[᭑ 1B]
᭞᭑᭞
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬬᬚ᭄ᬜᬭᬶᬂᬓᬸᬭᬸᬓ᭄ᬱᬾᬢ᭄ᬭ᭟᭜᭟ᬳᬶᬲᭂᬂᬢᬶᬢ᭄ᬬᬂᬜᬭᬶᬢᬬᬂ᭞ᬭᬶᬂᬧᬭᬲᬫᭂᬢᭀᬦ᭄ᬲᬫᬶ᭞ᬫᬸᬗ᭄ᬕ᭄ᬯᬶᬂᬲᬢ᭄ᬯᬲᬦᬾᬫᬸᬗ᭄ᬕᬄ᭞ᬭᬶᬂᬫᬳᬵᬪᬵᬭᬢᬧᬸᬦᬶᬓᬶ᭞ᬤᬸᬓ᭄ᬲᬂᬬᬸᬥᬷᬱ᭄ᬝᬶᬭᬫᬗ᭄ᬓᬶᬦ᭄᭞ᬓᬪᬶᬱᬾᬓ
ᬫᬤᭂᬕ᭄ᬭᬢᬸ᭞ᬲᬲᬫ᭄ᬧᬸᬦ᭄ᬧᬭᬓᭀᬭᬯ᭞ᬭᬶᬂᬢᭂᬕᬮ᭄ᬓᬸᬭᬸᬓᬩᬱ᭄ᬫᬶ᭞ᬭᬶᬂᬮᬮᬸᬳᬸᬃ᭞ᬚᬕᬶᬫᬗᬢᬸᬭᬂᬬᬚ᭄ᬜ᭟ᬳᬶᬗ᭄ᬕᬶᬄᬅᬰ᭄ᬯᬫᬾᬥᬬᬚ᭄ᬜ᭞ᬓᭀᬘᬧ᭄ᬦᬶᬓᬓᬯᬵᬱ᭄ᬝᬦᬶᬦ᭄᭞ᬓᬃᬬ᭄ᬬᬳᬕᬸᬂᬫᬧᬥᬦᬦ᭄᭞
ᬓᭀᬢ᭄ᬬᬦ᭄ᬚᬤ᭄ᬫᬫᬗ᭄ᬭᬯᬸᬳᬶᬦ᭄᭞ᬓᭂᬢᭀᬕ᭄ᬲᬾᬫ᭄ᬧ᭄ᬭᭀᬂᬓᭂᬭᬶᬓ᭄ᬢᬶᬗ᭄ᬓᬶᬄ᭞ᬲᬫᬶᬕᬶᬭᬂᬬᬫᬧᬸᬦ᭄ᬤᬸᬄ᭞ᬭᬶᬂᬓᬸᬭᬸᬓ᭄ᬱᬾᬢ᭄ᬭᬧᬸᬦᬶᬓ᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬗ᭄ᬯᬶᬮᬗᬶᬦ᭄᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬧᬢᬹᬢ᭄ᬗᬯᬶᬢᬦ᭄ᬗᬦ᭄ᬢᭂᬩᬂ᭟ᬬ
ᬦ᭄ᬲᬓᬶᬂᬤᬶᬚᬢᬓᭀᬘᬧ᭄᭞ᬚᬕ᭄ᬯᬾᬦ᭄ᬢᭂᬦ᭄ᬩᬶᬓᬸᬮ᭄ᬦᬾᬳᬮᬶᬢ᭄᭞ᬗ᭄ᬭᬬᬂᬭᬶᬂᬢᭂᬗᬄᬧᬲᬫ᭄ᬯᬦ᭄᭞ᬭᬶᬂᬢᬦᬳᬾᬕ᭄ᬮᬮᬂᬕ᭄ᬮᬶᬮᬶᬂ᭞ᬓᭂᬤᬾᬓ᭄ᬗᬓᬓ᭄ᬓ᭄ᬚᬗᬢ᭄ᬓᬚᭂᬗᬶᬢ᭄᭞ᬲᬫᬶᬳᬦᬓᬾᬢᭂᬗ᭄ᬓᭂᬚᬸᬢ᭄᭞ᬗᬤᬾᬦ᭄
