[᭑᭓ 13B]
᭑᭓
ᬲᬦ᭄᭞ᬤᬵᬲᬂᬗᬚᬶ᭞ᬥᬃᬫ᭄ᬫᬫᬫᬸᬢᭂᬭᬂᬚᬕᬢ᭄᭟ᬳᭀᬓᬦᬾᬮᬦᬂᬓᭀᬘᬧ᭞ᬲᬫ᭄ᬧᬸᬦ᭄ᬤᬸᬳᬸᬃᬳᬶᬤᬜᬸᬗ᭄ᬓ᭄ᬮᬶᬢ᭄᭞᭠ᬭᬕᬍᬫᬸᬄᬫᬤᬧᬦ᭄ᬮᬬ᭄ᬯᬦ᭄᭞ᬓᬲᬸᬂᬲᬸᬂᬩᬦ᭄ᬚᬕᬢ᭄ᬳᬕᬸᬂ᭞ᬢᬺᬱ᭄ᬡᬵᬥᬦᬢ᭄ᬓᬾᬦ᭄ᬧᬜ᭄ᬚᬓ᭄᭞ᬭᬶᬂᬧ᭄ᬭᬫᬦ᭄ᬢ᭄ᬭᬶ᭞ᬳᬶᬤᬫᬫᬸ᭠
ᬢᭂᬃᬧᬶᬲᬦ᭄᭟ᬳ᭄ᬦᭂᬗᬓ᭄ᬦᬵᬧᬸᬦᬶᬓᬵ᭞ᬭᬓᬦᬾᬫᬶᬯᬄᬲᬗᬚᬶ᭞ᬧᬸᬢ᭄ᬭᬦᬾᬳᬶᬲ᭄ᬢ᭄ᬭᬶᬓᭀᬘᬧᬦ᭄᭞ᬲᬂᬤ᭄ᬬᬭᬢ᭄ᬦᬲᬭᬷᬳᬶᬓᬸ᭞ᬫᬓᬲᬵᬭᬶᬦᬶᬂᬦᬵᬕᬭᬦᬶᬓᬵᬫᬗ᭄ᬓᬶᬦ᭄᭞ᬭᬤᬾᬦ᭄ᬕᬮᬸᬄᬭᬵᬢ᭄ᬦᬵᬚ᭄ᬯᬶᬢᬵ᭟ᬳᬗᬶᬂᬓᬭᬶᬳᬮᬶᬢ᭄ᬧᬶᬲᬦ᭄᭞ᬯᬃᬡ᭄ᬦ
ᬦᬾᬓᬤᬶᬳ᭄ᬬᬂᬭᬢᬶᬄ᭞ᬤᬾᬭᬾᬂᬯᬶᬓᬦ᭄ᬫᬯᬲ᭄ᬢ᭄ᬭᬋᬓᭀ᭞ᬓᬳᭂᬫ᭄ᬩᬦ᭄ᬭᬶᬂᬢᬫᬦ᭄ᬳᬶᬓᬸ᭞ᬧᬲᬶᬭᬦ᭄ᬮᬦ᭄ᬧᬗᬸᬦᭂᬗᬦ᭄᭞ᬭᬤᬾᬦ᭄ᬤᬾᬯᬶ᭞ᬤᬶᬩᬢᬦ᭄ᬲ᭄ᬓᬃᬳᬭᬵᬃᬬ᭄ᬬᬦ᭄᭟ᬓᬾᬦ᭄ᬲᬗ᭄ᬕᬶᬢ᭄ᬕ᭄ᬮᬶᬲᬗᬮᬧ᭄᭞ᬲ᭄ᬓᬭᬾᬭᬶᬂᬢᬫᬦ᭄ᬲᬶᬗ᭄ᬕᬶᬄ᭞ᬲᬤᬕᬶᬂᬢᬫ
ᬦᬶᬭᬶᬗᭀᬂ᭞ᬫᬯᬃᬡ᭄ᬦᬯᬃᬡ᭄ᬦᬲ᭄ᬓᬃᬭᬶᬂᬲᬸᬦ᭄᭞ᬓᬾᬦ᭄ᬲᬗ᭄ᬕᬶᬢ᭄ᬳᬸᬲᬦ᭄ᬫᬗᬮᬧ᭄᭞ᬳᬕᬾᬫᬗ᭄ᬓᬶᬦ᭄᭞ᬦᬸᬮ᭄ᬬᬓᬵᬢᬹᬃᬭᬶᬂᬢ᭄ᬯᬦ᭄ᬤᬾᬯ᭄ᬬ᭟ᬓᬾᬦ᭄ᬩᬬᬦ᭄ᬫᬗᬗ᭄ᬕᬶᬢ᭄ᬲ᭄ᬓᬃ᭞ᬫᬓᬸᬫ᭄ᬧᬸᬮ᭄ᬲᬋᬂᬳᬮᬶᬗ᭄ᬕᬶᬄ᭞ᬧᬯᭀᬗᬦᬾᬲᬫᬶᬳᬾᬧᭀᬢ᭄᭞ᬫᬗᬗ᭄ᬕᬶᬢᬂ
[᭑᭔ 14A]
᭑᭔
