[᭖᭔ 64B]
᭖᭔
ᬲᬳᬵᬫᭂᬦ᭄ᬥᬓ᭄ᬓᬂᬫᬦ᭄ᬢ᭄ᬭᬶᬭᬶᬂᬲᬂᬧᬜ᭄ᬚᬶ᭞ᬧ᭄ᬭᬧ᭄ᬢᬲᬳᬵᬲᭂᬫᬸᬕᬸᬬᬸ᭞ᬳᬧᬕᬸᬢ᭄ᬢᬶᬗ᭄ᬳᬮᬶᬭᬵ᭞ᬲᬶᬭᬧᬜ᭄ᬚᬶ᭞ᬫᬗ᭄ᬓᭂᬧ᭄ᬭᬶᬂᬧ᭄ᬭᬪᬹᬫᬮᬬᬹ᭞ᬲᬶᬭᬧᬜ᭄ᬚᬶᬕ᭄ᬮᬶᬲ᭄ᬗᬸᬘ
ᬧ᭄᭞ᬳᬶᬗ᭄ᬕᬶᬄᬭᬢᬸᬰ᭄ᬭᬶᬪᬹᬧᬢᬶ᭟ᬳᬶᬭᬢᬸᬳᬢᬸᬭᬶᬦ᭄ᬢᬶᬢ᭄ᬬᬂ᭞ᬦᬶᬗ᭄ᬓᬄᬓᬸᬢ᭄ᬢᬳᬶᬭᬶᬓᬶᬫᬗᬤᭂᬕᬶᬦ᭄᭞ᬧ᭄ᬭᬪᬹᬫᬮᬬᬹᬫᬲᬳᬸᬃ᭞ᬢᬶᬢ᭄ᬬᬂᬯᬶᬢ᭄ᬫᬗᬶᬭᬶᬗᬂ᭞ᬦᬵᬗ᭄ᬳᬶᬂ
ᬢᬶᬢ᭄ᬬᬂᬓᬭᬶᬢᬫ᭄ᬩᭂᬢ᭄ᬯ᭄ᬬᬓ᭄ᬢᬶᬩᬶᬗᬸᬂ᭞ᬲᬳᬸᬃᬓ᭄ᬜᭂᬫ᭄ᬲᬶᬭᬧᬜ᭄ᬚ᭄ᬬᬵ᭞ᬮᬦ᭄ᬢᬲ᭄ᬫᬜᬧ᭄ᬭᬾᬓ᭄ᬢᬸᬭᬗ᭄ᬕᬶ᭟ᬭᬤᬾᬦ᭄ᬲᭂᬦᭂᬢᬦ᭄ᬗᬶᬭᬶᬗᬂ᭞ᬮᬶᬦ᭄ᬢᬂᬳᬓᬾᬄᬧᬰ᭄ᬭᬤᭂᬕ᭄
ᬲᬦᬾᬗᬶᬭᬶᬂ᭞ᬧ᭄ᬭᬫᬦ᭄ᬡᬕᬕ᭄ᬮᬂᬦ᭄ᬤᬸᬮᬸᬃ᭞ᬫᬓᬤᬶᬭᬤᬾᬦ᭄ᬧ᭄ᬭᬪᬗ᭄ᬰᬵ᭞ᬮᬶᬦ᭄ᬢᬂᬫᭂᬗ᭄ᬕᬄᬓᬢᬭᬾᬓᬦ᭄ᬢᬦ᭄ᬧᬲᬳᬸᬃ᭞ᬓᬮᬶᬄᬲᬂᬫᬓᬃᬬ᭄ᬬᬧᬾᬢᬓ᭄᭞ᬲᬵᬫ᭄ᬧᬸ
[᭖᭕ 65A]
ᬦ᭄ᬭᬶᬂᬕᭂᬮᭀᬕᭀᬃᬫᬗ᭄ᬓᬶᬦ᭄᭟ᬫᬦᬩ᭄ᬥᬩᬂᬦᬗᬸᬦ᭄ᬕᭂᬮᬃ᭞ᬳᬾᬩᭂᬓ᭄ᬚᭂᬚᭂᬮ᭄ᬳᬓᬾᬄᬚᬦ᭄ᬫᬗᬃᬬ᭄ᬬᬦᬶᬦ᭄᭞ᬓᬳᬶᬧᬸᬓ᭄ᬩᬳᬦ᭄ᬧᬶᬲᬸᬕᬸᬄ᭞ᬤ᭄ᬯᬦᬶᬂᬢᬺᬦ᭄ᬫᬕᬭᬧᬦ᭄᭞ᬲᬶ
ᬭᬵᬧᬜ᭄ᬚᬶᬢᬦ᭄ᬮ᭄ᬬᬦ᭄ᬗᬶᬭᬶᬂᬰ᭄ᬭᬷᬫᬮᬬᬸ᭞ᬯᬸᬲ᭄ᬗᬚᭂᬗᬂᬫᬓᭂᬫ᭄ᬩᬸᬮᬦ᭄᭞ᬲᬶᬗ᭄ᬳᬶᬢ᭄ᬲᬹᬃᬬ᭄ᬬᬯᬸᬲᬦ᭄ᬪᬓ᭄ᬢᬶ᭟ᬯᬸᬲ᭄ᬫᬦ᭄ᬢᬸᬓ᭄ᬱᬂᬦᬗᬸᬦ᭄ᬧᬾᬢᬓ᭄᭞ᬫᬭᬶᬂᬕᬕ᭄ᬮᬂᬲᬸᬫᬥ᭄ᬬᬵ
ᬗᭂᬦᬄᬦᬗ᭄ᬓᬶᬮ᭄᭞ᬭᬤᬾᬦᬮᬸᬢᬍᬃᬫᬦ᭄ᬢᬸᬓ᭄᭞ᬲᬫᬶᬦᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄ᭞ᬲᬶᬭᬧᬜ᭄ᬚᬶᬫᬢᬸᬃᬲᭂᬫ᭄ᬩᬄᬭᬶᬂᬲᬂᬧ᭄ᬭᬪᬹ᭞ᬳᬶᬗ᭄ᬕᬶᬄᬭᬢᬸᬯᬳᬸᬗ᭄ᬭᬸᬯᬓ᭄᭞ᬧᬾᬢᬓ᭄᭞
ᬢᬶᬢ᭄ᬬᬂᬫᬗᬃᬬ᭄ᬬᬦᬶᬦ᭄᭟ᬩᬾᬜ᭄ᬚᬂᬢᬶᬢ᭄ᬬᬂᬫᬮᬶᬄᬮᬸᬗ᭄ᬳᬵ᭞ᬫᬗᭂᬦ᭄ᬢᭂᬗᬂᬦᬫ᭄ᬩᬸᬢ᭄ᬦᬸᬕᬸᬃᬗᬃᬬ᭄ᬬᬦᬶᬦ᭄᭞ᬯᬶᬭᬾᬄᬧᬾᬢᬓ᭄ᬧᬘᬂᬗ᭄ᬮᬚᬸᬃ᭞ᬰ᭄ᬭᬷᬕᬕ᭄ᬮᬂᬗᬦ᭄ᬥᬶᬓᬵ᭞
Page:Bali-lontar-paparikan-malat-01-550ppi.pdf/65
This page has been proofread.
