[᭓᭓ 33B]
᭓᭓
᭟ᬮ᭄ᬯᬶᬳᬶᬂᬧᬕᭂᬄᬓᬳ᭄ᬬᬸᬦ᭄ᬳᬶᬤ᭞ᬗᬦ᭄ᬤᬶᬓᬳᬶᬤᬤᬶᬕᭂᬮᬶᬲ᭄᭞ᬳᬸᬤᬸᬄᬧᬫᬦ᭄ᬢᬶᬬᬂᬫᬓ᭄ᬚᬂ᭞ᬳᭂᬤᬜᭂᬩᭂᬢᬂᬤᬶᬳᬢᬶ᭞ᬳᬶᬦ᭄ᬤᬶᬓ᭄ᬢ᭄ᬬᬗᬾᬗᬮᬲ᭄ᬚᬢᬶ᭞ᬤᭀᬦᬶᬂ
ᬦᬾᬓᬳ᭄ᬬᬸᬦ᭄ᬲᬂᬧ᭄ᬭᬪᬸ᭞ᬚᬦᬶᬭᬯᬸᬄᬲ᭄ᬯᬾᬘ᭄ᬙᬦ᭄ᬳᬶᬤ᭠ᬬᬦ᭄ᬓᬃᬥᬶᬦ᭄ᬳᬶᬧ᭄ᬬᬦᬓ᭄ᬫᬸᬱ᭄ᬝᬶ᭞ᬧᬵᬢᬹᬢ᭄ᬢᬦᬹᬢ᭄᭞ᬲᬧᬶᬢᬸᬤᬸᬄᬓᬳ᭄ᬬᬸᬦ᭄ᬩᬧ᭟᭑᭑᭟ᬤᬾᬦᬶᬂᬳᬶᬤᬗᬤᬓᬂ᭠
ᬢ᭄ᬬᬂ᭞ᬳᬶᬤᬯᬦ᭄ᬢᬄᬦᬾᬗᬃᬥᬶᬦᬶᬦ᭄᭞ᬲᬗ᭄ᬓᬦ᭄ᬦᬯᬂᬓᭂᬮᭀᬤ᭄ᬓᬚ᭞ᬳᬶᬤᬫ᭠ᬮᬶᬄᬗᬶᬘ᭄ᬙᬾᬦ᭄ᬦᬲᬶ᭞ᬫᬶᬯᬄᬳᬶᬤᬲᬦᬾᬗᭂᬫᬶᬢ᭄᭞ᬧᬗᬹᬧᬓᬵᬭᬦᬾᬳᬕᬸᬂ᭞ᬫ
ᬓ᭄ᬭᬡᬢ᭄ᬬᬂᬢᬸᬲᬶᬂᬢᭂᬫ᭄ᬧᬮ᭄᭞ᬫᭂᬮᬳᬦ᭄ᬲᬧᬶᬲᬦ᭄ᬫᬢᬶ᭞ᬢᭂᬓᬾᬦ᭄ᬧᬸᬭᬸᬦ᭄᭞ᬧᬘᬂᬮᬗ᭄ᬖ᭄ᬬᬭᬶᬂᬳᬶᬩᬧ᭟᭑᭒᭟ᬦᬄᬫᬸᬮᬶᬄᬳᬚᬓ᭄ᬫᬓᭂᬚᬂ᭞ᬲᬵᬫ᭄ᬧᬸ
[᭓᭔ 34A]
ᬦᬂᬦᬾᬳᬸᬮ᭄ᬬᬦ᭄ᬲᭂᬤᬶᬄ᭞ᬲᬸᬗ᭄ᬲᬸᬂᬦᬶᬓᬳᬤᬶᬦ᭄ᬢᬶᬬᬂ᭞ᬲᬂᬪ᭄ᬭᬣᬫᬵᬤᭂᬕ᭄ᬪᬸᬧᬢᬶ᭞ᬢᬦ᭄ᬧᬵᬢᬹᬢ᭄ᬲᬸᬫᭂᬮᬂᬳᬢᬶ᭞ᬦᬤ᭄ᬬᬲ᭄ᬢᬸᬦ᭄ᬢ᭄ᬬᬂᬤᬤᬶᬭᬢᬸ᭞ᬳᬤᬶᬦ᭄
ᬢ᭄ᬬᬂᬲᬶᬂᬚᬪᬷᬦ᭞ᬩ᭄ᬯᬶᬦᬳᬶᬤᬲᬂᬪᬸᬧᬢᬶ᭞ᬢᬹᬃᬧᬫᬸᬗᬸ᭞ᬫᬗ᭄ᬤᬲᬵᬫ᭄ᬧᬸ᭠ᬦ᭄ᬲᬸᬗ᭄ᬲᬸᬢ᭄ᬘᬶᬢ᭄ᬢ᭟᭑᭓᭟ᬲᬧᬸᬦᬶᬓᬮᬶᬂᬲᬂᬭᬵᬫ᭞ᬫᬤᬩ᭄ᬤᬩᬦ᭄ᬗᬤᭂᬕ᭄ᬕᭂᬮᬶᬲ᭄᭞
ᬢᬸᬫᬸᬮᬶᬫᬫᬃᬕᬳᬶᬤ᭞ᬲᬋᬂᬲᬂᬮᬓ᭄ᬱᬡᬳ᭄ᬬᬭᬶ᭞ᬤᬾᬯᬶᬲᬶᬢᬢᬍᬃ᭠ᬗᬶᬭᬶᬂ᭞ᬲᬸᬫᬦ᭄ᬢ᭄ᬭᬶᬫᬧᬢᬶᬄᬢᬸᬫᬹᬢ᭄᭞ᬗᬶᬭᬶᬂᬳᬶᬤᬮᬸᬗ᭄ᬳᬵᬗᬮᬲ᭄᭞ᬲᬓᬝᬳᬶᬂ
ᬯᬤ᭄ᬯᬲᬫᬶ᭞ᬲᬦᬾᬳᬲᬸᬂ᭞ᬲᬫᬶᬪᬓ᭄ᬢᬶᬫᬗᬶᬭᬶᬗᬂ᭟᭑᭔᭟ᬭᬯᬸᬄᬭᬶᬗᬮᬲ᭄ᬢᬫᬱ᭞ᬲᬦᬾᬓᬤᬳᬢᬦ᭄ᬩᭂᬘᬶᬓ᭄᭞ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬗ᭄ᬬᬂᬲᬹᬂᬬ᭄ᬬ
Page:Bali-lontar-paparikan-ramayana-350ppi.pdf/34
Jump to navigation
Jump to search
This page has been proofread.
