[᭒᭐ 20B]
᭒᭐
ᬳᬵᬘᬳᬶᬫᬤᬾᬰ᭟ᬩᬕᬸᬲᬸᬫ᭄ᬩᬭᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬯᭀᬂᬫᬢᬯᬸᬦ᭄ᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬓᬣᭀᬂ᭞ᬰ᭄ᬭᬶᬦᬭᬾᬦ᭄ᬤ᭄ᬭᬵᬭᬶᬂᬫᬢᬳᬸᬦ᭄᭞ᬗᬢᬸᬭᬂᬭᬵᬚᬧᬦᭀᬫᬄ᭞ᬫᬶᬯᬄᬦᬶᬓᬶ᭞ᬲᬾᬯᬮᬵᬧᬢ᭄ᬭᬧᬸᬦᬶᬓᬵ᭟ᬢᬶᬦᬗ᭄ᬕᬧᬦ᭄ᬭᬶᬂᬲᬂ
ᬦᬵᬣ᭞ᬧᬸᬧᬸᬘᬸᬓ᭄ᬚᬚᬫᬦ᭄ᬢ᭄ᬭᬾᬓᬶ᭞ᬳᬶᬗᬸᬍᬲᬦ᭄ᬮᬸᬗ᭄ᬰᬶᬃᬳᬶᬚᭀ᭞ᬫᬗᬸᬭᬶᬧᬶᬦᬘᬲᬵᬫ᭄ᬧᬸᬦ᭄᭞ᬳᬦᬶᬢᬶᬲᬾᬯᬮᬵᬧ᭠ᬢ᭄ᬭ᭞ᬤᬸᬄᬲᬯᬶᬗᬶᬢ᭄᭞ᬧᬸᬧᬹᬧᬸᬧᬹᬦᭂᬦ᭄ᬧᬗᬾᬭᬦ᭄᭟ᬢᬶᬢ᭄ᬬᬂᬳᬦᭂᬤᬵᬲᬢ᭄ᬫᬢᬦ᭄᭞ᬳᬘᬶᬭᬾᬦ᭄ᬳᬕᬸᬗᬯᬶᬗᬶᬢ᭄᭞ᬤᬸᬭᬸᬲᬂ
ᬳᬶᬘᬵᬲᬂᬓᬢᭀᬂ᭞ᬫᬫᬜ᭄ᬚᬓᬂᬓᬫᬢᬯᬸᬦ᭄᭞ᬫᬢᬢᬸᬦ᭄ᬓᬾᬤ᭄ᬧᬂᬤᭂᬳᬵ᭞ᬦᬾᬦᬾᬫᬗ᭄ᬓᬶᬦ᭄᭞ᬳᬶᬤᬾᬯ᭄ᬯᬫᬜ᭄ᬚᬓᬂᬢᬶᬢ᭄ᬬᬂ᭟ᬲᬦ᭄ᬤᬶᬓᬦ᭄ᬳᬶᬤᬲᬂᬦᬵᬣ᭞ᬳᬗᬾᬱ᭄ᬝᬶᬲᬸᬢᬵᬥ᭄ᬬᬄᬍᬯᬶᬄ᭞ᬢᬶᬢ᭄ᬬᬂᬯ᭄ᬬᬓ᭄ᬢᬶᬧᬘᬂᬓᬭᭀ᭞ᬤᬸᬭᬸᬲᬂᬳᬶᬘᬦᬾᬭᬢᬸ᭞ᬫ᭠
ᬗ᭄ᬓᬶᬦ᭄ᬢᬶᬢ᭄ᬬᬂᬫᬦ᭄ᬢᭂᬲᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬬᬾᬦ᭄ᬢᬦ᭄ᬳᬲᬸᬂᬲᬸᬂᬧᬗᬾᬭᬦ᭄᭟ᬲᬂᬦᬵᬣᬲᭂᬓ᭄ᬲᭂᬓ᭄ᬭᬶᬂᬫᬦᬄ᭞ᬳᬲᬸᬯᬾᬗ᭄ᬭᬲᬭᬶᬂ᭠ᬳᬢᬶ᭞ᬯ᭄ᬓᬲᬦ᭄ᬗᬦ᭄ᬤᬶᬓᬵᬳᬮᭀᬦ᭄᭞ᬤᬾᬦᬶᬂᬬᬓᬮᬫᬃᬫᬮᬸ᭞ᬳᬦ᭄ᬢᬸᬓ᭄ᬳᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬦᬗᬶᬂᬫᬗ᭄ᬓᬶᬦ᭄᭞ᬤᬦᬾᬋᬓᬾ
