬤᬧ᭄᭞ᬳᭀᬮᬶᬄᬳᬬᭀᬤ᭄ᬬᬸᬧᬸᬭᬵᬤᬶ᭞ᬳᬦ᭄ᬢᬸᬓ᭄ᬓᬤᬳᬢ
ᬦ᭄᭞ᬗᬯᬾᬦᬶᬦ᭄ᬮᬾᬤᬂᬲᬢᬢ᭞ᬲᬫᬮᬶᬄᬲᬸᬓᬲᬸᬢᬺᬧ᭄ᬢᬶ᭞ᬭᬶᬂᬫᬲᬦ᭄ᬳᬸᬚᬦ᭄᭞ᬤ᭄ᬬᬧᬶᬦ᭄ᬫᬲᬦ᭄ᬧᬦᭂᬲ᭄ᬢᬸᬯᬶ᭟᭑᭒᭟ᬲᬓᬝᬳᬶᬂᬲᬦᬾᬫᬹᬮᬾᬫᬹᬮᬾᬲᬫ᭄ᬬ
ᬦ᭄᭞ᬫᬵᬲ᭄ᬲ᭄ᬮᬓᬫᬶᬯᬄᬫᬡᬶᬓ᭄᭞ᬯᬾᬦ᭄ᬢᭂᬦ᭄ᬭᬶᬂᬳᬶᬭᬶᬓ᭞ᬧᬸᬦᬶᬓᬯᬶᬦᬮᬸᬬᬦ᭄ᬜ᭞ᬯᬚᬦ᭄ᬳᬶᬧᬸᬦ᭄ᬲᬦᬾᬧᬸᬢᬶᬄ᭞ᬫᬗᭂᬚᭂᬗᬶᬢᬶᬦ᭄ᬬ᭞ᬲ᭄ᬯᬃᬕ᭄ᬕᬲᭀᬃᬳᭀᬮᬶᬄ
Page:Bali-lontar-paparikan-ramayana-350ppi.pdf/4
Jump to navigation
Jump to search
This page has been proofread.
