[᭔᭒ 42B]
᭔᭒
ᬭᬗ᭄ᬓᬫᬜ᭄ᬚᬶᬗᬶᬂᬓ᭄ᬭᬶᬲ᭄᭞ᬋᬲᭂᬧᬂᬩ᭄ᬮᬶᬚ᭄ᬯᬳᭂᬦ᭄ᬢᭀ᭞ᬫᬗ᭄ᬤᬾᬩ᭄ᬮᬶᬕ᭄ᬮᬶᬲ᭄ᬫᬲᬶᬫ᭄ᬩᬸᬄ᭞ᬩ᭄ᬮᬶᬕᬶᬫᬶᬄᬢᬶᬢ᭄ᬬᬂᬳᬶᬫᬂ᭞ᬦᬶᬓᬵᬩ᭄ᬮᬶ᭞ᬧᬸᬦ᭄ᬲ᭄ᬫᬃᬫᬵᬢᬹᬃᬗᬾᬗ᭄ᬕᬮᬂ᭟ᬕᭂᬮᬶᬲᬂᬤᬾᬯᬫᬜᭂᬫ᭄ᬩᬃ᭞ᬤᬦᬾᬩᬲ᭄ᬓᬮᬶᬦ᭄ᬢᬂᬕᬜ᭄ᬚᬶᬄ᭞ᬤ᭄ᬫᭂᬦ᭄ᬲᬦ᭄ᬳᬶᬤᬾᬯ᭄ᬯᬗ᭄ᬦᭀᬢ᭄᭞ᬳᬶᬄᬘᬶ
ᬗᬓᬶᬦ᭄ᬤᬾᬯᬭᬢᬸ᭞ᬤᬤᭀᬂᬳᬶᬤᬫᬜᬬᬗᬂ᭞ᬓᬸᬫᬕᬸᬲ᭄ᬢᬶ᭞ᬫᬃᬕ᭄ᬕᬓᬾᬩᬋᬂᬲᬬᬗᬂ᭟ᬲᬫᬶᬧᬥᬫᬜᬬᬗᬂ᭞ᬳᬸᬤᬦᬾᬓᬸᬫᬵᬫᬕᬸᬲ᭄ᬢᬶ᭞ᬢᬶᬢ᭄ᬬᬂᬩ᭄ᬬᬦᬢᬳᬾᬦ᭄ᬦᬶᬜ᭄ᬚᬓ᭄᭞ᬳᬶᬤᬩ᭄ᬬᬦᬵᬢᬳᬾᬦ᭄ᬩᭂᬦ᭄ᬤᬸ᭞ᬳᬦᬓ᭄ᬳᬶᬤᬥᬃᬫ᭄ᬫᬧᬶᬲᬦ᭄᭞ᬦᬾ
ᬦᬾᬳᬶᬩᬶ᭞ᬢᬶᬢ᭄ᬬᬂᬢᬶᬫ᭄ᬧᬸᬕᬓᬾᬦ᭄ᬩᬦ᭄ᬢᬮ᭄᭟ᬬᬾᬦ᭄ᬳᬶᬤᬾᬯ᭄ᬯᬲ᭄ᬤᭂᬓ᭄ᬮᬸᬗ᭄ᬳᬵ᭞ᬢᬶᬢ᭄ᬬᬂᬗᬶᬭᬶᬗᬂᬭᬶᬂᬭᬶᬳᬶᬦ᭄᭞ᬬᬾ᭠ᬦ᭄ᬳᬶᬤᬾᬯ᭄ᬯᬓᬬᭂᬄᬓ᭄ᬮᭀᬤ᭄᭞ᬢᬶᬢ᭄ᬬᬂᬫᬸᬗ᭄ᬓᬸᬭᬶᬦ᭄ᬤᬶᬫᬮᬸ᭞ᬧᬢᭂᬫ᭄ᬧᬳᬶᬦ᭄ᬢᬶᬢ᭄ᬬᬂᬲᬶᬜ᭄ᬚᬂ᭞ᬦᬾᬦᬾᬍᬯᬶᬄ᭞ᬢᬶᬢ᭄ᬬᬂᬩ᭄ᬬᬦᬵ
ᬳᬤᬓᬵᬃᬭ᭄ᬯᬦ᭄᭟ᬳ᭄ᬜᬓ᭄ᬓᬮᬯᬦ᭄ᬢᬦ᭄ᬳᭂᬜᬓ᭄᭞ᬩ᭄ᬬᬦᬵᬓᭀᬓ᭄ᬦᬵᬳᬶᬗᭂᬢᬶᬦ᭄᭞ᬭᬤᬾᬦ᭄ᬕᬮᬸᬄᬗᬦ᭄ᬤᬶᬓᬵᬮᭀᬦ᭄᭞ᬩ᭄ᬦᭂᬄᬩᬦ᭄ᬳᬶᬩᬫᬳᬢᬹᬃ᭞ᬓᬳᬶᬢ᭄ᬯᬭᬗ᭄ᬮᬄᬧᬜ᭄ᬚᬓ᭄᭞ᬦᬫ᭄ᬧᬓᬳᬶ᭞ᬓᬢᬸᬚᬸᬜᬓ᭄ᬳᬶᬩᬦᬫ᭄ᬧᬵ᭟ᬲᬤ᭄ᬥᬓ᭄ᬜᬸᬂᬫᬗᬦ᭄ᬤᬶᬓᬵ᭞
[᭔᭓ 43A]
᭔᭓
