[᭔ 4B]
᭔
ᬲᬭᬶ᭞ᬓᬫᬶᬳᬗ᭄ᬮᬫᬭᬵ᭞ᬳᬗ᭄ᬳᬶᬂᬫᬗ᭄ᬓᬶᬦ᭄ᬭᬶᬂᬳᬸᬦ᭄ᬢᬢ᭄᭞ᬤᬤᬶᬲ᭄ᬯᬫᬷᬫᬳᬵᬤᬾᬯᬷ᭞ᬕᭂᬦᭂᬧ᭄ᬭᭀᬗᭀᬲᭀᬯᬂ᭞ᬰ᭄ᬭᬷᬫᬢᬭᬫ᭄ᬯᬸᬲ᭄ᬫᬶᬗᬶᬲ᭄᭟ᬮᬦ᭄ᬢᬲ᭄ᬩᬸᬤᬮ᭄ᬲᬂᬧ᭄ᬭᬪᬹᬲᬓᬶᬂᬩᬜ᭄ᬘᬶ
ᬗᬄ᭞ᬫᬦ᭄ᬢᬸᬓ᭄ᬓᬚ᭄ᬭᭀᬧᬹᬭᬶ᭞ᬰ᭄ᬭᬷᬮᬲᭂᬫ᭄ᬫᬢᬭᬫ᭄᭞ᬓᬮᬶᬄᬫᬤᬦ᭄ᬥᬦ᭄ᬢᬗᬦ᭄᭞ᬧᬬᬲ᭄ᬰ᭄ᬭᬷᬮᬲᭂᬫᬾᬩᭂᬘᬶᬓ᭄᭞ᬫᬯᬲ᭄ᬢ᭄ᬭᬲᬸᬢ᭄ᬭ᭞ᬫᬓᬫ᭄ᬧᬸᬄᬕ᭄ᬭᬶᬗ᭄ᬲᬶᬂᬭᬶᬗ᭄ᬕᬶᬢ᭄
ᬜᬸᬗ᭄ᬓᭂᬮᬶᬢ᭄ᬓᭂᬭᬶᬲ᭄ᬫᬮᬦ᭄ᬥᬾᬬᬦ᭄ᬢᭀᬕᭀᬕ᭄᭞ᬕᭂᬫᬵᬲ᭄᭞ᬫᬳᬶᬬᭂᬂᬩᬩᬦ᭄ᬲᭀᬘᬲᬫᬶ᭞ᬢᬸᬃᬫᬢᭂᬮᬂᬓᬦ᭞ᬢ᭄ᬭᬶᬥᬢᬸᬅᬢ᭄ᬫᬵᬭᬓ᭄ᬱ᭞ᬫᬲ᭄ᬓᬃᬘᭂᬫ᭄ᬧᬓᬯᬶᬮᬶ
ᬲ᭄᭞ᬫᬭᬸᬫ᭄ᬩᬶᬂᬭᬢ᭄ᬦ᭞ᬧᬧᬭᬲᬦᬾᬮᬸᬜ᭄ᬘᬶᬧ᭄᭟ᬢ᭄ᬯᬭᬧᭂᬧᭂᬓ᭄ᬪᬸᬱᬦᬰ᭄ᬭᬷᬮᬲᭂᬫ᭄ᬦᬵᬣ᭞ᬫᬲᬶᬄᬩᬕᬸᬲ᭄ᬳᬗ᭄ᬭᬸᬦ᭄ᬬᬸᬦᬶᬦ᭄᭞ᬯᬶᬢ᭄ᬚᬳᭂᬦ᭄ᬲᬺᬗ᭄ᬕᬭᬵ᭞ᬫᬓᬦ᭄ᬢᭂ
[᭕ 5A]
ᬦ᭄ᬭᬶᬂᬘᬘᬶᬗᬓ᭄᭞ᬯᬯᬤᭀᬦᬦ᭄ᬚ᭄ᬭᬶᬄᬭᬶᬂᬳᬶᬲ᭄ᬢ᭄ᬭᬷ᭞ᬲᬂᬦᬵᬣᬮᬲᭂᬫ᭄᭞ᬗᭂᬩ᭄ᬢᬓᬸᬢ᭄ᬓᬾᬦ᭄ᬭᬩᬶ᭞ᬫᬶᬦᬓᬵᬤᬶᬧ᭄ᬭᬪᬹᬫᬢᬭᬫ᭄ᬫᬯᬲ᭄ᬢ᭄ᬭ᭞ᬲᬸᬢ᭄ᬭᬳᭂᬦ᭄ᬤᭂᬓ᭄ᬭᬸ
ᬮᬵᬫᬶᬮᬶᬃ᭞ᬓᬫ᭄ᬧᬸᬄᬲᬲᭀᬗ᭄ᬓᬾᬢᬦ᭄᭞ᬳᬓ᭄ᬭᬶᬲ᭄ᬫᬮᬦ᭄ᬤᬾᬬᬦ᭄ᬥᬡ᭄ᬝ᭞ᬫᬲᬲᭂᬫ᭄ᬩᬃᬫᬶᬭᬄᬳᬤᬶ᭞ᬫᬲᬮᬸᬤᬶᬭ᭞ᬩᬳᬦ᭄ᬓᬺᬱ᭄ᬡᬤᬦᬗᭂᬦ᭄ᬤᬶᬄ᭟ᬫᬧᭂᬗ᭄ᬕᭂᬮ᭄ᬓᬦ
ᬳᬮᬶᬢ᭄ᬫᬭᬸᬫ᭄ᬩᬶᬂᬭᬵᬢ᭄ᬦ᭞ᬯᬃᬡ᭄ᬦᬦᬾᬩᬕᬸᬲ᭄ᬩᬗ᭄ᬓᬶᬢ᭄᭞ᬢᬸᬃᬫᬦᬶᬂᬫᬲᬸᬫ᭄ᬧᬂ᭞ᬲᭂᬓᬃᬢᬗ᭄ᬕᬸᬮᬶᬭᬓ᭄ᬢ᭞ᬫᬓᬳᭀᬢᬦ᭄ᬳᭂᬫᬵᬲ᭄ᬯᬶᬮᬶᬲ᭄᭞ᬢᬾᬚᬵᬤᬸᬫᬶᬮᬄ᭞ᬧ
ᬫᬸᬮᬸᬮᬸᬫ᭄ᬮᬸᬫ᭄ᬕᬥᬶᬂ᭟ᬲᭀᬚᬃᬚᬳᭂᬦ᭄ᬭᬯᬶᬲᬾᬫᬫᭂᬤᬂᬫᭂᬤᬂ᭞ᬮ᭄ᬯᬶᬃᬮᬸᬫᬸᬢ᭄ᬩᬩᬃᬳᬗᬶᬦ᭄᭞ᬫᬳᬶᬭᬶᬗᬮᬮᬜ᭄ᬘᬂ᭞ᬧ᭄ᬭᬫᬶᬰ᭄ᬯᬭᬶᬓᬧᭂᬦ᭄ᬥᬓ᭄᭞ᬫᬯᬲ᭄ᬢ᭄ᬭ
Page:Bali-lontar-paparikan-malat-01-550ppi.pdf/5
This page has been proofread.
