[᭓ 3B]
᭞᭓᭞
ᬦ᭄᭞ᬲᬋᬂᬧᬢ᭄ᬧᬢ᭄ᬭᬭᬶᬲ᭄ᬓᬤᬸᬫ᭄᭞ᬫᬓᬲᬫᬶᬓᬢᭂᬮᬲᬂ᭞ᬦᬸᬫᬦᬂᬲᬶᬲᬢᬦ᭄ᬓᬾᬗᬶᬦ᭄᭞ᬗ᭄ᬕᬶᬄᬧᬸᬦᬶᬓᬸ᭞ᬉᬦ᭄ᬮᬶᬸᬦ᭄ᬘᬯᬺᬢ᭄ᬢᬶᬩ᭄ᬭᬓᬓᭀᬘᬧ᭄᭟ᬬᬦ᭄ᬓᬸᬤᬂᬰᬰᬶᬄᬯᬸᬲ᭄ᬮᬶᬯᬢ᭄᭞ᬢᭂᬤᬸᬦ᭄ᬲᬩᭂᬄᬢᬦ᭄ᬦᬳᭂ
ᬦᬶᬦ᭄᭞ᬩᬗᭂᬢ᭄ᬓᬓᬶᬭᬗᬦ᭄ᬢᭀᬬ᭞ᬧᬫᬸᬮᬦᬾᬧᬤᭂᬫ᭄ᬲᬫᬶ᭞ᬢᬦ᭄ᬲᬶᬤᬳᬦ᭄ᬢᬸᬓ᭄ᬜᬶᬭᬫᬶᬦ᭄᭞ᬭᬾᬄᬢᬸᬓᬤᬾᬧᬤᬳᭂᬢᬸᬄ᭞ᬫᬳᬶᬍᬳᬦ᭄ᬫᬲᬦ᭄ᬲᬬᬄ᭞ᬧᬤᬶᬚᬕᬸᬗᬾᬓᬲᬶᬕᬶᬢ᭄᭞ᬓᬶᬚᬮᬓᬸ᭞
ᬗᬸᬦᬸᬄᬢᬦ᭄ᬫᬗ᭄ᬓᬶᬦ᭄ᬜᬶᬤᬬᬂ᭟ᬬᬦ᭄ᬲᬫ᭄ᬧᬸᬦ᭄ᬓᬸᬤᬂᬭᬵᬳᬶᬦ᭞ᬲᬋᬂᬧᬢ᭄ᬧᬢ᭄ᬢᬦ᭄ᬗ᭄ᬭᬬᬸᬦᬶᬦ᭄᭞ᬩᬬᬸᬦᬾᬲᬬᬦ᭄ᬗᭂᬦ᭄ᬤᬸᬓᬂ᭞ᬭᬵᬕᬦᬾᬓᬮᬗ᭄ᬓᬸᬂᬓᬾᬭᬶᬲ᭄᭞ᬓᬤᬶᬢᬸᬮᬂᬓᬧᬸᬢ᭄ᬓᬸᬮᬶᬢ᭄᭞ᬘᬬᬦᬾᬢᭂᬮᬲ᭄ᬢᬦ᭄ᬓᬦ᭄ᬢᬸ
ᬦ᭄᭞ᬢᬦ᭄ᬚᬦ᭄ᬢᭀᬲ᭄ᬓᬸᬤᬂᬭᬵᬳᬶᬦ᭞ᬫᬶᬦᬩ᭄ᬚᬕᬶᬫᬗᭂᬫᬲᬶᬦ᭄᭞ᬦᬵᬗ᭄ᬳᬶᬂᬓᬦ᭄ᬢᬸᬦ᭄᭞ᬲᬶᬤ᭄ᬟᬳᬦ᭄ᬢᬸᬓᬫᬫᬃᬕᬕ᭟ᬲᬲᬵᬫ᭄ᬧᬸᬦ᭄ᬲᬸᬯᬾᬫᬓᭂᬦ᭄ᬢ᭞ᬧᭀᬮᬶᬄᬓᭀᬘᬧ᭄ᬳᬶᬤᬫᬗ᭄ᬓᬶᬦ᭄᭞ᬲᬋᬲᬫᬶᬫᬲᬓᬬ᭞
[᭔ 4A]
