[᭔᭐ 40B]
᭔᭐
ᬧᬶᬲᬸᬗ᭄ᬓᬦᬂᬩ᭄ᬮᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬓᬶᬢ᭄ᬗᭀᬳᭀᬦ᭄᭞ᬲᬶᬸᬬᬾᬦ᭄ᬫᬦᬳᬂᬢᬶᬢ᭄ᬬᬂᬳᭂᬮᬸᬄ᭞ᬤᬬᬦ᭄ᬳᬦᬓ᭄ᬫᬩᬲᬳᬦ᭄᭞ᬲᬓᬶᬢ᭄ᬧᬶᬗᬶᬢ᭄᭞ᬤᬬᬦᬾᬢ᭄ᬯᬄᬯᬯᬤᭀᬦᬦ᭄᭟ᬩᬕᬸᬲᬸᬫ᭄ᬩᬭᬓᬯᭂᬗᬦ᭄᭞ᬢ᭄ᬯᬭᬵᬤᬫᬳᬦ᭄ᬫᬢ᭠
ᬗ᭄ᬓᬶᬲ᭄᭞ᬯ᭄ᬬᬓ᭄ᬢᬶᬧᬶᬲᬦ᭄ᬲᬧᬸᬦᬶᬓᬵ᭞ᬧᬜᬓᬶᬢ᭄ᬢᬶᬢ᭄ᬬᬗᬾᬭᬢᬸ᭞ᬭᬢᬸᬢᬶᬢ᭄ᬬᬂᬦᬸᬦᬲ᭄ᬳᬶᬘᬵ᭞ᬦᬾᬦᬾᬫᬗ᭄ᬓᬶ᭠ᬦ᭄᭞ᬳᬶᬤᬾᬯ᭄ᬯᬫᬜᭂᬫ᭄ᬩᬃᬢᬶᬢ᭄ᬬᬂ᭟ᬬᬾᬦ᭄ᬳᬶᬘᬵᬳᬶᬤᬾᬯ᭄ᬯᬜᭂᬫ᭄ᬩᬃ᭞ᬳᬶᬥᭂᬧ᭄ᬢᬶᬩᬾᬦ᭄ᬫᬥᬸᬕᭂᬦ᭄ᬤᬶᬲ᭄᭞ᬭᬤᬾᬦ᭄ᬕᬮᬸᬄ
ᬫᭀᬚᬃᬳᬮᭀᬦ᭄᭞ᬲᬦ᭄ᬤᬶᬓᬦ᭄ᬳᬶᬩ᭄ᬮᬶᬩᬕᬸᬲ᭄᭞ᬦᬗᬶᬂᬯᬶᬓ᭄ᬲᬸᬓ᭄ᬮᬵᬲ᭄ᬥᬦᬵ᭞ᬧ᭄ᬭᬲᬦ᭄ᬢᬭᬶ᭞ᬳᬶᬲ᭄ᬢ᭄ᬭᬶᬧᬧᬵᬮᬳᬭᬦ᭄ᬜ᭟ᬫᬢᬸᬓ᭄ᬢᬸᬓ᭄ᬰᬸᬘᬶᬫᬸᬓᬭ᭞ᬯᬶᬚᬾᬦ᭄ᬤ᭄ᬭᬵᬫᬾᬯᭂᬄᬭᬶᬂᬦᬩᬶ᭞ᬲᬶᬦ᭄ᬢᬵᬕᬾᬦᬦᬾᬭᬶᬂᬦᬾᬢ᭄ᬭ᭞ᬮᬦ᭄ᬤᭂᬧ᭄ᬕ᭄ᬦᬳᬾᬭᬶᬂᬳᬶ
ᬕᬸᬂ᭞ᬤᬸᬳᬸᬗᬾᬫᬜ᭄ᬚᬶᬗᭀᬭᬗ᭄ᬓᬵ᭞ᬤᬓ᭄ᬱᬳᬚᬶ᭞ᬓ᭄ᬭᬶᬲᬾᬫᬜ᭄ᬚᬶᬂᬳᬾᬭᬵᬗ᭄ᬓᬵ᭟ᬰᬸᬓ᭄ᬮᬵᬧᬓ᭄ᬱᬦᬾᬭᬶᬂ᭠ᬳᬱ᭄ᬝᬵ᭞ᬮᬯᬦ᭄ᬳᬶᬲᬶᬢ᭄ᬫᬶᬬᭀᬤᬲᬶᬄ᭞ᬢᬦ᭄ᬤᬶᬮᬸᬭᬶᬂᬓᬺᬱ᭄ᬡᬵᬧᬓ᭄ᬱ᭞ᬓ᭄ᬦᬶᬓᬾᬩᬦ᭄ᬩᭂᬮᬶᬗᬶᬢᬸᬂ᭞ᬲᬯᬶᬭᬯᬦᬾᬧᬸᬦᬶ
[᭔᭑ 41A]
᭔᭑
ᬓᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬧᬸᬦᬶᬓᬵᬦᬾᬢᬸᬦᬲ᭄ᬢᬶᬢ᭄ᬬᬂ᭟ᬩᬕᬸᬲ᭄ᬳᬸᬫ᭄ᬩᬭᬓᭀᬲᭂᬓᬦ᭄᭞ᬫᬗ᭄ᬭᬸᬗᬸᬳᬸᬚᬭᬾᬍᬯᬶᬄ᭞ᬢᬦ᭄ᬧᭀᬮᬶᬄᬓᬾᬢᬶᬢ᭄ᬬᬂᬤᬾᬯ᭄ᬯ᭞ᬲᬢ᭄ᬯᬦᬾᬧᬸᬦᬶᬓᬵᬭᬢᬸ᭞ᬭᬤᬾᬦ᭄ᬕᬮᬸᬄᬳᬶᬘᬵᬧᬶᬲᬦ᭄᭞ᬗᬸᬤᬩ᭄ᬮᬶ᭞
ᬚᬦᬶᬦᬸᬫᬗᬮᬶᬄᬤᬬ᭟ᬩ᭄ᬮᬶᬢ᭄ᬯᬄᬫᬸᬗ᭄ᬓᬸᬮ᭄ᬧᬗ᭄ᬭᬱ᭞ᬭᬓ᭄ᬱᬦ᭄ᬩ᭄ᬮᬶᬧᬤᬶᬤᬶᬳᬶ᭞ᬤᬵᬚ᭄ᬯᬫᬶᬘᬬᬗᬋᬓᭀ᭞᭠ᬫᬧᬦ᭄ᬢᬶᬢ᭄ᬬᬂᬚᬤ᭄ᬫᬳ᭄ᬮᬸᬄ᭞ᬮᬸᬯᬲ᭄ᬓᬶᬚᬚ᭄ᬯᬢᬶᬢ᭄ᬬᬂ᭞ᬓᬤᬶᬩ᭄ᬮᬶ᭞ᬮᬸᬗᬫᬗ᭄ᬮᬮᬦᬵᬤᬾᬰ᭟ᬩᬕᬸᬲᬸᬫ᭄ᬩᬭᬫᬫᬶᬦ᭄ᬤᬄ᭞᭠
ᬲᬵᬫ᭄ᬧᬸᬭᬵᬢᬶᬢ᭄ᬬᬂᬫᬵᬲ᭄ᬫᬡᬶᬓ᭄᭞ᬯᬶᬭᬱᬦᬾᬩᬸᬓᬵᬓᬾᬦ᭄ᬢᭀ᭞ᬩᭂᬲ᭄ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬯ᭄ᬭᬸᬄ᭞ᬭᬤᬾᬦ᭄ᬕᬮᬸᬄᬳᬶᬘᬵᬧᬶᬲᬦ᭄᭞ᬢᬸᬃᬗᬸᬬᭀᬦᬶᬦ᭄᭞ᬳᬶᬤᭀᬂᬓᬾᬩᬶᬦ᭄ᬢᬗᬾᬳᬾᬭᬂ᭟ᬩᬕᬸᬲᬸᬫ᭄ᬩᬭᬵᬫᬗ᭄ᬭᬱ᭞ᬬᬾᬦ᭄ᬧᬗᬸᬘ
ᬧᬾᬭᬶᬂᬳᬢᬶ᭞ᬫᬶᬮᬶᬄᬳᬯᬓᬾᬫᬶᬘᬸᬦ᭄ᬤᬂ᭞ᬲᬢ᭄ᬭ᭄ᬬᬵᬓ᭄ᬮᬯᬦ᭄ᬲᬂᬧ᭄ᬭᬪᬹ᭞ᬤᬤᬶᬚᬦᬶᬓᬩᬾᬘᬸᬦ᭄ᬤᬂ᭞ᬩᬦ᭄ᬧᬯᬾᬲ᭄ᬢ᭄ᬭᬶ᭞ᬬᬾᬦ᭄ᬧᬗ᭄ᬭᬱᬕᬸᬮᬵᬤ᭄ᬭᬯᬵ᭟ᬳᬸᬚᬭᬾᬮ᭄ᬯᬶᬄᬕᬸᬮᬵᬕ᭄ᬮᬂ᭞ᬲᬢ᭄ᬫᬓᬜᬕᬥᬸᬂᬫ᭄ᬮᬢᬶ᭞ᬯᬶᬭᬱᬦᬾᬓᬤ᭄ᬬᬵᬂ᭠
