[᭕᭑ 51B]
᭕᭑
ᬩ᭄ᬦ᭟᭐᭟ᬩ᭄ᬮᬶᬚᬦᬶᬫᬜᬢ᭄ᬯᬬᬂ᭞ᬦᬋᬳᭀᬢᭂᬓᬾᬦ᭄ᬭᬕᬦᬤᬶ᭞ᬚ᭄ᬜᬦᬮᬯᬦ᭄ᬯᬶᬚ᭄ᬜᬦ᭞ᬩᬸᬤᬶᬥᬃᬫ᭄ᬫᬓᬢ᭄ᬖᭂᬲᬶᬦ᭄᭞ᬫᬶᬯᬄᬓᬧ᭄ᬭᬚ᭄ᬜᬦᬦᬼᬯᬶᬄ᭞ᬬᬤᬶᬬᬤᬶᬲᬸᬩᬢᬳᬸ᭞ᬢ᭄ᬓᬾᬦᬶᬂ
ᬳᭂᬦ᭄ᬢᭀᬫᬓ᭄ᬚᬂ᭞ᬲᬶᬗᬤᬦᬾᬜᬦ᭄ᬤᬂᬩ᭄ᬯᬶᬦ᭄᭞ᬧᬢᬹᬢ᭄ᬭᬸᬭᬸᬄ᭞ᬭᬾᬄᬲᬸᬩᬦᬯᬂᬫᬓ᭄ᬚᬂ᭟᭐᭟ᬚ᭄ᬭᭀᬦᬶᬂᬧᬜᬶᬬᬸᬬᬜ᭄ᬚᬦ᭄ᬫ᭞ᬩᬶᬮᬶᬄᬳᬤᬶᬭᬶᬢᬸᬲᬶᬂ᭞ᬦᬾᬲᬭᬢ᭄ᬓᬲᬵᬫ᭄ᬧᬹᬃ
ᬡ᭄ᬦᬬᬂ᭞ᬓᬾᬢᭀᬫᬲᬶᬄᬳᬦᬾᬗᬮᬶᬄ᭞ᬫᬶᬦᬩ᭄ᬜᬳᬤᬶᬭᬶᬢᬸᬲᬶᬂ᭞ᬧ᭄ᬤᬲ᭄ᬧᬦᬯᬂᬜᬢᬸᬳᬸ᭞ᬭᬶᬂᬓᬚᬢᬾᬦ᭄ᬤᬾᬯᬾᬓ᭄ᬓᬓ᭞ᬫᬯᬓ᭄ᬧᬭᬶᬧᬹᬃᬡᬚᬢᬶ᭞ᬲᬗ᭄ᬓᬦ᭄ᬢᬸᬭᬸᬦ᭄᭞
ᬲ᭄ᬓᭂᬓᭂᬦᬗᬤᬶᬫᬋᬗᬂ᭟᭐᭟ᬧ᭄ᬭᬢᬶᬯᬶᬳᬳᭀᬯᬄᬮᬦ᭄ᬢᬾᬚ᭞ᬩᬬᬸᬳᬓᬰᬦᬾᬫᬮᬶᬄ᭞ᬩᬸᬤ᭄ᬥᬶᬫᬦᬄᬮᬳᬗ᭄ᬓᬭ᭞ᬳᬓᬸᬢᬸᬲ᭄ᬓᬯᬶᬮᬂᬲᬫᬶ᭞ᬳᭂᬦ᭄ᬢᭀᬲ᭄ᬢᬸᬮᬫᬥᬦ᭄ᬩᭂᬮᬶ᭞
[᭕᭒ 52A]
ᬫᬬᬓ᭄ᬱᬡᬶᬓᬓᬲᭂᬗ᭄ᬕᬸᬄ᭞ᬧ᭄ᬭᬓᬺᬢ᭄ᬢᬶᬫᬶᬯᬳᬦᬶᬢ᭄ᬬ᭞ᬳᭂᬦ᭄ᬢᭀᬧᬥᬓᬢ᭄ᬕᭂᬲᬶᬦ᭄᭞ᬳᬤᬶᬩᬕᬸᬲ᭄᭞ᬫ᭄ᬮᬳᬂᬳᬤᬶᬦᬭᬶᬫ᭟᭐᭟ᬳᭂᬦ᭄ᬢᭀᬤᬾᬯᬾᬓ᭄ᬩᭂᬮᬦᬾᬲᭀᬭᬦ᭄᭞ᬓᬾ
ᬢᭀᬤᬦᬜ᭄ᬚᬬᬳᬤᬶ᭞ᬦᬗ᭄ᬳᬶᬂᬲᬦ᭄ᬤᬗᬤᬶᬦᬯᬂ᭞ᬳᬤᬩ᭄ᬯᬶᬦ᭄ᬤᬾᬯᬾᬓ᭄ᬩᭂᬮᬶ᭞ᬦᬾᬗᬭᬜ᭄ᬚᬶᬂᬮ᭄ᬩᬶᬄᬮᬸᬯᬶᬄ᭞ᬢᬦ᭄ᬮᬶᬬᬦ᭄ᬳ᭄ᬬᬂᬚᬷᬯᬳᬶᬓᬸ᭞ᬳᬦᬾᬫᬚ᭄ᬕᬗᬶᬚᬕᬢ᭄᭞ᬧᬂᬲᬶᬤ᭄ᬥ
ᬫᬯᬗᬸᬦᬼᬘᬶᬓ᭄᭞ᬓᬾᬢᭀᬢᬸᬳᬸ᭞ᬫ᭄ᬮᬶᬫᬋᬧ᭄ᬭᬶᬗᬶᬚᬕᬢ᭄᭟᭐᭟ᬳᬯᬦᬦᬤᬶᬧᬂᬢᬢᬲ᭄᭞ᬭᬶᬂᬓᬜ᭄ᬘᬦ᭄ᬯᬢᭂᬮᬶᬗᬸᬭᬶᬧ᭄᭞ᬳᬦᬾᬕᬸᬫ᭄ᬮᬃᬤᬶᬚᬕᬢ᭄᭞ᬓᬾᬢᭀᬓ
ᬢᬢ᭄ᬯᬦ᭄ᬜᬳᬤᬶ᭞ᬲᬗ᭄ᬓᬦ᭄ᬜᭂᬮᬶᬓᬢ᭄ᬕᭂᬮᬶᬦ᭄᭞ᬓᬯᬶᬢᬜ᭄ᬚᬕᬢ᭄ᬧᬸᬦᬶᬓᬸ᭞ᬓᬯᬶᬓᬦ᭄ᬫᬓ᭄ᬚᬂᬓ᭄ᬚᬂ᭞ᬭᬯᬸᬄᬧ᭄ᬭᬮᬬᬦ᭄ᬜᬫᬮᬶᬄ᭞ᬢ᭄ᬯᬳᬶᬗ᭄ᬲᬸᬦ᭄᭞ᬦᬾᬤᬤᬶᬓᬯᬶᬢ᭄ᬧ᭄ᬭᬮᬬ᭟᭐᭟
Page:Bali-lontar-paparikan-bagawadgita-350ppi.pdf/52
Jump to navigation
Jump to search
This page has been proofread.
