[᭕᭓ 53B]
᭕᭓
ᬢᭂᬓ᭄ᬭᬚᬄᬫᬶᬯᬄᬢᬫᬄ᭞ᬳᭂᬦ᭄ᬢᭀᬓᬓᬸᬯᬸᬩ᭄ᬩᬦ᭄ᬩᭂᬮᬶ᭞ᬦᬗ᭄ᬳᬶᬂᬢ᭄ᬯᬭ᭞ᬳᬶᬬᬗᬸᬯᬸᬩ᭄ᬤᬾᬯᬾᬓ᭄ᬩᭂᬮᬶ᭟᭐᭟ᬭᬾᬄᬓᬓᭀᬤᬕ᭄ᬩᬳᬦ᭄ᬦᬾᬤᬦ᭄ᬢ᭄ᬭᬶᬕᬸᬡ᭞ᬦᬾᬯᬶᬚᬶᬮ᭄
ᬲᬓᬶᬂᬧ᭄ᬭᬓᬺᬢ᭄ᬢᬶ᭞ᬳᭂᬦ᭄ᬢᭀᬫᬗᬧᭂᬦᬂ᭞ᬚᬕᬢᬾᬢ᭄ᬯᬭᬦᬯᬂ᭞ᬩ᭄ᬮᬶᬳᬦᬾᬧᬶᬦᬶᬄᬍᬯᬶᬄ᭞ᬢ᭄ᬓᬾᬦ᭄ᬫᬓ᭄ᬚᬂ᭞ᬭᬾᬄᬩ᭄ᬮᬶᬮᬗ᭄ᬕᭂᬂᬲᬸᬚᬢᬶ᭟᭐᭟ᬲᬸᬮᬶᬢ᭄ᬓᭂᬮᬾᬲ᭄ᬲᬓᬶᬗᬦᬶᬢ᭄ᬬ
ᬓ᭄ᬱᬡᬶᬓ᭞ᬲᬓᬶᬂᬲ᭄ᬢᬮᬫᬬᬦ᭄ᬩᭂᬮᬶ᭞ᬦᬗ᭄ᬳᬶᬂᬲᬂᬳᬸᬢ᭄ᬲᬳ᭞ᬫᬲᬬᬸᬩ᭄ᬫᬭᬶᬗᬶᬓᬓ᭞ᬳᭂᬦ᭄ᬢᭀᬳᬦᬾᬲᬶᬤ᭄ᬥᬫᭀᬮᬶᬄ᭞ᬫᬗᭀᬤᬕᬂ᭞ᬢᬦ᭄ᬲᬶᬤ᭄ᬥᬢ᭄ᬕᬸᬮ᭄ᬧ᭄ᬭᬓᬺᬢ᭄ᬢᬶ᭟᭐᭟
ᬦ᭄ᬢᭀᬲᬂᬚᬳᬢ᭄ᬲᬶᬦᬳᬶᬬᬳᬶᬤᬸᬯᭀᬦᬶᬱ᭄ᬝ᭞ᬗ᭄ᬭᬜ᭄ᬚᬶᬂᬚᬦ᭄ᬫᬤᬸᬃᬩᬸᬤ᭄ᬥᬶ᭞ᬳᭂᬦ᭄ᬢᭀᬢ᭄ᬕᬭᬧᬘᬂ᭞ᬲᬶᬤ᭄ᬥᬭᬳᬸᬄᬢ᭄ᬓᬾᬦ᭄ᬓᬓ᭞ᬭᬾᬄᬓᬮᬶᬧᬸᬢ᭄ᬩᬦ᭄ᬧ᭄ᬭᬓᬺᬢ᭄ᬢᬶ᭞ᬚᬦ᭄ᬢᭀᬲ᭄ᬫᭀ
[᭕᭔ 54A]
ᬩᬄ᭞ᬩᬓᬲᬾᬘᬭᬧᬫᬮᬶᬄ᭟᭐᭟ᬳᬤᬧᬢ᭄ᬧᬢ᭄᭞ᬲᬂᬧᬗᬲ᭄ᬢᬯᬳᬶᬓᬓ᭞ᬦᬾᬗ᭄ᬭᬜ᭄ᬚᬶᬂᬲᬺᬤ᭄ᬥᬩᬸᬤ᭄ᬥᬶ᭞ᬳᭂᬦ᭄ᬢᭀᬲᬂᬲᬗ᭄ᬲᬭ᭞ᬫᬶᬯᬄᬲᬂᬗᬸᬩᭂᬃᬓᬯ᭄ᬭᬸᬳᬦ᭄᭞
ᬲᬂᬫᬜᬸᬤᬶᬫᬵᬲ᭄ᬫᬡᬶᬓ᭄᭞ᬓᬧᬶᬂᬳᭂᬫ᭄ᬧᬢ᭄᭞ᬲᬂᬫ᭄ᬭᬶᬄᬳᬸᬢ᭄ᬢᬫᬩᬸᬤ᭄ᬥᬶ᭟᭐᭟ᬲᬚ᭄ᬭᭀᬦᬶᬂᬦᬾᬧᬢ᭄ᬧᬢᭂᬦ᭄ᬢᭀᬫᬓ᭄ᬚᬂ᭞ᬢ᭄ᬯᬄᬲᬂᬢᬦ᭄ᬢᭂᬮᬤ᭄ᬪᬓ᭄ᬢᬶ᭞ᬫᬦᭂᬫ᭄ᬩᬳᬶᬓᬓ᭞ᬦᬾ
ᬗᬕᭂᬫ᭄ᬩᬸᬤ᭄ᬥᬶᬳᬸᬢ᭄ᬢᬫ᭞ᬳᭂᬦ᭄ᬢᭀᬳᬦᬾᬧᬶᬦᬶᬄᬍᬯᬶᬄ᭞ᬦ᭄ᬢᭀᬓᬲᬬᬗᬂ᭞ᬭᬾᬄᬳᬶᬬᬲᬬᬶᬭᬶᬂᬩ᭄ᬮᬶ᭟᭐᭟ᬬᬤ᭄ᬬᬲ᭄ᬢᬸᬦ᭄ᬫᬓᬧᬢ᭄ᬧᬢᭂᬦ᭄ᬢᭀᬳᬸᬢ᭄ᬢᬫ᭞ᬦᬗ᭄ᬳᬶᬂᬦ᭄ᬢᭀ
ᬲᬂᬲᬥᬸᬩᬸᬤ᭄ᬥᬶ᭞ᬦᬾᬲᬬᬗᬂᬓᬓ᭞ᬓᬤᬶᬲᬬᬂᬢ᭄ᬓᬾᬦ᭄ᬳᬯᬓ᭄᭞ᬭᬄᬳᬶᬬᬤᭂᬕ᭄ᬤᭂᬕ᭄ᬲᬲᬳᬶ᭞ᬢᬢᬸᬚᭀᬦ᭄ᬜ᭞ᬦᬸᬫ᭄ᬧᬼᬓ᭄ᬫᬲᬬᬸᬩ᭄ᬭᬶᬂᬩ᭄ᬮᬶ᭟᭐᭟ᬤᬶᬲᬸᬩᬦᬾ
Page:Bali-lontar-paparikan-bagawadgita-350ppi.pdf/54
Jump to navigation
Jump to search
This page has been proofread.
