[᭘ 8B ]
᭘
ᬧᬋᬓ᭄ᬭᬶᬂᬧ᭄ᬭᬫᬶᬰ᭄ᬯᬭᬶ᭟ᬧ᭄ᬭᬫᬶᬰ᭄ᬯᬭᬶᬜᬧ᭞ᬗᬸᬤᬵᬳᬕᬾᬧᬶᬲᬦ᭄᭞ᬤ᭄ᬯᬦᬶᬂᬕᭂᬮᬶᬲ᭄ᬫᬯᬮᬶ᭞ᬰ᭄ᬭᬷᬫᬢᬭᬫ᭄ᬗᬸᬘᬧ᭄᭞ᬤᬲ᭄ᬤᬲ᭄ᬯᬳᬸᬲᬓᭂᬤᬧ᭄᭞ᬯᬾᬦ᭄ᬢᭂᬦ᭄ᬳᬦᬓ᭄ᬭᬸᬲ
ᬓ᭄ᬤ᭄ᬭᬶᬓᬶ᭞ᬤᬶᬧᬫᭂᬕᬢᬦ᭄᭞ᬫᬢᭂᬩᭂᬓ᭄ᬩᬳᬦ᭄ᬓᭂᬭᬶᬲ᭄᭟ᬧ᭄ᬭᬪᬹᬮᬲᭂᬫ᭄ᬓᭂᬜᭂᬫ᭄ᬓᭂᬜᭂᬫ᭄ᬓᭂᬤᬾᬓ᭄ᬦᬶᬫ᭄ᬩᬮ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬯᬶᬢ᭄ᬤᭂᬭᬶᬄ᭞ᬚᭂᬚᭂᬧ᭄ᬲᬧᬸᬦᬶᬓᬵ᭞ᬲᬧᬶᬄᬢ
ᬢᬕᭀᬦ᭄ᬗ᭄ᬭᬸᬲᬓ᭄᭞ᬧ᭄ᬭᬫᬶᬰ᭄ᬯᬭᬶᬫᬶᬋᬂᬩ᭄ᬭᬗ᭄ᬢᬶ᭞ᬗᬫ᭄ᬩ᭄ᬭᬾᬲ᭄ᬫᬦᭂᬕᬓ᭄᭞ᬢᬦ᭄ᬥᬂᬕᬶᬩᬸᬗᬦ᭄ᬧ᭄ᬭᬧ᭄ᬢᬶ᭟ᬕᭂᬮᬶᬲ᭄ᬗᬬᬸᬦᬂᬧ᭄ᬭᬪᬹᬫᬓᭂᬫ᭄ᬩᬸᬮᬦ᭄᭞ᬢᬦᬸᬘᬧᬦ᭄ᬯᬲ᭄ᬫᬸᬓ᭄ᬢᬶ᭞
ᬓᭀᬤᬮ᭄ᬓᬩᭂᬜ᭄ᬘᬶᬗᬄ᭞ᬗᬦ᭄ᬤᬶᬓᬧᬭᬶᬤᬃᬣ᭞ᬫᬶᬢᭂᬓᭂᬢᬶᬗᬸᬲ᭄ᬢᬶᬧᬢᬶᬄ᭞ᬫᬗ᭄ᬕᬯᬲᬸᬭᬵᬢ᭄᭞ᬭᬶᬂᬩ᭄ᬭᬡᬤᬕᬶᬂᬧᬹᬭᬶ᭟ᬢᬦᬸᬘᬧᬦ᭄ᬧᬲ᭄ᬫᭂᬗᬯᬸᬲ᭄ᬫᬚᬮᬦ᭄᭞
[᭙ 9A]
ᬲᬯᬂᬯᭂᬗᬶᬤᬶᬫᬃᬕ᭄ᬕᬶ᭞ᬭᬯᬸᬄᬕᬕᭂᬮᬂ᭞ᬲᬂᬧ᭄ᬭᬪᬹᬤᬶᬩᬜ᭄ᬘᬶᬗᬄ᭞ᬓᬢᬗ᭄ᬓᬶᬮ᭄ᬩᬳᬦ᭄ᬫᬜ᭄ᬘᬫᬦ᭄ᬢ᭄ᬭᬶ᭞ᬮᬦ᭄ᬧᬭᬧᬸᬢ᭄ᬭᬵ᭞ᬰ᭄ᬭᬷᬫᬮᬬᬹᬫᬦᬗ᭄ᬓᬶᬮ᭄᭟ᬢᬸᬃᬫᬲᬦ᭄ᬥᬶᬂᬭᬶᬂᬭ
ᬤᬾᬦ᭄ᬧ᭄ᬭᬩᬗ᭄ᬰᬦᭂᬕᬓ᭄᭞ᬳᬢᬢᬓᬤᬶᬢᬸᬮᬶᬲ᭄᭞ᬢᬦ᭄ᬤᬸᬫᬤᬾᬧ᭄ᬭᬧ᭄ᬢ᭞ᬳᬸᬢᬸᬲᬦ᭄ᬦᬧᬓ᭄ᬦᭂᬕᬓ᭄᭞ᬫᭂᬧᭂᬲ᭄ᬫᬗᬢᬸᬭᬂᬢᬸᬮᬶᬲ᭄᭞ᬭᬶᬂᬲᬂᬫᬯᬂᬭᬵᬢ᭄᭞ᬲᬂᬧ᭄ᬭᬪᬹᬫᬗᬫ᭄ᬩᬶᬮ᭄᭟ᬓ
ᬦ᭄ᬥᬶᬓᬬᬂᬳᬶᬕᬸᬲ᭄ᬢᬶᬧᬢᬶᬄᬳᬫᬘᬵ᭞ᬤᬕᬶᬂᬧᬫᬸᬜᬶᬦ᭄ᬢᬸᬮᬶᬲ᭄᭞ᬳᬶᬗ᭄ᬕᬶᬄᬩᬧᬦᬵᬣ᭞ᬮᬾᬥᬂᬗᬗ᭄ᬓᭂᬦ᭄ᬤᬾᬯᬾᬓ᭄ᬢᬶᬢ᭄ᬬᬂ᭞ᬧᬸᬧᬸᬳᬗ᭄ᬕᬾᬦ᭄ᬧᬸᬢ᭄ᬭᬤ᭄ᬭᬶᬓᬶ᭞ᬫᬦ᭄ᬤᬾᬯᬾᬓ᭄ᬢ᭄ᬭᬸᬡ᭞ᬦᬸ
ᬗᬤᬄᬩᬧᬳᬚᬶ᭟ᬓᬾᬗᬶᬦ᭄ᬗᭂᬮᬾᬤᬄᬢᬶᬢ᭄ᬬᬂᬧᬸᬭᬸᬦ᭄ᬫᬵᬢᬹᬃᬦᬗ᭄ᬓᬄ᭞ᬓᬢᬶᬢᬄᬳᬦ᭄ᬢᬸᬓ᭄ᬧᬮᬶᬂ᭞ᬳᬸᬮᬗᬸᬦ᭄ᬧ᭄ᬭᬧᬜ᭄ᬘ᭞ᬤᭂᬫᭂᬦ᭄ᬭᬶᬂᬳᬦᬓ᭄ᬩᬧ᭞ᬕᬮᬸᬄᬦᬯᬂᬭᬵᬢ᭄ᬓᬂᬧᬸ
Page:Bali-lontar-paparikan-malat-01-550ppi.pdf/9
This page has been proofread.