ᬲᭂᬩᭂᬗᬾᬲᬤ᭄ᬥᬲ᭄ᬫᬸᬭᬸᬡ᭄ᬝᬶᬓ᭄᭞ᬩ᭄ᬦᭂᬄᬩᬳᬦ᭄ᬳᬶᬩᬓᬾᬦ᭄ᬢᭀ᭞ᬳᬶᬭᬩ᭄ᬬᬵᬦᬢ᭄ᬓᭂᬤ᭄ᬤᬶᬢᬸ᭞ᬩᬶᬱᬲᬚᬳᬶᬩᬵᬲ᭄ᬫᬃ᭞ᬓᬳᬶᬗᬮᬶᬄ᭞ᬳᬦᬓ᭄ᬚᬸᬭᬸᬦᬫ᭄ᬧᬲᬶᬜ᭄ᬚᬂ᭟ᬓᬳᬶᬗ᭄ᬮᬄᬧᬜ᭄ᬚᬓ᭄ᬓᬢᬄ᭞ᬳᬤᬶᬳᬶᬢ᭄ᬯᬭᬵᬤᬲᬸᬤᬶ᭞ᬲᬂᬩᬕᬸᬲ᭄ᬗᬦ᭄ᬤᬶᬓᬵᬳᬮᭀᬦ᭄᭞ᬳᭂᬦ᭄ᬤᭂᬧᬂ
ᬤᬵᬚ᭄ᬯᬫᬳᬢᬹᬃ᭞ᬦᬶᬭᬚᬲᬸᬩᬓᬸᬘᬶᬯ᭄ᬯ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬢᬶᬢ᭄ᬬᬂᬓᬧᭀᬓ᭄ᬩ᭄ᬯᬶᬦ᭄ᬳᬢᭂᬫ᭄ᬯᬂ᭟ᬭᬤᬾᬦ᭄ᬕᬮᬸᬄᬗᬫ᭄ᬩᬶᬮ᭄ᬲᭂᬫ᭄ᬩᬃ᭞ᬳᬶᬦᬯᬂᬢᬭᭀᬗᬬᬳᬶᬦ᭄᭞ᬲᬵᬃᬯ᭄ᬬᬵᬫᬩᬶᬲᬶᬓ᭄ᬋᬓᭀ᭞ᬳᬶᬭᬶᬓᬶᬚ᭄ᬯᬫ᭄ᬩᭀᬓ᭄ᬫᬜᬶᬫ᭄ᬩᬸᬄ᭞ᬓᬢᬸᬯᭀᬦ᭄ᬳᬶᬤᬲᬂᬦᬵᬣ᭞ᬗ
ᬦ᭄ᬤᬶᬓᬳᬶᬦ᭄᭞ᬢᬦ᭄ᬦᭀᬕ᭄ᬬᬳᭂᬫ᭄ᬩᭀᬓ᭄ᬫᬫᬶᬦ᭄ᬤᬄ᭟ᬢᬸᬫᬸᬮᬶᬄᬫᬫᬓ᭄ᬧᬓ᭄ᬲᭂᬫ᭄ᬩᬃ᭞ᬳᬲ᭄ᬫᬸᬕᬸᬬᬸᬫᬫᬳᭂᬓᬶᬦ᭄᭞ᬫᬗᬫ᭄ᬩᬶ᭠ᬮ᭄ᬚ᭄ᬭᬶᬚᬶᬦᬾᬫ᭄ᬭᭀᬲ᭄᭞ᬦᬓᬦᬾᬮ᭄ᬯᬶᬃᬫᬡᬶᬓ᭄ᬩᬜᬸ᭞ᬫᬗ᭄ᬮᭂᬮ᭄ᬬᭂᬃᬳᬲ᭄ᬫᬸᬫᬾᬦ᭄ᬤ᭄ᬭᭀ᭞ᬫᬗ᭄ᬭᬜ᭄ᬘᬧᬶᬦ᭄᭞ᬲᬵᬫ᭄ᬧᬸᬦ᭄ᬫᬲᭂᬫ᭄ᬩᬃᬧᬶᬂᬢᬶ
ᬕ᭟ᬩᬕᬸᬲᬸᬫ᭄ᬩᬭᬳᬗᬸᬘᬧ᭄᭞ᬳᬢᬸᬭᬾᬮ᭄ᬯᬶᬃᬫᬥᬸᬕᭂᬦ᭄ᬤᬶᬲ᭄᭞ᬢᬦ᭄ᬲᬧᬶᬭᬵᬳᬸᬢᬂᬫᬗ᭄ᬓᭀ᭞ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬦᬯᬹᬃ᭞ᬬᬾᬦ᭄ᬢᬦ᭄ᬢᬶᬢ᭄ᬬᬂᬫᬗᬯᬸᬮᬵ᭞ᬭᬶᬂᬥ᭄ᬬᬳᬭᬷ᭞ᬳᬶᬤᬾᬯ᭄ᬯᬫᬜ᭄ᬚᬓᬂᬢᬶᬢ᭄ᬬᬂ᭟ᬤᬸᬭᬸᬲᬂᬳᬶᬘᬦᬾᬫᬶᬭᬄ᭞ᬫᬫᬸ