ᬗᬶᬤᬶᬄᬚᬕᬸᬂᬓᬸᬤᬂᬩᬸᬮᬶᬄ᭞ᬭᬯᬸᬄᬭᬶᬂᬕ᭄ᬭᬶᬬᬤᬶᬕᭂᬮᬶᬲ᭄᭞ᬚᬕᬸᬗᬾᬭᬭᬶᬲ᭄ᬓᬳᬶᬦ᭄ᬢᬸᬓ᭄᭞ᬓᬳᬗ᭄ᬕᬾᬦ᭄ᬢᭂᬧᭂᬂᬲᬶᬦᬫ᭄ᬬᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬲᬫᬶᬓᬵᬤᬸᬫᬶᬦ᭄᭞ᬫᬯᬤᬄᬚᭂᬫ᭄ᬩᬸᬂ᭞ᬫᬤᬕᬶᬂᬳᬢᭂᬗᬓᬶᬭᬂ᭟
ᬲᬤᬸᬭᬸᬂᬚᬕᬶᬫ᭄ᬭᬬᬸᬦᬦ᭄᭞ᬭᬶᬂᬯᬶᬥᬶᬗᬢᬸᬭᬂᬪᬓ᭄ᬢᬶ᭞ᬳᬦ᭄ᬢᬸᬓ᭄ᬧᬲ᭄ᬯᬾᬘᬦ᭄ᬳᬶᬤ᭞ᬗᬶᬘ᭄ᬙᬾᬦ᭄ᬭᬶᬂᬭᬵᬳᬶᬦᬧᬸᬦᬶᬓᬶ᭞ᬳᬚᭂᬗᬦ᭄ᬧᬤᬫᬓᭂᬤᬶᬓ᭄᭞ᬦᬾᬫᬓ᭄ᬭᬡᬧᬘᬂᬓᬦ᭄ᬢᬸᬦ᭄᭞ᬜᬶᬤ᭄ᬟᬬᬂᬗᬫᬃᬕ᭄ᬬᬂᬩ᭄ᬭ
ᬢ᭞ᬤᬸᬫᬤᬓ᭄ᬲᬶᬤ᭄ᬟᬓᬧᬗ᭄ᬕᬶᬄ᭞ᬦᬾᬓᬢᬸᬚᬸ᭞ᬳᬦ᭄ᬢᬸᬓ᭄ᬳᬶᬤᬲᬋᬂᬧᬢ᭄ᬧᬢ᭄᭟ᬯᬯᬸᬚᬕᬶᬫᬭᬬᬸᬦᬦ᭞ᬯᬾᬦ᭄ᬢᭂᬦ᭄ᬦᬓ᭄ᬮᬶᬗ᭄ᬲᬶᬃᬗ᭄ᬭᬯᬸᬳᬶᬦ᭄᭞ᬢᬦ᭄ᬫᬾᬯᭂᬄᬳᬦ᭄ᬢᬸᬓ᭄ᬫᬦᭂᬩᬕ᭄᭞ᬭᬕᬦᬾᬓᬾ
ᬭᬶᬲ᭄ᬢᬦ᭄ᬓᬤᬶ᭞ᬲᬶᬦᬄᬲᬵᬫ᭄ᬧᬸᬦ᭄ᬲᬸᬯᬾᬕᬢᬶ᭞ᬢᬦ᭄ᬦᬳᭂᬦᬶᬦ᭄ᬓᭂᬦᬶᬲᬗᬸ᭞ᬳᬶᬭᬶᬓᬶᬫᬗ᭄ᬓᬶᬦ᭄ᬓᬳᬓ᭄᭞ᬓᬵᬢᬸᬭᬶᬦ᭄ᬕᭂᬦᬄᬫᬮᬶᬗ᭄ᬕᬶᬄ᭞ᬤᬤᭀᬲ᭄ᬢᬫ᭄ᬬᬸ᭞ᬓᬢᬜ᭄ᬚᬾᬦ᭄ᬲᬋᬂᬗᬚᭂᬗᬂ᭟ᬗᬦ᭄ᬤᬶᬓᬩ᭄ᬭ
Page:Bali-lontar-gaguritan-yajna-ring-kuruksetra-300ppi.pdf/4
Jump to navigation
Jump to search
This page has been proofread.
