[᭖᭓ 63B]
᭖᭓
ᬢ᭄᭞ᬳᬯᬦᬦ᭄ᬜᬭᬕᬦ᭄ᬩᭂᬮᬶ᭞ᬢᬦᭀᬗᭀᬲ᭄ᬚ᭄ᬭᭀᬦᬶᬂᬚᬕᬢ᭄᭟᭐᭟ᬲᬵᬲ᭄ᬱᬢᬗᬶᬦ᭄ᬦᬾᬧ᭄ᬭᬓᬰᬚᬢᬶ᭞ᬳᭂᬦ᭄ᬢᭀᬳᬚᬶᬕ᭄᭞ᬩᬸᬮᬦ᭄ᬩᬶᬦ᭄ᬢᬂᬲᬹᬃᬬ᭄ᬬ᭞ᬫᬓ᭄ᬭᬶᬢᬶᬧ
ᬦ᭄ᬫᬓᬲᬫᬶ᭞ᬚ᭄ᬭᭀᬦᬶᬗᬓᬰᬳᬕᬸᬂ᭞ᬳᬧᬂᬲ᭄ᬓᭂᬦᬤᬶᬳᬸᬦᬶᬂ᭞ᬫᬭᬶᬂᬩᬘᬓᬦ᭄ᬲᬓᬜ᭄ᬘᬦ᭄᭞ᬬᬤ᭄ᬬᬦ᭄ᬦᭀᬗᭀᬲ᭄ᬫᬭᬶᬗᬶᬗ᭄ᬲᬸᬦ᭄᭞ᬳᬦᬾᬯᬮᬸᬬᬳᬓᬰ᭞ᬲᬶ
ᬲᬶᬚᬕᬢ᭄᭞ᬕ᭄ᬦᬳᬶᬧᬸᬦ᭄ᬫᬦ᭄ᬗᬶᬮ᭄᭞ᬲᬶᬦᬳᬶᬧᬸᬦ᭄ᬢ᭄ᬯᬭᬧ᭄ᬤᬲ᭄᭟᭐᭟ᬤᬶᬫᬲᬦ᭄ᬧ᭄ᬭᬮᬬᬦ᭄ᬢᭀᬳᬤᬶ᭞ᬬᬳᬶᬚᬕᬢ᭄᭞ᬲᬭᬯᬸᬄᬤᬕᬶᬂᬜ᭞ᬭᬶᬂᬢᬫᬦ᭄ᬫᬵᬬᬫ
ᬗ᭄ᬭᬜ᭄ᬚᬶᬂ᭞ᬫᬭᬶᬂᬧ᭄ᬭᬓᬺᬢ᭄ᬢᬶᬦᬶᬗᬶᬗ᭄ᬲᬸᬦ᭄᭞ᬫᬦ᭄ᬬᬦ᭄ᬬᬦ᭄ᬲᬸᬩᬗᬯᬶᬢ᭄᭞ᬤᬾᬯᬲᬧᬦᬺᬱ᭄ᬝᬶᬦ᭄ᬓᬓ᭞ᬩ᭄ᬯᬦ᭄ᬬᬓᬵᬮᬤᬶᬢᬸ᭞ᬫᬓ᭄ᬚᬗᬤᬓᬂᬓᬓ᭞ᬗ᭄ᬳᬶᬓᬵᬦᬹᬢᬂ᭞
[᭖᭔ 64A]
ᬭᬶᬂᬓᬃᬫ᭄ᬫᬬᭀᬦᬶᬦ᭄ᬜᬲᬫᬶ᭞ᬓᬾᬢᭀᬳᬤᬶᬤᬦᬜ᭄ᬚᬬ᭟᭐᭟ᬭᬾᬄᬓᬯᬾᬰᬩᬳᬦᬶᬧ᭄ᬭᬓᬺᬢ᭄ᬢᬶ᭞ᬦ᭄ᬢᭀᬳᬶᬚᬕᬢ᭄᭞ᬲᬗ᭄ᬓᬦ᭄ᬢᬦ᭄ᬭᬾᬭᬾᬦᬦ᭄᭞ᬯᬮ᭄ᬯᬶᬯᬮ᭄ᬯᬶ
ᬭᬶᬂᬤᬸᬫᬤᬶ᭞ᬲᬯᬢᭂᬓ᭄ᬩᬘᬓᬦᬶᬤᬸᬧ᭄᭞ᬢ᭄ᬯᬭᬫᬫ᭄ᬧᬸᬄᬫᬦᬦ᭄ᬤᬓᬶᬦ᭄᭞ᬢ᭄ᬯᬭᬩ᭄ᬮᬄᬓᬓᬸᬯᬢᬦ᭄᭞ᬲᬗ᭄ᬓᬦ᭄ᬧᬫᬸᬧᬸᬢ᭄ᬫᬗᬸᬯᬸᬄ᭞ᬫᬭᬶᬂᬧ᭄ᬭᬓᬺᬢ᭄ᬢᬶᬳᬶᬓᬓ᭞
ᬲᭀᬓ᭄ᬦᬾᬲᬶᬤ᭄ᬥ᭞ᬳᬯᬶᬤ᭄ᬬᬦ᭄ᬳᬧᬸᬦᬄᬮᬶᬲᬶᬓ᭄᭞ᬦ᭄ᬢᭀᬫᬭᬲᬸᬯᬸᬤᬼᬓᬤ᭄᭟ᬳᬶᬗ᭄ᬕ᭄ᬬᬦ᭄ᬩᭂᬮᬶᬦᬾᬫᬜᬶᬧ᭄ᬢᬲᬫᬶ᭞ᬫ᭄ᬭᬮᬷᬡᬬᬂ᭞ᬦᬗ᭄ᬳᬶᬂᬤᬾᬯᬾᬓ᭄ᬓᬓ᭞ᬢᬦ᭄ᬲᬶᬤ᭄ᬥ
ᬢ᭄ᬕᬸᬮ᭄ᬧ᭄ᬭᬓᬺᬢ᭄ᬢᬶ᭞ᬲᬵᬓ᭄ᬱᬢ᭄ᬩᭂᬮᬶᬢ᭄ᬯᬭᬭᬸᬗᬸ᭞ᬤᭂᬕ᭄ᬤᭂᬕ᭄ᬦᬶᬃᬫᬮᬫᬮᬶᬗ᭄ᬕᬶᬄ᭞ᬳᭂᬦ᭄ᬢᭀᬳᬯᬦᬦᬶᬓᬓ᭞ᬧ᭄ᬭᬲᬶᬤ᭄ᬥᬢ᭄ᬯᬭᬓᬢ᭄ᬕᬸᬮ᭄᭞ᬫᬋᬧ᭄ᬭᬶᬂᬓᬵᬃᬬ᭄ᬬᬧᬸᬦᬶᬓ᭞ᬳ
Page:Bali-lontar-paparikan-bagawadgita-350ppi.pdf/64
Jump to navigation
Jump to search
This page has been proofread.
