[᭖᭖ 66B]
᭖᭖
ᬗᬮᬶᬓᬮᬶᬓ᭄᭟ᬧᬭᬓᬯᬶᬫᬭᬫ᭄ᬩᬗᬦ᭄᭞ᬮᬾᬦᬤᬫᬲᬢ᭄ᬯᬫᬩᬱᬦᬶᬦ᭄᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬳᬸᬲᬦ᭄ᬜᭂᬓᬸᬮ᭄᭞ᬰ᭄ᬭᬷᬕᬕ᭄ᬮᬂᬗᬦ᭄ᬥᬶᬓᬵ᭞ᬲᬶᬗ᭄ᬕᬶᬄᬓᬓᬶ᭞ᬢᬶ
ᬕᬂᬤᬶᬦᬓᬋᬧᬶᬗ᭄ᬲᬸᬦ᭄᭞ᬳᬦᬩᬸᬄᬧᬸᬦᬂᬕᭂᬦ᭄ᬥᭀᬗᬦ᭄᭞ᬢᬶᬕᬂᬤᬶᬦᬳᬍᬮᬶᬦ᭄ᬢᬶᬄ᭟ᬮᬫᬓᬦᬾᬓᬩᬾᬄᬧ᭄ᬭᬧ᭄ᬢᬵ᭞ᬧᬸᬦᬂᬩᬮᬵᬳᬓᬸᬫ᭄ᬧᬸᬮ᭄ᬤᬾᬰᬤᬾᬰᬶ᭞
ᬲᬶᬗ᭄ᬕᬶᬄᬳᬩᭂᬘᬶᬓ᭄ᬧᬸᬓᬸᬮᬸᬦ᭄᭞ᬯᬸᬲᬦᭂᬧᬓ᭄ᬱᬗᬭᬄ᭞ᬤᬤᬶᬓᬕ᭄ᬬᬢ᭄᭞ᬳᬤᬦ᭄ᬩᬮᬵᬲᬗ᭄ᬳᬳᬸᬮᬸᬦ᭄᭞ᬢᬸᬫᬸᬮᬶᬩᬸᬤᬮ᭄ᬲᬶᬦᬾᬪᬵ᭞ᬲᬂᬧ᭄ᬭᬪᬹᬓᬚ᭄ᬭᭀᬧᬹ
ᬭᬶ᭟ᬓᬮᬶᬄᬲᬂᬦᬵᬣᬗᬦ᭄ᬢᭀᬲᬂ᭞ᬓᭂᬧᬮᬵᬧ᭄ᬭᬂᬢᬦ᭄ᬮ᭄ᬬᬦ᭄ᬧ᭄ᬭᬯᬷᬭᬧᭂᬓᬶᬓ᭄᭞ᬰ᭄ᬭᬷᬫᬮᬬᬹᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬯᬶᬢ᭄ᬓᬾᬗᬶᬦ᭄ᬤᬕᬶᬂᬓ᭄ᬭᬸᬡ᭞ᬩ᭄ᬯᬄᬩᬶᬩᬶᬄ
[᭖᭗ 67A]
ᬯᬦ᭄ᬢᬄᬲᬂᬧᬜ᭄ᬚᬶᬫᬮᬢ᭄ᬓᬸᬂ᭞ᬓᬍᬫ᭄ᬳᬦ᭄ᬢᬸᬓ᭄ᬚᬦ᭄ᬫᬵᬲᬫ᭄ᬬᬦ᭄᭞ᬳᬸᬬᬸᬢ᭄ᬗᭂᬭᬶᬬᭂᬂᬮᬸᬄᬫ᭄ᬯᬦᬶ᭟ᬦ᭄ᬤᬦ᭄ᬰ᭄ᬭᬷᬫᬮᬬᬹᬓᭀᬘᬧᬂ᭞ᬯᬸᬲ᭄ᬲᬶᬦᬾᬪᬭᬶᬂᬩᬮᬾᬓᬶᬬᬸᬮ᭄
ᬳᬮᬶᬗ᭄ᬕᬶᬄ᭞ᬰ᭄ᬭᬷᬫᬮᬬᬹᬗᬸᬘᬧᬮᬸᬲ᭄᭞ᬤᬸᬄᬓᬓᬭᬗ᭄ᬕᬵ᭞ᬳᬯᭂᬮᬲᬶᬗ᭄ᬲᬸᬦ᭄ᬗ᭄ᬭᬸᬗᬹᬩᬧᬳᬕᬸᬂᬲᬶᬗ᭄ᬳᬵᬲᬦ᭄ᬢᬸᬦ᭄᭞ᬓᬾᬮᬗᬦᬶᬦ᭄ᬧᬸᬢ᭄ᬭᬶᬧᬸᬢ᭄ᬭ᭞ᬓᬾᬫ᭄ᬩᬸᬄᬮ
ᬭᬦᬶᬗ᭄ᬯᬫᬗ᭄ᬓᬶᬦ᭄᭟ᬲᭀᬓ᭄ᬱ᭄ᬳ᭄ᬭᬷᬦᬭᬾᬦ᭄ᬤ᭄ᬭᬕᬕᭂᬮᬂ᭞ᬲᬶᬳᬶᬗ᭄ᬕᬳᬦ᭄ᬮᬸᬭᬦ᭄ᬥᬢᬦ᭄ᬧᬢ᭄ᬭᬶ᭞ᬦ᭄ᬤᬢᬦ᭄ᬧ᭄ᬕᬢᬧ᭄ᬭᬂᬘᬸᬘᬸᬄ᭞ᬳᬧ᭄ᬭᬂᬫᬃᬕ᭄ᬕᬦᬶᬗ᭄ᬲᬸᬦ᭄ᬧᭂᬚᬄ᭞ᬬᬦ᭄ᬲᬂᬳᬶ
ᬮᬂᬦᭀᬭᬲᬶᬦᭂᬋᬧ᭄ᬓᬢᭂᬫᬸ᭞ᬯᭀᬗᬶᬭᬳᬲᭂᬫᬸᬯᬱ᭄ᬧᬵ᭞ᬭᬗ᭄ᬕᬵᬚᬮᬥᬜᬳᬸᬭᬶᬦ᭄᭟ᬤᬸᬄᬓᬤᬶᬧᬶᬭᬧᬗᬾᬭᬦ᭄᭞ᬲᬂᬯᬸᬲ᭄ᬫᬮᬶᬄᬳᬫᭀᬭᬶᬂ
Page:Bali-lontar-paparikan-malat-01-550ppi.pdf/67
This page has been proofread.
