[᭘᭐ 80B]
᭘᭐
ᬕᬦ᭄ᬤᬃᬯ᭄ᬯᬬᬓ᭄ᬱᬳᬲᬸᬭ᭞ᬧᬭᬲᬶᬤ᭄ᬥ᭞ᬲᬫᬶᬓᬲᭀᬩ᭄ᬬᬫᬦ᭄ᬤᬸᬮᬸ᭞ᬳᬸᬕᬶᬲᬫᬶᬧᬗᬲ᭄ᬢᬯ᭞ᬳᬗ᭄ᬕᬦ᭄ᬪᬝᬵᬭᬲᬂᬍᬯᬶᬄ᭟᭐᭟ᬋᬱ᭄ᬫᬗ᭄ᬚᭂᬭᬶᬚᬕᬢ᭄᭞ᬫᬗᬦ᭄ᬢᭂᬦᬂᬓ
ᬕᬸᬗᬦ᭄ᬯᬃᬡ᭄ᬦᬶᬲᬂᬍᬯᬶᬄ᭞ᬓᬢᬄᬘᬗ᭄ᬓᭂᬫᬦ᭄ᬲᬸᬓᬸ᭞ᬘᬓ᭄ᬱᬸᬧᬸᬧᬸᬢᬦ᭄ᬯᬶᬦᬶᬮᬂ᭞ᬓᬤᬶᬦᬯᬯ᭄ᬢᭂᬗᬾᬳᬕᬸᬂᬢᬸᬃᬯᬶᬪᬹᬄ᭞ᬗᬋᬱᬺᬱᬶᬦ᭄ᬲ᭄ᬬᬸᬂᬜᬜᬧ᭄᭞ᬭᬢᬸᬄᬢᬶᬢ᭄ᬬᬂ
ᬋᬱᬚ᭄ᬭᭀᬄ᭟᭐᭟ᬮᬸᬳᬸᬃᬫᬫᬸᬢᬸᬮᬫ᭄ᬩᬭ᭞ᬫᬢ᭄ᬕᭂᬧᬦ᭄ᬤᬸᬫᬶᬮᬄᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬘᬗ᭄ᬓᭂᬫ᭄ᬫᬾᬗᭀᬫᬶᬯᬄᬘᬓ᭄ᬱᬸ᭞ᬫᬮᭀᬤ᭄ᬮᭀᬤᬘᬺᬂᬤᬸᬫᬶᬮᬄ᭞ᬚ᭄ᬭᬶᬄᬕᭂᬢᬧ᭄᭞
ᬳᬢᬶᬦ᭄ᬢᬶᬢ᭄ᬬᬂᬫᬦᬸᬗ᭄ᬓᬸᬮ᭄᭞ᬤᭂᬕ᭄ᬤᭂᬕ᭄ᬫᬦᬄᬢᬶᬢ᭄ᬬᬗᬶᬘᬮ᭄᭞ᬩᬬᬸᬦᬾᬕᭂᬫ᭄ᬧᭀᬃᬧ᭄ᬭᬫᬗ᭄ᬓᬶᬦ᭄᭟᭐᭟ᬭᬶᬂᬩᬯᬸᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬘᬗ᭄ᬓᭂᬫ᭄ᬘᬮᬶᬂᬧᬓᬩ᭄ᬭᬸᬲ᭄ᬫᬸᬲ᭄ᬫᭂᬤᬮ᭄ᬕᭂ
[᭘᭑ 81A]
ᬦᬶ᭞ᬲᬢ᭄ᬕᭂᬦᬶᬧ᭄ᬭᬮᬬᬫᬸᬭᬸᬩ᭄᭞ᬘᬦ᭄ᬢᭀᬲᬸᬮᬧ᭄ᬧᬧ᭄ᬢᭂᬗᬦ᭄᭞ᬥᬹᬄᬪᬝᬵᬭᬢᬶᬢ᭄ᬬᬂᬗᬮᬸᬗ᭄ᬲᬸᬃᬧᬲᬬᬸᬢ᭄᭞ᬪᬝᬵᬭᬫᬸᬰ᭄ᬬᬦᬶᬂᬤᬾᬯ᭞ᬧᬶᬓᬸᬓᬸᬄᬚᬕᬢᬾᬲ
ᬫᬶ᭟᭐᭟ᬲᬫᬶᬬᬦ᭄ᬓᬦ᭄ᬢᭂᬦᬂᬢᬶᬢ᭄ᬬᬂ᭞ᬭᬵᬚᬩᬮ᭞ᬧᬭᬧᬸᬢ᭄ᬭᬦ᭄ᬤᬺᬱ᭄ᬝᬭᬵᬱ᭄ᬝᬺᬫᬓᬲᬫᬶ᭞ᬭᬵᬚᬩᬮᬯᬤ᭄ᬯᬫᬸᬳᬸᬄ᭞ᬋᬱᬶᬪᬶᬱ᭄ᬫᬤ᭄ᬭᭀᬡᬓᬃᬡ᭄ᬦ᭞ᬮᬦ᭄ᬧ᭄ᬭᬯᬷᬭ᭞ᬯᬢᭂ
ᬓ᭄ᬦᬾᬫᬗ᭄ᬭᬜ᭄ᬚᬶᬂᬰᬢ᭄ᬭᬸ᭞ᬳᬸᬕᬶᬯᬤ᭄ᬯᬩᬮᬦ᭄ᬢᬶᬢ᭄ᬬᬂ᭞ᬲᬭᬦᬾᬫᬦ᭄ᬫᬸᬓᬲᬫᬶ᭟᭐᭟ᬗ᭄ᬭᬜ᭄ᬚᬶᬂᬘᬗ᭄ᬓᭂᬫ᭄ᬪᬝᬵᬭ᭞ᬲᬦᬾᬳᭂᬩᭂᬓ᭄ᬳᬦ᭄ᬢᬸᬓ᭄ᬘᬮᬶᬂᬲ᭄ᬬᬸᬂᬮᬸᬗᬶᬤ᭄᭞ᬳᬸᬕᬶᬯᬾᬦ᭄ᬢᭂ
ᬦ᭄ᬲᬦᬾᬗᭂᬗ᭄ᬲᬸᬢ᭄᭞ᬲ᭄ᬓᬤᬶᬗᬸᬦ᭄ᬓᬸᬦ᭄ᬪᬝᬵᬭ᭞ᬢᬸᬃᬓᬦ᭄ᬢᭂᬦᬂᬓᬢᬄᬰᬶᬃᬱᬦ᭄ᬜᬦᬾᬋᬫᬹᬓ᭄᭞ᬤᬤᭀᬲᬩᬸᬫᬳᬳᬲᬦ᭄᭞ᬢᬦ᭄ᬲᬶᬤ᭄ᬥᬢᬸᬧ᭄ᬢᬸᬧᬂᬫᬮᬶᬄ᭟᭐᭟ᬲᬢ᭄ᬢᭀᬬ
Page:Bali-lontar-paparikan-bagawadgita-350ppi.pdf/81
Jump to navigation
Jump to search
This page has been proofread.
