This page has been proofread.
[᭑᭕ 15B]
᭑᭕
ᬮᬶᬫ᭞ᬳᬤᬳᬗ᭄ᬕᭀᬦ᭄ᬫᬦ᭄ᬤᬸᬮᬸᬭᬶᬦ᭄᭞ᬳᬢ᭄ᬢᬶᬘᬶᬫᬸᬳᬵᬃᬢ᭄ᬚ᭞ᬳᬢ᭄ᬢᬫᬦᬶᬂᬳᬸᬢ᭄ᬫᬫ᭞ᬫᬚᭂᬕ᭄ᬲᬹᬃᬬ᭄ᬬᬦᬾᬧᬢᬶᬢᬶᬲ᭄᭞ᬧᬫᬭᬶᬰᬸ
ᬤ᭄ᬥ᭞ᬲᬚᭂᬮᬾᬚᭂᬮᬾᬦᬾᬲᬫᬶ᭟ᬓᭀᬘᬧ᭄ᬳᬤᬓᬳᬸᬘᬧ᭄ᬭᬢᬸᬦᬶᬂᬓᬮ᭞ᬗᬕᬯᬾᬲᬜ᭄ᬚᬢᬩᭂᬘᬶᬓ᭄᭞ᬫᬤᬦ᭄ᬓᬮᬜ᭄ᬚ
ᬬ᭞ᬲᭀᬭᬶᬫᬦᬸᬚᬸᬩ᭄ᬭᬳ᭄ᬫ᭞ᬓᬮᬫᬺᬢ᭄ᬬᬸᬫᬦᭂᬫᭀᬦᬶᬦ᭄᭞ᬤᬶᬢᬸᬢᬸᬚᬸᬯᬂ᭞ᬫᬡ᭄ᬥᬶᬦ᭄ᬜᬦᬾᬢᬦ᭄ᬲᬶᬧᬶ᭟ᬓᬮᬚᭂᬗ᭄ᬓᬶᬂ
ᬬᬾᬦ᭄ᬜᬳᬲ᭄ᬢᬯᬭᬓᬮ᭞ᬓᬮᬶᬯᭀᬦ᭄ᬫᬦᬸᬯᭀᬦᬶᬦ᭄᭞ᬓᬚᬂᬤᬶᬢᬸᬫᭂᬮᬄ᭞ᬫᬜ᭄ᬚᭂᬭᬸᬓ᭄ᬲᬃᬯ᭄ᬯᬲᬜ᭄ᬚᬢ᭞ᬫᬦᬦ᭄ᬤᬸᬃᬯᭀᬄ
[᭑᭖ 16A]
ᬯᬾᬳᬦ᭄ᬩᭂᬘᬶᬓ᭄᭞ᬳᬤᬩ᭄ᬯᬶᬦ᭄ᬮᬾᬦᬦ᭄᭞ᬫᬳᬤᬦ᭄ᬓᬮᬚᭂᬗ᭄ᬓᬶᬂ᭟ᬤᬶᬭᬢᭀᬳᬸᬫᬦᬶᬲ᭄ᬯᬸᬓᬶᬃᬭᬾᬓᭀᬘᬧ᭄᭞ᬗ᭄ᬯᬗᬸ
ᬦ᭄ᬢᬢᬚᬾᬦ᭄ᬩᭂᬘᬶᬓ᭄᭞ᬓᬮᬾᬕᬾᬕᬾᬃᬳᬤᬜ᭞ᬯᬺᬲ᭄ᬧᬢᬶᬯᬭᬶᬕ᭞ᬓᬸᬮ᭄ᬓᬸᬮᬾᬤᬶᬢᬸᬓᬃᬬ᭄ᬬᬦᬶᬦ᭄᭞ᬰᬸᬓ᭄ᬭᬫᭂᬥᬗ᭄ᬲ᭄ᬬ᭞᭠
ᬓᬢᬶᬫ᭄ᬧᬂᬓᬤᬦᬶᬦ᭄᭟ᬗ᭄ᬕᬯᬾᬲᬸᬗ᭄ᬕᬤᬶᬢᬸᬫᭂᬮᬄᬓᭀᬘᬧᬗ᭞ᬓᬮᬫᬗᬤᭂᬕᬾᬫᬮᬶᬄ᭞ᬭᬶᬓᬸᬃᬮᬸᬢ᭄ᬭᬤᬶᬢ᭄ᬬ᭞ᬯᬢᬸ
ᬕᬸᬦᬸᬂᬰᬸᬓ᭄ᬭ᭞ᬤᬶᬯᬰᬜᬸᬚᬸᬓᬂᬓᭀᬭᬶ᭞ᬗ᭄ᬕᬯᬾᬕᬸᬳᬸᬗᬦ᭄᭞ᬫᭂᬮᬳᬾᬢᬶᬤᭀᬂᬕᬶᬕᬶᬲ᭄᭟ᬓᬮᬫᬜ᭄ᬚᬗ᭄ᬓᬸᬢ᭄ᬓ
