[᭑᭑᭓ 113B]
᭑᭑᭓
ᬥᬃᬫ᭄ᬫ᭞ᬫᬶᬯᬄᬢ᭄ᬯᬭᬱᬭᬶᬓᭀᬰ᭞ᬳᬶᬦ᭄ᬤᬶᬓᬾᬓᬾᬢᭀᬓᬲᭂᬗ᭄ᬕᬸᬄ᭞ᬲ᭄ᬢᬸᬮᬰᬭᬷᬭᬢᬧ᭟᭐᭟ᬩᬩᬯᭀᬲᬾᬢᬦ᭄ᬜᬓᬶᬢᬶᬦ᭄᭞ᬩᬦ᭄ᬩᬦᬮᬸᬲ᭄ᬢᬸᬭᬶᬦ᭄ᬦᬢ᭄ᬬ᭞ᬢᬫ᭄ᬧᭂ
ᬓ᭄ᬭᬶᬗᬢᬯᬰᬦ᭞ᬧᭀᬮᭀᬲ᭄ᬢᭂᬍᬤᬸᬕᬤᬸᬕ᭞ᬜᬸᬜᬸᬃᬫᬦᬶᬲ᭄ᬗᬃᬤ᭄ᬥᬶᬋᬡ᭞ᬳᬪᬹᬢ᭄ᬭᬶᬂᬲᬲ᭄ᬢ᭄ᬭᬮᬦ᭄ᬢᬸᬢᬸᬃ᭞ᬳᭂᬦ᭄ᬢᭀᬫᬤᬦ᭄ᬯᬘᬶᬓᬢᬧ᭟᭐᭟ᬓᬬᬸᬦᬾᬰᬸᬘᬶᬢᬸᬃᬩᬺ
ᬲᬶᬄ᭞ᬤᭂᬕ᭄ᬤᭂᬕᬮᬧ᭄ᬓᬲᭀᬃᬤᬩ᭄ᬤᬩ᭄᭞ᬲᬶᬤ᭄ᬥᬦᬾᬗᬯᬯᬭᬕ᭞ᬯ᭄ᬮᬲᬲᬶᬄᬫᬶᬯᬄᬲᬢ᭄ᬬ᭞ᬲᬶᬤ᭄ᬥᬗᬮᬳᬂᬯᬶᬓᬮ᭄ᬧ᭞ᬳᭂᬦ᭄ᬢᭀᬲᬸᬚᬢᬶᬓᬲᭂᬗ᭄ᬕᬸᬄ᭞ᬫᬢᬧᬩ
ᬦ᭄ᬧᬓᬬᬸᬦᬦ᭄᭟᭐᭟ᬳᬦᬓᬾᬲᬺᬤ᭄ᬥᬫᬗᬶᬮᬶᬲ᭄᭞ᬢ᭄ᬯᬭᬲᬓᬶᬂᬫ᭄ᬭᬶᬄᬨᬮ᭞ᬳᬶᬦ᭄ᬤᬶᬓ᭄ᬜᬗᬯᬗᬸᬦ᭄ᬢᬸᬧ᭞ᬗᬾᬃᬢ᭄ᬬᬂᬳᬶᬢ᭄ᬭᬶᬕᬸᬡ᭞ᬲᬳᬩᬚᭂᬕ᭄ᬭᬶᬗᬶᬥᭂᬧ᭄ᬜ᭞ᬳᭂᬦ᭄ᬢᭀ
[᭑᭑᭔ 114A]
ᬲᬢ᭄ᬯᬶᬓᬓᬲᭂᬗ᭄ᬕᬸᬄ᭞ᬗᬭᬜ᭄ᬚᬶᬂᬢᬧᬳᬸᬢ᭄ᬢᬫ᭟᭐᭟ᬫᬸᬗ᭄ᬕ᭄ᬯᬶᬂᬢᬧᬦᬾᬓᬓᬃᬤ᭄ᬥᬶ᭞ᬦᬾᬩᬦ᭄ᬢᬲ᭄ᬓᬗ᭄ᬕᬾᬦᬵᬩᬩᬗ᭄ᬕᬦ᭄᭞ᬳ᭄ᬤᭀᬢᬾᬤᬤᬶᬳᬓ᭄ᬗᭂᬦᬄ᭞ᬫᬗ᭄ᬤᬾᬓᬳᬍᬫ᭄ᬓᬧᬸ
ᬚ᭄ᬬ᭞ᬳᬧᬂᬲᬶᬤ᭄ᬥᬓᬶᬫᬸᬤᬶᬜ᭄ᬚᬦ᭄ᬫ᭞ᬳᭂᬦ᭄ᬢᭀᬭᬚᬲᬓᬲᭂᬗ᭄ᬕᬸᬄ᭞ᬳᭀᬜᬄᬢᬸᬃᬢᬦ᭄ᬲᬶᬤ᭄ᬥᬧᬜ᭄ᬚᬂ᭟᭐᭟ᬢᬧᬦᬾᬓᬕᬭᬧ᭄ᬲᬓᬶᬂ᭞ᬳᬶᬥᭂᬧ᭄ᬢᬫ᭄ᬩᭂᬢ᭄ᬢᬸᬭᬶᬦ᭄ᬮᭀᬪ᭞ᬳᬶ
ᬗ᭄ᬕ᭄ᬬᬦᬶᬧᬸᬦ᭄ᬜᬶᬓ᭄ᬱᬳᬯᬓ᭄᭞ᬩᬦ᭄ᬢᬲ᭄ᬫᬢᬢᬸᬚᭀᬦ᭄ᬦᬶᬱ᭄ᬝ᭞ᬗᬯᬾᬭᬸᬲᬓᬦᬓ᭄ᬮᬶᬮᬦ᭄᭞ᬳᭂᬦ᭄ᬢᭀᬢᬫᬲ᭄ᬓᬯᬸᬯᬸᬲ᭄᭞ᬳᭂᬦ᭄ᬢᭀᬢᬧᬧᬶᬦᬶᬄᬦᬶᬱ᭄ᬝ᭟᭐᭟ᬳᬸᬧᬤᬦᬦᬾᬓ
ᬓᬃᬤ᭄ᬥᬶ᭞ᬳᬦᬾᬢᬦ᭄ᬫᬫ᭄ᬭᬶᬄᬨᬮ᭞ᬓᬮᬶᬄᬭᬶᬂᬧ᭄ᬭᬢ᭄ᬬᬸᬧᬓᬭ᭞ᬩᬦ᭄ᬢᬲ᭄ᬓᬗ᭄ᬕᬾᬦ᭄ᬲ᭄ᬯᬥᬃᬫ᭄ᬫ᭞ᬦᭂᬧᬾᬓᬂᬤᬾᬯᬲᬤᬦ᭞ᬫᬋᬧ᭄ᬭᬶᬂᬚᬦ᭄ᬫᬦᬾᬧᬢᬹᬢ᭄᭞ᬳᭂᬦ᭄ᬢᭀᬫᬯᬸᬕ᭄ᬲ
Page:Bali-lontar-paparikan-bagawadgita-350ppi.pdf/114
Jump to navigation
Jump to search
This page has been proofread.
