[᭗᭓ 73B]
᭗᭓
ᬲᬂᬦᬸᬦᬲᬸᬭᬶᬧ᭄᭞ᬫᬓᬵᬘᬶᬭᬶᬢᬦ᭄ᬥᬵᬦᬸᬗ᭄ᬓᬸᬮ᭄᭞ᬤ᭄ᬬᬄᬭᬢ᭄ᬦᬭᬢ᭄ᬳᬢᬹᬭᬂ᭞ᬭᬶᬂᬳᬶᬤᬪᬝᬵᬭᬾᬂᬫᬢᬭᬫ᭄ᬧ᭄ᬭᬪᬹ᭞ᬲᬧᬸᬦᬶᬓᬫᬸᬜᬶᬦ᭄ᬤᬸᬢ᭄ᬣᬵ᭞ᬭᬶᬂᬰ᭄ᬭᬶᬕᬕᭂ
ᬮᬂᬪᬸᬧᬢᬶ᭟ᬕ᭄ᬥᭂᬕ᭄ᬳᬶᬢᬦ᭄ᬫᬸᬦ᭄ᬤᬸᬃᬫᬶᬱᬵ᭞ᬚᬗ᭄ᬓᬵᬩᬶᬢ᭄ᬩᬶᬢ᭄ᬩᬳᬕ᭄ᬩᬶᬳᬶᬂᬜᬧᬸᬭᬶᬦ᭄᭞ᬦᬾᬳᬶᬩᬵᬫᬳᬶᬓᬳᬸᬢᬸᬲ᭄᭞ᬲᬺᬕᭂᬧ᭄ᬗᬜᬕᬕᬯᬦ᭄᭞ᬓ
ᬳᬶᬫ᭄ᬩᭀᬕᭀᬮ᭄᭞ᬩᬦ᭄ᬢᬲ᭄ᬮᬶᬫᬳᬗ᭄ᬕᭀᬦ᭄ᬜᬕᬸᬃ᭞ᬲᬸᬓᬢ᭄ᬫᬗᬺᬫᬸᬓᬂᬢᭂᬦ᭄ᬤᬲ᭄᭞ᬳᬶᬩᬦᬾᬓᬳᬸᬢᬸᬲ᭄ᬫᬳᬶ᭟ᬤᬳᬶᬩᬵᬗ᭄ᬮᬶᬬᬸᬯᬂᬧᭂᬢᬵ᭞ᬓᬳᬶ
ᬦ᭄ᬤᬕᬶᬗᬶᬦ᭄ᬲᬓᭂᬦᭂᬄᬳᬶᬩᬵᬚᬦᬶ᭞ᬫᬲᬫᬬᬲᬮᬶᬂᬕᬸᬢ᭄ᬕᬸᬢ᭄᭞ᬬᬾᬦ᭄ᬧᭂᬢᭂᬂᬬᬾᬦᬼᬫᬄ᭞ᬓᬲᬾᬧ᭄ᬚᬦᬶᬧᭂᬤᬲ᭄ᬳᬶᬩᬵᬩᬓᬮ᭄ᬗᬬᬸᬄ᭞
[᭗᭔ 74A]
ᬢᭀᬂᬩᬸᬳᬸᬂᬓᬳᬶᬫᬫᬸᬗ᭄ᬕᬮ᭄᭞ᬬᬤᬶᬦ᭄ᬳᬶᬩᬦᬸᬦᬰᬸᬭᬶᬧ᭄᭟ᬕ᭄ᬰᭂᬕ᭄ᬚᭂᬗᬄᬳᬸᬢᬸᬲᬦ᭄᭞ᬮᬦ᭄ᬢᬲ᭄ᬗᬓᬓ᭄ᬓᭂᬤᬾᬓ᭄ᬢ᭄ᬯᬭᬫᬧᬫᬶᬢ᭄᭞ᬫᬸᬮᬶᬄᬲᬫ᭄ᬩᬶᬮ᭄
ᬦᭂᬧᬓ᭄ᬧᬸᬧᬸ᭞ᬫᬓᭀᬧᭀᬓ᭄ᬓᭀᬧᭀᬓ᭄ᬩᬸᬥᬮ᭄᭞ᬤᬤᬶᬓᬕ᭄ᬬᬢ᭄ᬲᬓ᭄ᬯᬾᬄᬢᬗ᭄ᬓᬶᬮᬦ᭄ᬫᬗ᭄ᬭᬸᬗᬸ᭞ᬲᬶᬭᬧᬜ᭄ᬚᬶᬲᬶᬗ᭄ᬳᬜ᭄ᬚᬬᬵ᭞ᬫᬢᬹᬃᬭᬶᬂᬕ
ᬕᭂᬮᬂᬦᬺᬧᬢᬶ᭟ᬳᬶᬗ᭄ᬕᬶᬄᬭᬢᬸᬫᬦᬄᬢᬶᬢ᭄ᬬᬂᬧᬘᬂᬦ᭄ᬤᬩ᭄ᬥᬩ᭄᭞ᬳᬶᬦ᭄ᬤᬶᬓ᭄ᬬᬸᬥᬦᬾᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬫᬫᬢᬹᬢ᭄᭞ᬳᬬᬢ᭄ᬩᬾᬜ᭄ᬚᬂᬲ᭄ᬫᭂᬗᬦ᭄᭞ᬧᬘᬂᬮᬸ
ᬗ᭄ᬳᬫᬭᬦᬶᬦ᭄ᬫᬗ᭄ᬭᬶᬱ᭄ᬝᬫᬸᬲᬸᬄ᭞ᬲᬂᬧ᭄ᬭᬪᬹᬫᬗ᭄ᬭᬭᬶᬩᬸᬤᬮ᭄᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬭᬜ᭄ᬚᬶᬂ᭟ᬰ᭄ᬭᬶᬫᬮᬬᬸᬫᬗᬶᬭᬶᬗᬂ᭞ᬲ᭄ᬮᬓᬸᬲᬾᬮᭀᬯᬦ᭄ᬢᬦ᭄ᬧᬲᬄᬭᬶᬂ
Page:Bali-lontar-paparikan-malat-01-550ppi.pdf/74
This page has been proofread.