[᭒ 2A]
ᬯᬾᬦ᭄ᬢᭂᬦ᭄ᬳᬦᬓ᭄ᬩᭀᬓᬄ᭞ᬭᬯᬸᬄᬚᬕᬶᬗᬭᬶᬲᭂᬩᬶᬦ᭄᭞ᬗᬤᬸᬓᬵᬤᬸᬓ᭄᭞ᬫᬓ᭄ᬭᬡᬬᬚ᭄ᬜᬦᬾᬭᬸᬲᬓ᭄᭟ᬩᬶᬓᬸᬮᬾᬯ᭄ᬬᬓ᭄ᬢᬶᬢᬯᬄ᭞ᬳᬯᬓ᭄ᬜᬳᬲᬶᬩᬓ᭄ᬓᬸᬦᬶᬂ᭞ᬫᬓᭂᬜᬄᬲᬓᬤᬶᬳᭂᬫᬲ᭄᭞ᬭᬯᬸᬄᬢᭂᬦ᭄ᬤᬲᬶᬧᬸᬦ᭄ᬫ
ᬮᬶᬄ᭞ᬳᬗᭀᬩ᭄ᬳᬦᬓᬾᬗᬢᭀᬦᬶᬦ᭄᭞ᬩᭂᬗᭀᬂᬓᬦ᭄ᬢᬸᬦ᭄ᬬᬫᬚᬸᬚᬸᬓ᭄᭞ᬦᬾᬦ᭄ᬢᭂᬦ᭄ᬫᬓᬶᬚᬧ᭄ᬓᬶᬚᬧᬦ᭄᭞ᬫᬢᬦ᭄ᬦᬾᬫᬮᭀᬦ᭄ᬢᭀᬤ᭄ᬦᭂᬮᬶᬓ᭄᭞ᬬᬳᬶᬩᬶᬓᬸᬮ᭄᭞ᬗ᭄ᬮᬶᬲᬂᬳᬶᬧᬸᬦ᭄ᬫᬧᬚᬃ᭟ᬓᬾᬄᬚᭂᬭᭀᬳᬚᬓ᭄ᬫᬓᭂ
ᬚᬂ᭞ᬳᬶᬤᬤᬦᬾᬲᬋᬂᬲᬫᬶ᭞ᬲᬫ᭄ᬧᬸᬦᬂᬧᬶᬲᬦ᭄ᬫᬓᭂᬲ᭄ᬬᬩ᭄᭞ᬜᬶᬗᬓᬶᬦ᭄ᬢᬶᬢ᭄ᬬᬂᬲᬋᬂᬲᬫᬶᬳᬭᬶᬓᬶ᭞ᬢᬶᬢ᭄ᬬᬂᬩᭀᬬᬳᬦᬓ᭄ᬳᬸᬲᬶᬮ᭄᭞ᬫᬦᬄᬢᬶᬢ᭄ᬬᬂᬲᬓᬶᬂᬧᬢᬹᬢ᭄᭞ᬬᬚ᭄ᬜᬦᬾᬤᬸᬭᬸᬲ᭄ᬫᬃᬕᬬᬂ᭞ᬦᬵᬗᬳᬶᬂᬓᬾᬲ
ᬫ᭄ᬧᬸᬦᬂᬳᬸᬕᬶ᭞ᬳᬶᬯᬂᬲᭂᬗ᭄ᬕᬸᬄ᭞ᬗᬤᬾᬦ᭄ᬢᬦ᭄ᬯᬾᬦ᭄ᬢᭂᬦ᭄ᬗᬲᭀᬭᬂ᭟ᬳᬗ᭄ᬕᬶᬄᬲᬫ᭄ᬧᬸᬦ᭄ᬮᬯᬲ᭄ᬧᬶᬲᬦ᭄᭞ᬬᬦ᭄ᬳᬾᬢᬗᬂᬲᬓᬶᬂᬫᬗ᭄ᬓᬶᬦ᭄᭞ᬢᬍᬃᬳᬶᬭᬶᬓᬶᬫᬕᭂᬦᬄ᭞ᬭᬶᬂᬢᭂᬕᬮ᭄ᬓᬸᬭᬸᬧᬸᬦᬶᬓᬶ᭞ᬯᬾᬦ᭄ᬢᭂᬦ᭄ᬳᬦᬓ᭄ᬮᬗ᭄ᬓᬸᬂᬫᬶᬲ᭄ᬓᬶ
Page:Bali-lontar-gaguritan-yajna-ring-kuruksetra-300ppi.pdf/2
Jump to navigation
Jump to search
This page has been proofread.
