[᭑᭒᭔ 124B]
᭑᭒᭔
ᬬᬰᬓ᭄ᬢᬶᬦᬶᬤᬗᬸᬤᬸᬄ᭞ᬳᬶᬤᬤᭂᬕ᭄ᬤᭂᬕ᭄ᬲᬵᬓ᭄ᬱᬢ᭄ᬲᬓ᭄ᬱᬶ᭟᭐᭟ᬮᬯᬸᬢᬗᬤᬶᬆᬃᬚ᭄ᬚᬸᬦ᭞ᬚᬷᬯᬭᬕᬦᬾᬗ᭄ᬕᬾᬦ᭄ᬢᬓ᭄ᬢᬶ᭞ᬫᬯᬶᬢ᭄ᬧᬦᬸᬕ᭄ᬭᬳᬦᬶᬤ᭞ᬳᬶᬬᬤᬶᬧᬘᬂᬫᬫᬗ᭄ᬕᬸᬄ᭞ᬦᬾ
ᬫᬤᬦ᭄ᬧᬭᬫᬲᬦ᭄ᬢᬶ᭟᭐᭟ᬳᭂᬦ᭄ᬢᭀᬫᬤᬦ᭄ᬓᬧ᭄ᬭᬚ᭄ᬜᬦᬦ᭄᭞ᬦᬾᬤᬳᬢ᭄ᬭᬳᬲ᭄ᬬᬰᬸᬘᬶ᭞ᬳᬤᬶᬦᬾᬯᬸᬲ᭄ᬓᬧᬶᬤᬃᬣ᭞ᬲᬲᬸᬩᬦᬺᬱᭂᬧᬶᬩᬕᬸᬲ᭄᭞ᬕᬭᬧ᭄ᬦᬾᬤᬤᬶᬧᬗᬧ᭄ᬢᬶ
᭟᭐᭟ᬳᬯᬸᬢᬗᬤᬶᬧᬶᬋᬗᬂ᭞ᬫᬸᬲ᭄ᬢᬶᬓᬦ᭄ᬧᬶᬤᬃᬣᬦ᭄ᬩᭂᬮᬶ᭞ᬦᬾᬤᬳᬢᬕᬸᬂᬭᬳᬲ᭄ᬬ᭞ᬭᬾᬳᬤᬶᬲᬬᬗᬗᬶᬗ᭄ᬲᬸᬦ᭄᭞ᬓᭀᬢ᭄ᬢᬫᬦᬤᬶᬓᬧ᭄ᬭᬶᬄ᭟ᬢᬶᬮᬶᬗᬂᬓᬬᬸᬦᬶᬤᬾᬯ᭞
ᬳᬮᬧ᭄ᬓᬲᭀᬃᬲᭂᬫ᭄ᬩᬄᬪᬓ᭄ᬢᬶ᭞ᬩ᭄ᬮᬶᬜᬜ᭄ᬚᬶᬦᬶᬦᬶᬤᬾᬯ᭞ᬳᬧᬂᬲᬶᬤ᭄ᬥᬳᬭᬶᬦᬶᬗ᭄ᬲᬸᬦ᭄᭞ᬭᬾᬳᬤᬶᬲᬬᬂᬩ᭄ᬮᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬥᬹᬄᬳᬤᬶᬩᬕᬸᬲᬵᬃᬚ᭄ᬚᬸᬦ᭞
[᭑᭒᭕ 125A]
ᬲᬲᬸᬩᬦᬤᬶᬦᬶᬗ᭄ᬳᬮᬶᬦ᭄᭞ᬓᬜ᭄ᬘᬦ᭄ᬲ᭄ᬯᬥᬃᬫ᭄ᬫᬦᬶᬤᬾᬯ᭞ᬮᬯᬸᬢᬂᬭᬳᬸᬳᬶᬦ᭄ᬩᭂᬮᬶ᭞ᬲᬵᬫ᭄ᬧᬸᬦᬗᬶᬬᬂᬤᬶᬲ᭄ᬥᬶᬄ᭞ᬩ᭄ᬮᬶᬚᬩᬗ᭄ᬕᭀᬦ᭄ᬧᬲᬬᬸᬩ᭄᭞ᬭᬾᬄᬩ᭄ᬮᬶᬚᬕᬫᬾᬩᬲᬂ᭞
ᬗᬭᬸᬯᬢ᭄ᬭᬕᬦᬶᬬᬤᬶ᭞ᬫᬗ᭄ᬤᬾᬦ᭄ᬮᬸᬧᬸᬢ᭄᭞ᬳᬤᬶᬢ᭄ᬓᬾᬦ᭄ᬲᬃᬯ᭄ᬯᬤᭀᬱ᭟᭐᭟ᬲᬢ᭄ᬯᬦ᭄ᬩᭂᬮᬶᬦᬾᬓᬢᬶᬩ᭞ᬳᬋᬧ᭄ᬭᬶᬂᬭᬕᬦᬶᬬᬤᬶ᭞ᬲᬵᬫ᭄ᬧᬸᬦᬗᬤᬶᬫᬯᭀᬲᬂ᭞ᬢ᭄ᬓᬾᬦ᭄ᬲᬂᬕᭀ
ᬤᬩ᭄ᬮᬶ᭞ᬮᬦ᭄ᬭᬶᬂᬚᬦ᭄ᬫᬦᬾᬢᬦ᭄ᬪᬓ᭄ᬢᬶ᭞ᬫᬶᬯᬳᬦᬾᬢ᭄ᬯᬭᬭᬶᬗᬸ᭞ᬓᬮᬶᬄᬢᬦ᭄ᬫᬢᬧᬩ᭄ᬭᬢ᭞ᬲᬂᬧᬭᬶᬩᭀᬬᬫᬓᬵᬤᬶ᭞ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄᭞ᬳᬫᬺᬢᬦᬾᬢᬦ᭄ᬧᬕᬸᬡ
᭟᭐᭟ᬳᭂᬦ᭄ᬢᭀᬲᬂᬢᬼᬩ᭄ᬲᬸᬲ᭄ᬭᬸᬲ᭞ᬗᬪᬓ᭄ᬢᬶᬭᬶᬂᬭᬕᬦ᭄ᬩᭂᬮᬶ᭞ᬳᭂᬦ᭄ᬢᭀᬬᭀᬕ᭄ᬬᬫᬜᬢ᭄ᬯᬬᬂ᭞ᬲᬸᬓ᭄ᬱ᭄ᬫᬦ᭄ᬢᬢ᭄ᬯᬦᬾᬍᬯᬶᬄ᭞ᬫᬋᬧ᭄ᬭᬶᬗᬶᬰᬶᬱ᭄ᬬᬲᬫᬶ᭞ᬦᬾᬜᬸᬘᬸᬓ᭄ᬪᬓ᭄ᬢᬶᬭᬶᬗᬶ
Page:Bali-lontar-paparikan-bagawadgita-350ppi.pdf/125
Jump to navigation
Jump to search
This page has been proofread.