ᬳᬶᬤᬲᬵᬦ᭄ᬢᬸᬦ᭄᭞ᬢ᭄ᬕᭂᬧ᭄ᬲᬯᬵᬃᬡ᭄ᬦᬦᬶᬂᬲ᭄ᬓᬃ᭞ᬲᬵᬫ᭄ᬧᬸᬦ᭄ᬫᬗ᭄ᬕᬶᬢ᭄᭞ᬕᬕᬸᬩᬳᬦ᭄ᬳᬮᬸᬲ᭄ᬧᬶᬲᬦ᭄᭟ᬲᬵᬫ᭄ᬧᬸᬦ᭄ᬯᬲ᭄ᬫᬗ᭄ᬓᬶᬦ᭄ᬫᬕᬾᬫ᭄ᬩᬮ᭄᭞ᬲᬵᬫ᭄ᬧᬸᬦ᭄ᬓᬵᬢᬹᬃᬭᬶᬂᬢ᭄ᬯᬦ᭄ᬤᬾᬯᬶ᭞ᬧᬯᭀᬗᬦᬾᬲᬫᬶᬕᬯᭀᬓ᭄᭞ᬭᬶᬂᬳᬶᬤᬭᬳᬤᬾᬦ᭄ᬕᬮᬸᬄ᭞ᬤᬾᬦᬶᬂᬳᬶᬤᬳᬮᬶ
ᬢ᭄ᬧᬶᬲᬦ᭄᭞ᬭᬤᬾᬦ᭄ᬤᬾᬯᬶ᭞ᬯᬶᬓᬦ᭄ᬫᬓᬵᬃᬬ᭄ᬬᬦᬵᬕᬧᬸᬱ᭄ᬧᬵ᭟ᬲᬵᬫ᭄ᬧᬸᬦ᭄ᬧᬸᬧᬸᬢᬶᬂᬧᬧᬶᬦ᭄ᬤᬦ᭄᭞ᬦᬶᬤ᭄ᬬᬄᬦᬵᬕᬧᬋᬫᬗ᭄ᬓᬶᬦ᭄᭞ᬯᬃᬡ᭄ᬦᬦᬾᬓᬩᬶᬦᬵᬓᬯᭀᬢ᭄᭞ᬲᭀᬘᬦᬾᬗᬜ᭄ᬘᭀᬭᭀᬂᬫᬸᬭᬸᬩ᭄᭞ᬓᬤᬶᬲᬹᬃᬬ᭄ᬬᬯᬳᬸᬫᭂᬤᬮ᭄᭞ᬩ᭠
ᬬᬦ᭄ᬲᬗ᭄ᬕᬶᬢ᭄᭞ᬫᬗᭂᬢᭀᬃᬫᬦ᭄ᬓᭂᬧ᭄ᬫᬢᬵ᭟ᬤᬾᬦᬶᬂᬚ᭄ᬭᬶᬳᬾᬓᬮᬶᬦ᭄ᬢᬂ᭞ᬫᬗᬶᬤᭂᬫ᭄ᬫᬕ᭄ᬮᬸᬢ᭄ᬫᬗ᭄ᬓᬶᬦ᭄᭞ᬓᬾᬦ᭄ᬲᬗ᭄ᬕᬶᬢ᭄ᬗ᭄ᬮᬸᬢ᭄ᬓᬾᬦ᭄ᬩᬬᬵᬦ᭄᭞ᬦᬶᬩᬬᬦ᭄ᬫᭂᬮᬸᬓ᭄ᬢ᭄ᬯᬦ᭄ᬕᬮᬸᬄ᭞ᬢᬓᬸᬢᬾᬓᬤᬶᬢᬦ᭄ᬧᬵᬢ᭄ᬫᬵ᭞ᬦᬗᬶᬂᬫᬾᬮᬶᬂ᭞ᬭᬶᬂᬢ᭄ᬯᬦ᭄ᬤᬾᬯᬶᬕ᭄ᬮᬸᬢ᭄ᬢᭂᬓᭂᬓᬂ᭟
ᬤᬤ᭄ᬬᬗᭂᬢᭀᬃᬢᬶᬓᬂᬦᬕ᭞ᬓᬮᬶᬗ᭄ᬕᬶᬳᬶᬦᬶᬂᬢ᭄ᬯᬦ᭄ᬤᬾᬯᬶ᭞ᬭᬭᬶᬲ᭄ᬳᬸᬚ᭄ᬧᬭᬫᬗ᭄ᬓ᭄ᬬ᭞ᬧ᭄ᬢᭂᬂᬤᭂᬤᭂᬢ᭄ᬩᬋᬢ᭄ᬳᬕᬸᬂ᭞ᬮᬶᬮᬸᬲ᭄ᬮᬶ᭠ᬫᬸᬢ᭄ᬚ᭄ᬭᭀᬦᬶᬂᬢᬫᬦ᭄᭞ᬦᬶᬓᬵᬫᬗ᭄ᬓᬶᬦ᭄᭞ᬫᬃᬕ᭄ᬕᬶᬦ᭄ᬢ᭄ᬯᬦ᭄ᬤᬾᬯᬶᬫᬍᬘᬢ᭄᭟ᬫ᭄ᬮᭂᬘᬢᬾᬭᬶᬂᬚ᭄ᬭᭀᬦᬶᬂᬢᬫᬦ᭄᭞ᬧᬯᭀ
