[᭑᭘ 18B]
᭑᭘
ᬯᬸᬯᬸᬲ᭄᭞ᬮᬃᬳᬶᬤᬪᬝᬭᬰᬓ᭄ᬢᬶ᭞ᬧ᭄ᬭᬮᬶᬗ᭄ᬕᬦᬶᬂᬧᬸᬭᬵᬳᭂᬫᬵᬲ᭄᭞ᬧᬸᬢ᭄ᬭᬦᬾᬓᬘᬢᬹᬃ᭞ᬲᬦᬾᬯᭂᬢᬸᬲᬓᬶᬂᬳᭂᬫᬵᬲ᭄᭞ᬫᬗᬶᬭᬶᬗᬂ᭞ᬫᬗᬶᬭᬶᬗᬂ᭞ᬳᭀᬓᬦᬾᬫᬮᬶᬄᬲᬯᬶᬚᬶ᭞ᬧᬢ᭠
ᬧᬵᬦᬶᬂᬫᬵᬲ᭄ᬳᬮᬶᬢᬦ᭄᭟ᬲᬵᬢ᭄ᬲᬢ᭄ᬲᬗ᭄ᬳ᭄ᬬᬂᬢ᭄ᬭᬬᭀᬤᬰᬲᬓ᭄ᬱᬶ᭞ᬧᬸᬢ᭄ᬭᬦ᭄ᬳᬶᬤ᭞ᬬᬦ᭄ᬭᬶᬂᬓᬳᭀᬢ᭄ᬢᬫᬫ᭄᭞ᬲᬵᬫ᭄ᬧᬸᬦ᭄ᬧᬸᬢᬸᬲ᭄ᬧᬓᬬᬸᬦᬾ᭞ᬓᬂᬧᬭᬲᬸᬚᬦᬵᬳᬳᬸᬩ᭄
᭞ᬲᬫᬶᬮᬾᬤᬂᬍᬕᬫᬦᬗ᭄ᬓᬶᬮ᭄᭞ᬳᬫᬶᬦ᭄ᬢᬵᬧᬯᬘᬡᬦ᭄᭞ᬲᬶᬤ᭄ᬟᬵᬦᬶᬂᬧᬗᬯ᭄ᬭᬸᬄ᭞ᬳᬶᬦ᭄ᬤᬶᬓ᭄ᬧᬤᬦᬹᬃᬥᬭᬬᬦ᭄᭞ᬭᬶᬂᬳᬓ᭄ᬱᬭ᭞ᬯᬢᭂᬓ᭄ᬭᬢᬸᬲᬫᬶᬳᬰᬶᬄ᭞ᬭᬶᬂᬳᬶᬤᬥᬗ᭄ᬳ᭄ᬬᬂᬦᬶ
ᬭᬵᬂᬣ᭟ᬬᬦ᭄ᬤᬶᬕᬸᬦᬸᬂᬲᬦᬾᬯᬶᬦᬓᬦᬦ᭄ᬢᬶ᭞ᬲᬂᬧᬡ᭄ᬟᬶᬢ᭞ᬬᬦ᭄ᬭᬶᬂᬧᬦᬵᬕᬭᬦ᭄᭞ᬭᬢᬸᬧᬶᬦᬓᬰ᭄ᬭᬬᬦᬾ᭞ᬭᬢᬸᬢᬦ᭄ᬳᬓᬦ᭄ᬢᬶᬯᬶᬓᬸ᭞ᬤᬸᬤᬹᬭᬢᬸᬭᬶᬂᬳᬕᬫᬭᬶᬳᬶᬦ᭄᭞ᬯᬶᬓᬸ
[᭑᭙ 19A]
ᬢᬦ᭄ᬧᬓᬦ᭄ᬢᬶᬭᬵᬚ᭞ᬫᬮᬃᬤᬸᬤᬹᬯᬶᬓᬸ᭞ᬲᬫᬸᬦᬶᬓᬵᬓᬳᬸᬘᬧᬂ᭞ᬭᬶᬂᬳᬕᬫ᭞ᬯᬶ᭠ᬓᬮ᭄ᬯᬦ᭄ᬪᬹᬧᬢᬶ᭞ᬬᬸᬓ᭄ᬢᬶᬢᬦ᭄ᬤᬤᭀᬲ᭄ᬩᭂᬮᬲᬂ᭟ᬯᬮ᭄ᬬᬫᬮᬶᬄᬧᬸᬢ᭄ᬭᬦᬾᬲᬂᬫᬵᬬᬢᬶ᭞ᬫ᭄ᬧᬸ
ᬤ᭄ᬯᬶᬚᬾᬦ᭄ᬤ᭄ᬭ᭞ᬧᬲᬫ᭄ᬯᬦᬶᬂᬯᬗ᭄ᬰ᭞ᬢᬸᬭᬸᬦᬾᬂᬬᬫ᭄ᬪᬹᬤ᭄ᬯᬶᬧᬦᬾ᭞ᬧᬥᬫᬗᬾᬮᬶᬗᬶᬦ᭄ᬳᬶ᭠ᬩᬸ᭞ᬧᬯᬶᬚᬶᬮᬾᬂᬥᭂᬳᬵᬦᬵᬕᬭᬶ᭞ᬫ᭄ᬯᬂᬯᬶᬚᬶᬮᬶᬂᬧᬲᬸᬭ᭄ᬯᬦ᭄᭞ᬢᭂᬓᬾᬂᬥᬍᬫ᭄ᬚᬸᬭᬸ᭞ᬫᬶᬯᬄᬳᭀ
ᬓᬦ᭄ᬚ᭄ᬭᭀᬩᬡ᭄ᬟᬾᬰ᭞ᬦᬾᬂᬯᬮ᭄ᬬᬵᬕ᭞ᬘᬢᬹᬃᬤᬰᬶᬮᬦᬂᬳᬶᬲ᭄ᬢ᭄ᬭᬶ᭞ᬭᬯᬶᬂᬲᬸᬢᬦ᭄ᬫᬵᬲ᭄ᬳᬮᬶᬢᬦ᭄᭟ᬯᬶᬚᬶᬮ᭄ᬧᬢ᭄ᬦᬶᬲᬓᬾᬂᬤᭂᬳᬾᬂᬦᬵᬕᬭᬶ᭞ᬧᬹᬃᬯ᭄ᬯᬾᬂᬓᬣ᭞ᬳᬶᬤᬧᬡ᭄ᬥ᭄ᬬᬗᬸ
ᬭᬄ᭞ᬲᬵᬫ᭄ᬧᬸᬦ᭄ᬯᬤ᭄ᬟᬶᬢᬦᬬᬦᬾ᭞ᬓᬮᬶᬄᬤᬶᬭᬶᬳᬶᬲ᭄ᬢ᭄ᬭᬶᬓᬓᬸᬂ᭞ᬯᬃᬡ᭄ᬦᬍᬯᬶᬄᬳᬦᭀᬫ᭄ᬳᬧ᭄ᬓᬶᬓ᭄᭞ᬓᬦ᭄ᬢᬸᬦ᭄ᬭᬶᬂᬕᬶᬭᬶᬳᬜᬃ᭞ᬦᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬧᬯᬶᬚᬶᬮᬶᬂᬧᬲᬸᬭ᭄ᬯ᭠
Page:Bali-lontar-paparikan-babad-brahmana-350ppi.pdf/19
This page has been proofread.
