[᭔᭙ 49B]
᭔᭙
ᬦᬲᬸᬮᬶᬢ᭄ᬓᬧᬗ᭄ᬕᬶᬄ᭞ᬳᭀᬮᬶᬄᬲᬂᬢᬦ᭄ᬫᬜᬶᬤᬬᬂ᭞ᬫᬦᬸᬦ᭄ᬢᬸᬦ᭄ᬗᬯᬯᬤᬶᬭᬶ᭞ᬦᬗ᭄ᬳᬶᬲᬂᬢᬼᬓᬸᬢ᭄ᬲᬳ᭞ᬬᭀᬕᬦᬾᬕᬫ᭄ᬧᬂᬬᬓ᭄ᬦᬶ᭟᭐᭟ᬲᬂᬤᬸᬭᬸᬂᬗᬯᬯᬓᬬᬸᬦ᭄᭞ᬮᬦ᭄ᬫᬸ
ᬭᬸᬂᬗᬯᬯᬤᬶᬭᬶ᭞ᬲᬶᬦᬄᬧᭀᬚᭀᬮ᭄ᬚ᭄ᬭᭀᬦᬶᬂᬬᭀᬕ᭞ᬳᬶᬗ᭄ᬕ᭄ᬬᬦ᭄ᬧᬗ᭄ᬕᬦ᭄ᬜᬧᬲ᭄ᬢᬶ᭞ᬚᬦ᭄ᬫᬦᬾᬳᬲᬧᬸᬦᬶᬓ᭞ᬧᬘᬂᬓᬶᬚᬳᬶᬧᬸᬦ᭄ᬭᬭᬶᬲ᭄᭟᭐᭟ᬦᬧᬶᬮᬾᬢᬦᬶᬘᬮᬶ
ᬧᬸᬦ᭄᭞ᬓᬤᬶᬫᭂᬦ᭄ᬤᬸᬂᬲᬫ᭄ᬩ᭄ᬭᬕ᭄ᬮᬶᬲᬶᬓ᭄᭞ᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬧᬕᬫ᭄ᬮᬦ᭄᭞ᬤᬸᬮᬸᬄᬳᬶᬧᬸᬦ᭄ᬗᬸᬗ᭄ᬲᬶᬕᬸᬘᬶ᭞ᬦᬧᬶᬫᬓᬓᬮᬶᬳᬶᬘᬮ᭄᭞ᬘᬸᬢᭂᬢ᭄ᬢᬶᬢ᭄ᬬᬂᬤᬸᬭᬸᬗᬸᬦᬶᬂ᭟᭐᭟ᬩᬶᬗᬸᬂ
ᬯᬶᬢ᭄ᬬᬗᬾᬧᬸᬦᬶᬓᬸ᭞ᬦ᭄ᬤᬯᭂᬕ᭄ᬫᬸᬭᬸᬲᬂᬲᬧ᭄ᬲᬧ᭄ᬲᬧᬶᬦ᭄᭞ᬭᬾᬄᬤᬸᬭᬸᬂᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬦᬾᬚᬕᬶᬲᬶᬤ᭄ᬥᬦᬫ᭄ᬩᬦᬶᬦ᭄᭞ᬫᬗ᭄ᬭᬸᬯᬢᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬲᬚᬩᬳᬶᬭ
[᭕᭐ 50A]
ᬢᬸᬍᬯᬶᬄ᭟᭐᭟ᬢ᭄ᬯᬭᬚᬦᬶᬢ᭄ᬯᬭᬧᬸᬗ᭄ᬓᬸᬃ᭞ᬭᬸᬲᬓᬾᬚᬕᬓᬧᬗ᭄ᬕᬶᬄ᭞ᬳᭀᬮᬶᬄᬲᬂᬫᬲᭀᬮᬄᬥᬃᬫ᭄ᬫ᭞ᬓᬾᬢᭀᬳᬤᬶᬲᬂᬢᬧᬢᬶ᭞ᬘᬸᬢᭂᬢ᭄ᬢᬦᬤᬦ᭄ᬫᭀᬓᬂ᭞ᬭᬸᬭᬸᬗ
ᬦᬾᬫᬓᬾᬯᭂᬳᬶᬦ᭄᭟᭐᭟ᬬᬦ᭄ᬲᬾᬤᬤᬸᬭᬸᬗᬦ᭄ᬧᬸᬢᬸᬲ᭄᭞ᬲᬂᬗᬫ᭄ᬩᭂᬓᬂᬬᭀᬕᬳᬤᬶ᭞ᬲᬶᬦᬄᬮᬫᬶᬳᬦᬾᬂᬲ᭄ᬯᬃᬕ᭄ᬕ᭞ᬗ᭄ᬳᬶᬂᬚᬕᬦᬸᬫᬤᬶᬫᬮᬶᬄ᭞ᬗᭀᬚᭀᬕ᭄ᬕᭂᬦᬳᬾᬲᬸᬤ᭄ᬧ
᭞ᬤᬤᬶᬓᬸᬮᬯᬃᬕ᭄ᬕᬲᬸᬘᬶ᭟᭐᭟ᬩᬶᬮᬶᬄᬤᬤᭀᬲ᭄ᬬᭀᬕᬶᬲᬸᬦᬸ᭞ᬩᬶᬮᬶᬳᬦᬦᬓ᭄ᬥᬃᬫ᭄ᬫᬩᬸᬤ᭄ᬥᬶ᭞ᬮ᭄ᬓᬤᬾᬓᬤᬶᬢᭀᬢᭀᬦᬦ᭄᭞ᬫᬸᬮᬢ᭄ᬯᬭᬕᬫ᭄ᬧᬂᬧᬗ᭄ᬕᬶ᭞ᬤᬶᬦᬶᬤᬶ
ᬚᬕᬢ᭄ᬲᬓᬵᬮ᭞ᬲᬗ᭄ᬓᬦ᭄ᬲᬸᬲᬤ᭄ᬬᬓᬤᬦᬶᬦ᭄᭟᭐᭟ᬤᬶᬢᬸᬬᬫᬮᬶᬄᬫᬫᬗ᭄ᬕᬸᬄ᭞ᬬᭀᬦᬶᬦ᭄ᬓᬚᬕ᭄ᬭᬦᬾᬭᬶᬳᬶᬦ᭄᭞ᬦᬾᬤᬸᬭᬸᬂᬧᬸᬧᬸᬢᬶᬧᬶᬤᬦ᭄᭞ᬫᬗ᭄ᬓᬶᬦ᭄ᬬᬓᬲᬫ᭄ᬩᬸᬂ
Page:Bali-lontar-paparikan-bagawadgita-350ppi.pdf/50
Jump to navigation
Jump to search
This page has been proofread.
