[᭖ 6B]
᭖
ᬢ᭄᭞ᬲᭂᬮᬗᬾᬢ᭄ᬗᬳᬶᬂᬳᬮᬲ᭄᭞ᬢᬹᬃᬫᬫᬗ᭄ᬕᬶᬄ᭞ᬭᬲᬾᬫᬓᬵᬫᬶᬯᬄᬫᬘᬦ᭄᭟ᬭᬭᬶᬲ᭄ᬓᬦ᭄ᬢᭂᬦ᭄ᬤᬶᬢᭂᬗᬳᬦ᭄᭞ᬧᬶᬤᭂᬭᬦᬾᬗ᭄ᬭᬭᬲ᭄ᬮᭂᬯᬶᬄ᭞ᬓᬤᬶᬫᬾᬭᬸᬢᬸᬫ᭄ᬧᬂᬲᬗ᭄ᬳᬵ᭞ᬫᬳᬸᬦ᭄ᬤᬕ᭄ᬳᬸᬦ᭄ᬤᬕ᭄ᬫᬢᬸᬭᬸᬢ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬭᬵᬃᬬ᭄ᬬᬦ᭄᭞
ᬦᬾᬫᬯᬃᬡ᭄ᬦᬶ᭞ᬲᬵᬃᬯ᭄ᬯᬳᬾᬦ᭄ᬤᬄᬲᬵᬃᬯ᭄ᬯᬧᬾᬮᬕ᭄᭟ᬓᬤᬶᬫᬾᬭᬸᬦᬾᬫᬢᬸᬫ᭄ᬧᬂ᭞ᬫᬳᬸᬦ᭄ᬤᬕ᭄ᬳᬸᬦ᭄ᬤᬕ᭄ᬫᬗ᭄ᬭᬯᬶᬢ᭄᭞ᬭᬳᬤ᭄ᬬᬦ᭄ᬫᬗ᭄ᬓᬶᬦ᭄ᬓᬍᬲᭀᬦ᭄᭞ᬢᬸᬫᬸᬮᬶᬭᬭᬶᬲᬮᬸᬗ᭄ᬕᬸᬄ᭞ᬧᬸᬦ᭄ᬲ᭄ᬫᬃᬳᬲ᭄ᬫᬸᬓᬯ᭄ᬗᬦ᭄᭞ᬫᬢᬹᬃᬭᬭᬶᬲ᭄᭞ᬦᬶᬓᬵᬦᬧᬶᬢᭀᬳᬤᬜ
᭟ᬲᬪ᭄ᬥᬫᬶᬭᬶᬩ᭄ᬫᬢᬳᬸᬮᬦ᭄᭞ᬫᬶᬭᬶᬩ᭄ᬬᬫᬫᬢᬵᬧᬸᬢᬶᬄ᭞ᬕᬶᬕᬶᬦ᭄ᬜᬦᬾᬤᬤ᭄ᬯᬢᭀᬗ᭄ᬕᭀᬲ᭄᭞ᬭᬳᬤ᭄ᬬᬦ᭄᭠ᬯᭂᬭᬸᬳᬶᬂᬓᬵᬬᬸᬦ᭄᭞ᬳᭂᬦ᭄ᬤᭂᬧ᭄ᬓᬓᬵᬤᬚ᭄ᬯᬘᬩᬃ᭞ᬤᬩᬩᬾᬓᬶ᭞ᬓᬬᬗᬦ᭄ᬪᬝᬵᬦ᭄ᬳᬮᬲ᭄᭟ᬤᬶᬢᬸᬲ᭄ᬤᭂᬂᬦᬸᬦᬲ᭄ᬧᬢᬧᬦ᭄᭞᭠
ᬫᬗᬾᬱ᭄ᬝᬶᬭᬳᬬᬸᬍᬯᬶᬄ᭞ᬦᬯᬶᬬᬾᬦ᭄ᬓᬲᬤ᭄ᬬᬦ᭄ᬋᬓᭀ᭞ᬧᬶᬦᬸᬦᬲ᭄ᬦᬸᬚᬸᬭᬶᬂᬓᬬᬸᬦ᭄᭞ᬫᬗ᭄ᬮᬮᬦᬵᬫᬭᬶᬂᬤᬾᬰ᭞ᬫᬶᬮᬶᬄᬧᬸᬢ᭄ᬭᬶ᭞ᬳᬧᬗ᭄ᬳᭃᬲᬶᬤ᭄ᬥᬓᬲᬤ᭄ᬬᬦ᭄᭟ᬳᭂᬦ᭄ᬢᭀᬓᬓᬵᬧᬂᬗᬺᬢ᭄ᬢᬶᬬᬂ᭞ᬢᬸᬦᬲ᭄ᬭᬶᬂᬪᬝᬵᬭᬯᬶᬤ᭄ᬥᬶ᭞ᬧᬸᬦ᭄ᬲ᭄ᬫᬃᬳᬦᭂᬫ᭄ᬩᬄᬳ
[᭗ 7A]
᭗
