[᭓᭕ 35B]
᭓᭕
ᬫᬯᬳᬦᬳᬱ᭄ᬝᬶ᭞ᬗᬭᬤ᭄ᬧᬸᬗ᭄ᬓᬸᬃ᭞ᬗᬶᬭᬶᬂᬧᬜ᭄ᬚᬶᬲᬶᬗ᭄ᬳᬵᬜ᭄ᬚᬬᬵ᭟ᬳᬾᬩᭂᬓ᭄ᬚᭂᬚᭂᬮ᭄ᬦᬸᬳᬹᬢ᭄ᬫᬃᬕ᭄ᬕ᭞ᬳᬦᬓᬾᬲᬥ᭄ᬬᬫᬩᬮᬶᬄ᭞ᬗᬧᬶᬢ᭄ᬫᬃᬕ᭄ᬕᬶᬢ᭄ᬗᭂᬦ᭄ᬓᬶᬯᬵ᭞ᬫᬕᭂᬚᭂᬦ
ᬦ᭄ᬮᬸᬄᬫ᭄ᬯᬦᬶ᭞ᬯ᭄ᬯᭀᬂᬲᬶᬗ᭄ᬳᬵᬲᬭᬶᬲᭂᬥᬶᬄ᭞ᬫᬗᬸᬫᬗᬸᬭᬶᬂᬲᬂᬫᬦ᭄ᬢᬸᬓ᭄᭞ᬓᬤᭂᬳᬳᬮᬫᬮᬫ᭄᭟ᬯᬸᬲ᭄ᬮᬶᬦ᭄ᬢᬂᬢᬫᬦ᭄ᬫᬫᬃᬕ᭄ᬕᬶ᭞ᬲᬫᬶᬦ᭄ᬤᬭᬸᬂ᭞ᬮᬫ᭄ᬧᬳᬾᬦ᭄ᬤᬢᬦ᭄ᬧᬭᬃ
ᬬ᭄ᬬᬦ᭄᭟ᬲᬯᬂᬓᬤᬶᬫᬘᬗ᭄ᬓ᭄ᬭᬫᬵ᭞ᬫᬳᬲ᭄ᬫᬭᬶᬂᬧᬲᬶᬃᬉᬓᬶᬃ᭞ᬯᬳᬸᬳᬗᬶᬦᭂᬧ᭄ᬲᬭᬢ᭄ᬭᬶᬬᬵ᭞ᬓ᭄ᬩᭀᬧ᭄ᬭᬓᬱᬵᬓᬧᬗ᭄ᬕᬶᬄ᭞ᬭᬶᬂᬯᬮᬦ᭄ᬢᬕᬧᬫᬶᬗ᭄ᬕᬶᬃ᭞ᬯᬸᬲ᭄ᬗᬗ᭄ᬓᭂᬮ᭄
ᬫᬭᬃᬬ᭄ᬬᬦ᭄ᬢᭂᬥᬸᬦ᭄᭟ᬢᭂᬧᬶᬦᬶᬂᬯᬮᬦ᭄ᬢᬕ᭞ᬭᬤᬾᬦ᭄ᬧᬜ᭄ᬚᬶᬲᭂᬫᬸᬫᬶᬗᬶᬲ᭄᭞ᬕ᭄ᬮᬶᬲ᭄ᬢᭂᬥᬸᬦ᭄᭞ᬫᬘᭂᬩᬸᬃᬲᬓᬶᬂᬲᬫᬚᬵ᭟ᬲᬶᬗ᭄ᬕᬄᬗᬮᬶᬄᬭᬤᬾᬦ᭄ᬤᬾᬯ᭄ᬬᬵ᭞
[᭓᭖ 36A]
ᬢᬦᬓ᭄ᬯᬾᬄᬲᬦᬾᬫᬗᬶᬭᬶᬂ᭞ᬢᬸᬃᬫᬗᬄᬕᬳᬶᬦ᭄ᬲ᭄ᬬᬦ᭄ᬥᬦ᭞ᬲᬂᬧᬶᬦᬭᬦᬦ᭄ᬓᬧᬗ᭄ᬕᬶᬄ᭞ᬫᬮᬶᬗ᭄ᬕᬶᬄᬭᬶᬂᬩᬮᬾᬳᬮᬶᬢ᭄᭞ᬫᬯᬲ᭄ᬢ᭄ᬭᬢᬗᬶᬫᬲᬳᬸᬤ᭄᭞ᬫᬩᬶᬦ᭄ᬢᬂ
ᬲᬸᬢ᭄ᬭᬵᬚᭂᬦᬃ᭞ᬫᬢᬸᬭᬸᬢ᭄ᬩᬵᬦ᭄ᬤᬤᬸᬲᬭᬶ᭞ᬯᬃᬡ᭄ᬦᬓᭂᬘᬸᬤ᭄᭞ᬢᬦ᭄ᬧᬕᭂᬮᬂᬫᬲᬶᬄᬫᭂᬮᬄ᭟ᬲᭀᬘᬩᬮᬸᬢ᭄ᬳᬾᬫ᭄ᬩᭂᬄᬭᬭᬲ᭄᭞ᬳᬶᬩᬸᬓ᭄ᬳᭂᬗ᭄ᬲᭂᬓ᭄ᬓᬬᬸᬦ᭄ᬲᭂᬤᬶᬄ᭟
ᬫᬗᭂᬦᬂᬩᬶᬩᬶᬮᬦ᭄ᬬᬬᬄ᭞ᬦᭂᬗᬓ᭄ᬩᭂᬗᭀᬂᬧᬤᬶᬤᬶᬳᬶ᭞ᬍᬂᬍᬂᬦᬢᬓᬶᬜ᭄ᬘᬤᬶᬓ᭄᭞ᬓᬕᬾᬢ᭄ᬲᬶᬭᬧᬜ᭄ᬚᬶᬭᬳᬸᬄ᭞ᬓᬕ᭄ᬬᬢ᭄ᬫᬧᬧᬲ᭄ᬢᬶᬗ᭄ᬳᬮ᭄᭞ᬫᬜ
ᬕ᭄ᬚᬕ᭄ᬢᬦ᭄ᬲᬄᬦᬫ᭄ᬧᭂᬓᬶᬦ᭄᭞ᬲᬳᬵᬗᭂᬮᬸᬢ᭄᭞ᬓᬬᬸᬦ᭄ᬫᬘᭂᬮᭀᬲ᭄ᬫᬗᭂᬦᬂ᭟ᬢᬸᬃᬫᬮᬶᬄᬗᬦ᭄ᬤᬶᬓᬩᬦ᭄ᬩᬦ᭄᭞ᬳᬤᬸᬄᬅᬢ᭄ᬫᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬲ᭄ᬯᬾᬲ
Page:Bali-lontar-paparikan-malat-01-550ppi.pdf/36
This page has been proofread.
