[᭕᭑ 51B]
᭕᭑
ᬳᬸᬫᬶᬮᬶᬭᬸᬥᬶᬭᬫᬸᬮᬓᬦ᭄ᬳᬾᬦ᭄ᬤᬄᬓᬤᬶᬯᬗ᭄ᬓᬯᬵᬢᬶᬩᬓᬲᬸᬗ᭄ᬲᬸᬗᬾᬂᬓ᭄ᬱᬶᬣᬶᬦ᭄ᬳᭂᬃᬢᬶᬦᬶᬕᬲ᭄ᬫᬲ᭄ᬢᬓᬦ᭄ᬬᬵᬘᬶᬦᬗ᭄ᬓᬶᬂ᭟ᬢᬿᬫᭂᬗ᭄ᬕᬸᬂᬚᬷᬯᬭᬵᬕᬰᬺᬗᭂᬦᬫᬢᬂᬚᬕᬢ᭄ᬲᬬᬳ
ᬢᬗ᭄ᬓᬶᬲ᭄ᬓ᭄ᬦᬢᬂᬫᬵᬲ᭄ᬢᬓᬵᬧᬦ᭄ᬢᬦ᭄ᬫᬃᬬ᭄ᬬᬳᬶᬗᬸᬡ᭄ᬥᬮ᭄ᬯᬶᬃᬕᬡ᭄ᬥᬤᬾᬦᬾᬳᬗᬸᬮᬶᬃᬢᬦ᭄ᬤ᭄ᬯᬵᬢᬭᬚᬂᬲᬶᬭᬓᬵᬭ᭄ᬯᬲᬶᬮᬶᬄᬓ᭄ᬭᬶᬲ᭄᭟ᬳᬧᬸᬤᭂᬢᬦᬲᬸᬯ᭄ᬬᬧᬲ᭄ᬮᬾᬂᬓᬤ᭄ᬕᬫᬵᬢ᭄ᬬᬤ
ᬦᬕᬦ᭄ᬓᬵᬮᬶᬄᬲᬸᬫ᭄ᬬᭀᬓ᭄ᬧᬸᬦᬂᬲᬸᬭᬓ᭄ᬢᬸᬳᬦ᭄ᬳᬸᬦᬹᬭᬧᬸᬗ᭄ᬓᬲ᭄ᬮᬜ᭄ᬘᬶᬗᬦ᭄ᬯᬢᬂᬓᬶᬦᬶ᭠ᬜ᭄ᬘᬶᬳᬗ᭄ᬳᬺᬓ᭄ᬢᬸᬭᬗ᭄ᬕᬵᬧᬜ᭄ᬚᬂᬚᬶᬯᬳᬶᬦᭀᬗ᭄ᬲᬶ᭟ᬓᬾᬦ᭄ᬧᬜ᭄ᬚᬂᬚᬷᬯᬫᬍᬭᬲᬶᬓᭂᬧ᭄ᬯᬢᬂᬳᬭᬶ
ᬭᬶᬯᬾᬩᬸᬩᬢᬶᬂᬰᬓᬸᬦᬧ᭄ᬭᬓᬝᬓᬸᬤᬯᬵᬳᬦᬦᬶᬓᬳᬢᬗ᭄ᬓᭂᬧ᭄ᬓᬸᬤᬧᬥᬵᬗ᭄ᬳ᭄ᬭᬶᬓᬢᬗ᭄ᬕᬸᬮ᭄ᬯᬢᬂᬓᬵᬮᬶᬄᬓᬵᬮᬶᬄᬧᬥᬵᬘᬮᬶᬭᬶᬂ᭟ᬫᬮᬂᬢᬂᬓᬸᬤᬫᬮᬶᬳᬥᭂᬥᭂᬲ᭄ᬯᬢᬂᬲᬶ
[᭕᭒ 52A]
ᬮᬶᬄᬢᬫ᭄ᬩᬗᬗᬸᬮᬶᬂᬢᬦ᭄ᬤ᭄ᬯᬦᬲᬭᬓᬢ᭄ᬭᬶᬭᬶᬯᬾᬦᬶᬓᬂᬯᬢᬂᬳᬫᬸᬚᭃᬂᬬᬬᬢᬶᬦᬫ᭄ᬩᬶᬳᬕ᭄ᬮᬶᬲ᭄ᬓᬾᬦ᭄ᬤ᭄ᬫᬂᬧᬫᬲᬳᬗᬸᬘᬸᬧᬶ᭟ᬲᬓᬾᬭᬶᬗᬦ᭄ᬧ᭄ᬭᬓᬰᬲᬳᬲᬵᬫᬢᬂᬢᬸ
ᬳᬦ᭄ᬳᬸᬦᬸᬃᬢᬦ᭄ᬧᭀᬮᬶᬄᬳᬫᬍᬲ᭄ᬧᬶᬦᬶᬭ᭄ᬯᬦ᭄ᬢᬶᬩᬲᬓᬭᬶᬂᬓᬸᬤ᭄ᬫᬂᬘᬳᭀᬳᬦᬸᬤᬶᬗᬶᬤᬶᬦᬸᬓᬾᬦ᭄ᬤ᭄ᬫᬂᬧᬫᬲᬳᬗ᭄ᬫᬲᬶ᭟ᬯᬸᬲᬶᬦᬸᬃᬬ᭄ᬬᬓᬂᬲᬸᬭᬓ᭄ᬫᬗ᭄ᬓᬶᬦ᭄ᬖᬸᬃᬡ᭄ᬦᬶᬢ
ᬤ᭄ᬫᬂᬘᬳᭀᬓᬵᬮᬶᬄᬲᬶᬭᬧᬗᬸᬮᬸᬩᭀᬭᬂᬢᬦᬢ᭄ᬬᬳᬳᬸᬭᬶᬧᬳᬸᬭᬂᬫᬓᬭᬵᬗᬶᬫ᭄ᬩᬗᬶᬢᬦ᭄ᬤᬗᬗᬶᬭᬲᬓᬾᬰᬢ᭄ᬭᬸᬗ᭄ᬫᬲᬶ᭟ᬓᬤᬸᬗ᭄ᬓᬧᬺᬡᬳᬶᬭᬰ᭄ᬭᬶᬦᬭᬦᬵ
ᬣᬓᬵᬮᬶᬄᬫᬗ᭄ᬓᬾᬤᬾᬦ᭄ᬧᬶᬦ᭄ᬭᬶᬄᬩᬾᬮᬫᬵᬢ᭄ᬬᬾᬂᬭᬡᬲᬨᬮᬓᬂᬧᬶᬦᬮᬃᬲᬂᬦᬵᬣᬾᬂᬲᬸᬡ᭄ᬥᬬᬬᬵᬕ᭄ᬦᬶᬚ᭄ᬯᬮᬶᬢᬧ᭄ᬭᬪᬵᬫᬶᬚᬶᬮ᭄ᬲᬓᬭᬶᬗᬓ᭄ᬱᬶ᭟ᬫᬭᬶᬗᬃᬱᬵᬗᬤᭂ
Page:Bali-lontar-kidung-sundayana-300ppi.pdf/52
Jump to navigation
Jump to search
This page has been proofread.