[᭒᭑ 21A]
᭒᭑
ᬓᭀᬘᬧ᭄ᬳᬶᬘᬮ᭄᭟ᬲᬶᬜᬢᭂᬓᬵᬫᬦᬶᬧᭀᬯᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬗ᭄ᬭᬲᬦᬶᬦ᭄᭞ᬤᬾᬦᬶᬂᬳ᭄ᬬᬫᬫᬶᬲᬦ᭄ᬋᬓᭀ᭞ᬢᬹᬃᬤᬦᬾᬫᬗ᭄ᬮᬫᬃᬤᬸᬫᬸᬦ᭄᭞ᬳᬾᬫᬦ᭄ᬧᬶᬲᬦ᭄ᬩᬳᬦᬶᬭ᭞ᬫᬗ᭄ᬭᬱᬦᬶᬦ᭄᭞ᬓᬾᬢᭀᬚᬘᬳᬶᬳᬢᬸᬭᬂ᭟ᬲᬵᬦ᭄ᬤᬶᬓᬦ᭄ᬳᬶᬤᬲᬂᬦᬵᬣ
᭞ᬓᬦ᭄ᬢᬸᬦ᭄ᬧᬥᬸᬓᬵᬦᬺᬧᬢᬶ᭞ᬮᬄᬫᬫᬃᬕ᭄ᬕᬶᬩᬕᬸᬲ᭄ᬋᬓᭀ᭞ᬩᬸᬤᬮ᭄ᬭᬶᬂᬩᬜ᭄ᬘᬶᬗᬄᬳᬕᬸᬂ᭞ᬳ᭄ᬦᭂᬗᬓ᭄ᬦᬵᬭᬶᬂᬤᭃᬳ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶᬭᬶᬂᬫᬢᬯᬸᬦ᭄ᬕᬕ᭄ᬮᬶᬲᬦ᭄᭟ᬧᬸᬦ᭄ᬲ᭄ᬫᬃᬫᬗᬧᬓ᭄ᬓᬧᬓ᭄᭞ᬳᬦ᭄ᬤᭂᬕᬂᬭᬢᬸᬗᬫᬃᬕ᭄ᬕᬶᬦᬶᬦ᭄᭞ᬗᬸᬤᬚᬳᬸᬫᬦ᭄ᬲᬂᬓᬣᭀᬂ᭞ᬳᬦᬓᬾ᭠
ᬩᬳᬂᬫᬫᬸᬧᬸ᭞ᬳᬧᬦ᭄ᬢᬢᬕᭀᬦ᭄ᬳᬶᬤᬾᬯ᭄ᬯ᭞ᬮᬄᬳᭂᬦ᭄ᬤᭂᬧᬶᬦ᭄᭞ᬢ᭄ᬯᬭᬵᬳᬶᬤᬾᬯ᭄ᬯᬗ᭄ᬭᬯᭀᬲᬂ᭟ᬩᬕᬸᬲᬸᬫ᭄ᬩᬭᬗᬦ᭄ᬤᬶᬓᬵ᭞ᬦᬶᬭᬳ᭄ᬦᬸᬜᬶᬳ᭄ᬦᬵᬪᬓ᭄ᬢᬶ᭞ᬳᬧᬂᬘᬕᭂᬭᬗ᭄ᬳᬋᬓᭀ᭞ᬳᭂᬤᬵᬩᬲ᭄ᬓᬵᬕᬸᬗᬦ᭄ᬢᬸᬤᬸᬄ᭞ᬫᬲᬵᬧᭂᬮᬶᬄᬢ᭄ᬓᬾᬦᬶᬭ᭞ᬭᬤᬾᬦ᭄ᬤᬾᬯᬶ᭞
ᬫᬲᬶᬄᬚᬦᬶᬭᬫᬓᬢᬂ᭟ᬤᬦᬾᬫᬫ᭄ᬩᬳᬦ᭄ᬳᬬᬩᬦ᭄᭞ᬤ᭄ᬬᬲ᭄ᬢᬸᬦ᭄ᬲᬸᬓᬵᬰ᭄ᬭᬶᬪᬸᬧᬢᬶ᭞ᬤ᭄ᬬᬵᬕᬾᬢᬸᬯᬄᬜᬋᬓᭀ᭞ᬳᬦᬓᬾᬢᬦ᭄ᬤ᭄ᬭᬸᬄᬫᬫᬸᬧᬸᬢ᭄᭞ᬳᬦᬓ᭄ᬲᬸᬩᬕ᭄ᬮᬄᬳᬦᬓ᭄᭞ᬤᭀᬂᬗ᭄ᬭᬯᭀᬲᬶᬦ᭄᭞ᬧᭂᬗᬬᬂᬚ᭄ᬯᬓᬲᬹᬃᬳᬜᬃ᭟ᬮᬶᬯᬢ᭄ᬕᬸ
