[᭔᭙ 49B]
᭔᭙
ᬲᬶᬂᬭᬹᬧᬵ᭞ᬗ᭄ᬕᬯᬾᬕᬶᬗ᭄ᬕᬗᬶᬂᬩᬸᬤ᭄ᬥᬶ᭟ᬭᬤᬾᬦ᭄ᬲᭂᬦᭂᬢᬦ᭄ᬕᬸᬫᬸᬬᬸᬕ᭄ᬮᬶᬲ᭄ᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬓᬤᬶᬫᬗᬶᬧᬶ᭞ᬭᬢᬸᬫᬦᬄᬢᬶᬢ᭄ᬬᬂᬳᬦ᭄ᬢᬸᬓ᭄ᬢᭂᬫ᭄ᬩᬾᬗᬦ᭄ᬢᭂᬦᬂ᭞ᬯᬃᬡ᭄ᬦᬓᬤᬶ
ᬲᬶᬭᬧᬜ᭄ᬚᬶ᭞ᬧᬦ᭄ᬢᭂᬲ᭄ᬭᬶᬂᬭᬭᬲ᭄᭞ᬗᬮᬗᬶᬦ᭄ᬕᬸᬫᬶᬮᬗᬶᬢ᭄᭟ᬲᬂᬓᬩᬯᭀᬲ᭄ᬲᬵᬫ᭄ᬧᬸᬦᬵᬤᭀᬄᬮᬸᬫᬫ᭄ᬧᬄ᭞ᬢᬦ᭄ᬫᬋᬦ᭄ᬢᭀᬮᬄᬢᭀᬮᬶᬄ᭞ᬲᬮᬦ᭄ᬢᬗᬶᬂᬚᬮᬦ᭄᭞
ᬫᬓᬬᬸᬦ᭄ᬗᬾᬮᬄᬳᬾᬮᬄ᭞ᬗᬓ᭄ᬱᬶᬯᬃᬡ᭄ᬦᬦᬾᬲᬂᬳᬚᬶ᭞ᬰ᭄ᬭᬷᬭᬦ᭄ᬢᬦᬚᬵ᭞ᬫᬮᬶᬄᬦᭂᬕᬓ᭄ᬓᬢᬗ᭄ᬓᬶᬮ᭄᭟ᬭᬤᬾᬦᬵᬮᬸᬳᬶᬭᬶᬓᬵᬗᬦ᭄ᬥᬶᬓᬩᬦ᭄ᬩᬦ᭄᭞ᬤᬸᬄᬬᬬᬸ
ᬳᬭᬶᬫᬫᬶ᭞ᬳᬚᬭᬹᬧᬵᬫᬭᬲ᭄᭞ᬳᬾᬮᬶᬂᬭᬶᬂᬫᬮᬢ᭄ᬭᬰ᭄ᬫ᭄ᬬᬵ᭞ᬯᭀᬂᬫᬹᬃᬓ᭄ᬓᬫᬫ᭄ᬩᬓᬶᬂᬩᬸᬤ᭄ᬥᬶ᭞ᬢᬦᬵᬦᬹᬢ᭄ᬫᬶᬢ᭄ᬭᬵ᭞ᬭᬶᬂᬬᬬᬶᬓᬮᬶᬄᬓᬫᬶ᭟ᬧ᭄ᬭᬪᬹᬫᬮᬬᬹᬫᬦᬶ
[᭕᭐ 50A]
ᬫ᭄ᬩᬮ᭄ᬳᬲᬳᬸᬃᬩᬦ᭄ᬩᬦ᭄᭞ᬯᬶᬢ᭄ᬢᬶᬢ᭄ᬬᬂᬳᬢ᭄ᬯᬂᬚ᭄ᬭᬶᬄ᭞ᬭᬶᬂᬧᬢ᭄ᬭᬤᬶᬥᬃᬫ᭄ᬫᬵ᭞ᬲᬂᬦᬵᬣᬢᬍᬃᬳᬢ᭄ᬯᬂ᭞ᬜᬾᬯᬓᬭᬶᬂᬲᬶᬭᬧᬜ᭄ᬚᬶ᭞ᬭᬾᬄᬳᬦᬓ᭄ᬧ᭄ᬭᬚ᭄ᬜᬦ᭄᭞ᬭᬶᬭᬶᬄᬦᬧᬓᬂᬳ
ᬚᬶ᭟ᬯᬃᬡ᭄ᬦᬩᬕᬸᬲ᭄ᬲᬺᬗ᭄ᬕᬭᬚᬶᬃᬡ᭄ᬦᬲ᭄ᬯᬪᬵᬯ᭞ᬩᭀᬬᬓᭀᬮᬸᬕ᭄ᬓᬩᬶᬮ᭄ᬩᬶᬮ᭄᭞ᬯᬦᬾᬦ᭄ᬓᬧᬮᬵᬧ᭄ᬭᬂ᭞ᬢᬶᬢ᭄ᬬᬂᬤᭂᬫᭂᬦ᭄ᬗᬦ᭄ᬢᭂᬦᬂ᭞ᬢᬶᬓᬲ᭄ᬳᬤᬶᬩᬕᬸᬲ᭄ᬧᬜ᭄ᬚᬶ᭞ᬯᬶᬢ᭄ᬲᭀ
ᬫ᭄ᬬᬲᭀᬚᬃ᭞ᬗᬾᬦᬓᬶᬦ᭄ᬫᬦᬄᬲᬫᬶ᭟ᬭᬤᬾᬦ᭄ᬳᬮᬸᬗᬦ᭄ᬤᬶᬓᬫᬲᬳᬸᬃᬲᬸᬕᬮ᭄᭞ᬩᭂᬘᬶᬓᬦ᭄ᬲᬸᬗ᭄ᬲᬸᬂᬫᬗ᭄ᬓᬶᬦ᭄᭞ᬳᬶᬧᬜ᭄ᬚᬶᬳᬗ᭄ᬕᭀᬦ᭄ᬩᬩᬩᬗ᭄ᬕᬦ᭄᭞ᬳᬗ᭄ᬕᭀᬦ᭄ᬭ
ᬢᬸᬩᬭᬸᬤ᭄ᬭᬶᬓᬶ᭞ᬢᬶᬢ᭄ᬬᬂᬓᬳᭀᬦᬂ᭞ᬧᬫᬶᬢ᭄ᬮᬸᬗ᭄ᬳᬵᬦᬾᬫᬗ᭄ᬓᬶᬦ᭄᭟ᬲᬳᬸᬃᬓᭂᬜᬶᬂᬰ᭄ᬭᬶᬭᬦ᭄ᬢᬦᬚᬵᬫᬶᬋᬗᬂ᭞ᬭᬤᬾᬦ᭄ᬲᭂᬦᭂᬢᬦ᭄ᬳᬗ᭄ᬮᬶᬂ᭞ᬧᬭᬦ᭄ᬯᬤᬶᬦᬶᬓᬵ᭞
Page:Bali-lontar-paparikan-malat-01-550ppi.pdf/50
This page has been proofread.