ᬮᭀᬦ᭄᭞ᬧᬢᬸᬢ᭄ᬧᬶᬲᬦ᭄ᬢ᭄ᬯᬄᬳᬶᬭᬢᬸ᭞ᬳᬦ᭄ᬢᬸᬓ᭄ᬳᬶᬤᬫᬗ᭄ᬭᬯᭀᬲᬂ᭞ᬢᬦ᭄ᬓᬯᬃᬡ᭄ᬦᬶ᭞ᬲᬂᬳ᭄ᬬᬂᬲᬹᬃᬬ᭄ᬬᬦᬸᬗ᭄ᬕᬂᬫᬤ᭄ᬬ᭟ᬳᬫᬗᬸᬤ᭄ᬭᬗ᭄ᬕᬳᬶᬂᬗᬓ᭄ᬱ᭄ᬬ᭞ᬧᭀᬮᬳᬶᬂᬢ᭄ᬳᭂᬩ᭄ᬳᬗ᭄ᬭᬯᬶᬢ᭄᭞ᬳᬦᬓ᭄ᬢᬸᬳᬸᬢ᭄ᬯᬄᬦ᭄ᬬᬳᬦᭀᬫ᭄᭞ᬲᬫᬶᬫᬢᬢ᭄ᬓᭂᬦ᭄ᬮᬸᬮᬸᬢ᭄᭞ᬮ᭄ᬬᬦ᭄ᬳᬦᬳᬦᬵ᭠
ᬓᭂᬫ᭄ᬩᬂ᭞ᬯᬶᬢ᭄ᬓᬫᬾᬭᬶ᭞ᬲᭂᬤᭂᬓ᭄ᬫᬲᬦ᭄ᬫᬧᬥᬧᬦ᭄᭟ᬫᬭᬶᬂᬲᭀᬃᬦ᭄ᬬᬍᬯᬶᬄᬫᬹᬮ᭄ᬬ᭞ᬓᬦ᭄ᬢᭂᬦ᭄ᬓᭂᬫ᭄ᬩᬂᬲᬶᬍᬕ᭄ᬯᬶ᭞ᬭᬳᬤ᭄ᬬᬦ᭄ᬓᬯᬃᬡ᭄ᬦᬋᬓᭀ᭞ᬮᬸᬫᬓ᭄ᬯᬾᬂᬢᬸᬭᬸᬦ᭄ᬭᬶᬂᬩᬜᬸ᭞ᬳᬤ᭄ᬬᬸᬲᬤ᭄ᬥᬕᬕ᭄ᬮᬶᬲᬦ᭄᭞ᬦᬸᬮ᭄ᬬᬵᬗ᭄ᬮᬶᬂ᭞ᬓᬓᬵᬲᬋᬗᬦ᭄ᬳᬰᬸᬘ᭄ᬬ᭟ᬯᬸᬲ᭄ᬲᬶᬭᬫ᭄ᬧᬸ᭠
ᬋᬂᬮᬸᬫᬫ᭄ᬧᬄ᭞ᬳᬮᬸᬗ᭄ᬕᬸᬄᬫᬮᬶᬄᬫᬫᬸᬱ᭄ᬝᬶ᭞ᬳᬗᭂᬜᭂᬧᬂᬲᬦᬾᬓᬯᭀᬢ᭄᭞ᬲᬃᬯ᭄ᬯᬶᬬᬂᬯᬸᬲ᭄ᬬᬭᬶᬦᬗ᭄ᬲᬸᬓ᭄᭞ᬧᬢᬶ᭠ᬢᬶᬲᬗ᭄ᬭᬦᬵᬲᬶᬓᬵ᭞ᬢᬦ᭄ᬤ᭄ᬯᬧᭀᬮᬶᬄ᭞ᬲᬵᬫ᭄ᬧᬸᬦ᭄ᬳᬗ᭄ᬭᬗ᭄ᬲᬸᬓ᭄ᬭᬶᬂᬘᬶᬢ᭄ᬣᬵ᭚ᬓᬯᬸᬯᬸᬲᭂᬦ᭄ᬧᭀᬮᬄᬲᬶᬭᬵ᭞ᬲᬯᬢᬭᬫᬥ᭄ᬬ
ᬮᬢ᭄ᬭᬶ᭞ᬤᬳᬢ᭄ᬳ᭄ᬬᬫᬗᬚᬶᬫᬗ᭄ᬓᭀ᭞ᬧ᭄ᬭᬧ᭄ᬢᬵᬲᬂᬧᬡ᭄ᬥᬶᬢᬵᬳᬓ᭄ᬭᬸᬄ᭞ᬧ᭄ᬭᬧ᭄ᬢᬳᬗᬤᭂᬕ᭄ᬲᬓᬮᬵ᭞ᬳᬗ᭄ᬮᬶᬂᬳᬭᬶᬲ᭄᭞ᬮᬄᬢ᭄ᬓᬵᬰᬶᬧᬭᬦ᭄ᬓᬃᬬ᭄ᬬ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᭂᬫ᭄ᬩᬄ᭞ᬳᬢᬸᬭᬾᬳᬭᬸᬫ᭄ᬫᬫᬦᬶᬲ᭄᭞ᬮᬭᬢᬶᬢ᭄ᬬᬂᬳ᭄ᬬᬂᬪᬝᬵᬭ᭞ᬤᬯᭂ
