[᭕᭑ 51B]
᭕᭑
ᬦ᭄ᬲᬫᬶᬥᬵ᭞ᬢᭀᬬᬯᬤᬄᬘᬦ᭄ᬢᬶᬂ᭟ᬳᬗ᭄ᬕᬾᬦ᭄ᬫᬫᬧᬕ᭄ᬦᬶᬗ᭄ᬕᬮᬂᬮᬭᬯᬶᬖ᭄ᬦᬵ᭞ᬳᬦ᭄ᬢᬸᬓᬾᬯᬯᬸᬧ᭄ᬭᬧ᭄ᬢᬶ᭞ᬲᬓᬶᬂᬧᬮᬸᬗᬬᬦ᭄᭞ᬳᬶᬯᬶᬲᬳᬃᬱᬵ
ᬜᬕ᭄ᬚᬕ᭄᭞ᬩᬋᬂᬳᬶᬯᬶᬱᬧᬢᬶ᭞ᬧᬸᬢ᭄ᬭᬶᬦᬾᬢ᭄ᬓᬵ᭞ᬧᬗᬶᬭᬶᬂᬲᬶᬭᬧᬜ᭄ᬚᬶ᭟ᬯᬃᬡ᭄ᬦᬍᬯᬶᬄᬫᬭᬾᬭᭀᬤ᭄ᬓᬤᬶᬭᬶᬲᬸᬭᬢ᭄᭞ᬲᬂᬧᬜ᭄ᬚᬶᬗᬸᬘᬳᭀᬫᬶᬗᬶᬲ᭄᭞
ᬢᬫ᭄ᬬᬸᬢ᭄ᬓᬵ᭞ᬲᬧᬵ᭞ᬲᬶᬭᬦᬭᬗᬃᬱᬵᬜᬧ᭞ᬲᬫᬶᬭᬶᬂᬳᬫ᭄ᬩᬾᬦ᭄ᬫᬮᬶᬗ᭄ᬕᬶᬄ᭞ᬮᬦ᭄ᬲᬶᬭᬧᬜ᭄ᬚ᭄ᬬ᭞ᬘᬗᬂᬫᬗ᭄ᬓᬶᬦ᭄ᬯᬸᬲ᭄ᬧ᭄ᬭᬧ᭄ᬢᬶ᭟ᬓᬵᬗ᭄ᬕᬾᬦ᭄ᬜᬧᬵᬫᬯᬤᬄᬩᬵ
ᬦ᭄ᬩᭀᬓᭀᬃᬳ᭄ᬫᬲ᭄᭞ᬲᬂᬧᬜ᭄ᬚᬶᬗᬸᬘᬧ᭄ᬫᬶᬗᬶᬲ᭄᭞ᬲᬶᬗ᭄ᬕᬶᬄᬮᬕᬶᬳᬦ᭄ᬯᬫ᭄᭞ᬲᬶᬭᬩᬶᬲᬧ᭄ᬭᬬᭀᬥ᭞ᬳᬘᬥᬂᬲᭂᬥᬄᬭᬶᬫᬶᬳᬶᬦ᭄᭞ᬦᬗᬸᬦ᭄ᬫᭂᬓᬃᬢ᭄ᬯᬲ᭄
[᭕᭒ 52A]
ᬤᬤᬶᬲᬶᬦ᭄ᬯᬫᬶᬂᬧᬹᬭᬶ᭟᭐᭟ᬯᬸᬄᬲᬶᬦᭀᬫ᭄᭟ᬲᬂᬓᬵᬍᬫ᭄ᬗᬸᬦ᭄ᬢᬸᬓ᭄ᬫᬫᭀᬭ᭞ᬯᬃᬡ᭄ᬦᬳᬾᬭᬂᬩᬳᬕ᭄ᬩᬶᬳᬶᬂ᭞ᬲᬂᬧᬜ᭄ᬚᬶᬫᬮᬶᬄᬳᬗᬸᬘᬧ᭄᭞ᬯᬶᬱᬵᬃᬱᬩᭀ
ᬬᬘᬧᬢᬶᬦ᭄᭞ᬢᬫ᭄ᬬᬸᬦᬾᬯᬯᬸᬧᬺᬧ᭄ᬢᬶ᭞ᬳᬶᬯᬶᬱᬵᬃᬱᬕ᭄ᬮᬶᬲ᭄ᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬫᬸᬗ᭄ᬕᬳᬦ᭄᭞ᬓᬵᬋᬧᬂᬕᭂᬦᬄᬫᬮᬶᬗ᭄ᬕᬶᬄ᭞ᬭᬤᬾᬦ᭄ᬕᬮᬸᬄ᭞ᬫᬲᬳᬸᬃᬲᬋᬂᬫᬓ᭄ᬭᬸ
ᬡ᭟ᬲᬶᬭᬧᬜ᭄ᬚᬶᬲᬋᬂᬦᭂᬕᬓ᭄᭞ᬢᬦ᭄ᬤᬸᬫᬤᬾᬭᬳᬸᬄᬕᭂᬮᬶᬲ᭄᭞ᬧ᭄ᬭᬫᬦ᭄ᬢ᭄ᬭᬶᬲᬓᬶᬂᬕᬕ᭄ᬮᬂ᭞ᬗᬢᬸᬭᬂᬕᬶᬩᬸᬗᬦ᭄ᬲᭂᬚᬶ᭞ᬓᬵᬢᬸᬃᬭᬶᬂᬲᬶᬭᬧ᭄ᬜ᭄ᬚᬶ᭞ᬧᬶᬲᬸᬕᬸᬄ
ᬧᬶᬘᬦ᭄ᬲᬂᬧ᭄ᬭᬪᬹ᭞ᬫᬳᬸᬮᬫ᭄ᬲᬕᬭᬵᬘᬮ᭞ᬕᬫ᭄ᬩᭂᬮᬦ᭄ᬫᬗᬮᬶᬓᬮᬶᬓ᭄᭞ᬮᬾᬕᭀᬂᬕᬫ᭄ᬩᬸᬄ᭞ᬫᬗᬶᬕᭂᬮ᭄ᬧᬥᬫᬢᬦ᭄ᬤᬂᬓ᭟ᬲᬶᬭᬧᬜ᭄ᬚᬸᬗᬚᭂᬂᬫᬥ᭄ᬬᬵ᭞
Page:Bali-lontar-paparikan-malat-01-550ppi.pdf/52
This page has been proofread.
