[᭙᭘ 98B]
᭙᭘
᭞ᬭᬶᬦᬫ᭄ᬧᬓᬶᬂᬭᬣ᭞ᬫᬶᬦ᭄ᬤᭂᬃᬓᬃᬯ᭄ᬯᬢᬶᬯᬕ᭞ᬫᬯ᭄ᬮᬸᬳᬲ᭄ᬮᬸᬭᬗᬶᬭᬶᬂ᭞ᬘᬶᬤ᭄ᬭᬓᬸᬬᭂᬗᬦ᭄᭞ᬲᬫᬯᬶᬤᬕ᭄ᬤᬾᬂᬕᬢᬶ᭟᭐᭟ᬳᬗ᭄ᬤᬸᬓ᭄ᬤᬶᬦᬸᬦ᭄ᬢᬶᬦᬸᬚᬸᬤᬾᬦᬶᬂᬤᬶᬯ᭄ᬬᬲ᭄ᬢ᭄ᬭ᭞ᬧᬥᬦᬢ᭄ᬕ
ᬢᬾᬂᬢᬶᬱ᭄ᬝᬶ᭞ᬢᬦ᭄ᬤ᭄ᬯᬰ᭄ᬭᬷᬦᬭᬾᬦ᭄ᬤ᭄ᬭ᭞ᬪᬯᬫᬹᬃᬢ᭄ᬢᬶᬓᬘᬶᬤ᭄ᬭ᭞ᬤᬶᬦᬸᬓ᭄ᬭᬶᬂᬢ᭄ᬭᬶᬰᬸᬮᬮᬸᬗᬶᬤ᭄᭞ᬭᬶᬚᬚᬫᬸᬜ᭄ᬘᬃ᭞ᬭᬄᬦᬶᬭᬢᬶᬩᬾᬂᬓ᭄ᬱᬶᬣᬶ᭟᭐᭟ᬲᬵᬓ᭄ᬱᬡᬋᬧ᭄ᬫᬶᬲᭂᬧᬶᬦᬸᬲᬧ᭄ᬓᬂᬩ᭄ᬭᬡ᭞ᬰᬷᬖ᭄ᬭ
ᬫᬍᬲ᭄ᬦᬺᬧᬢᬶ᭞ᬭᬶᬂᬪᬃᬕ᭄ᬕᬯᬵᬲ᭄ᬢ᭄ᬭ᭞ᬦᬦ᭄ᬢᭂᬧ᭄ᬧᬢᬶᬄᬓᬺᬢᬘᬶᬢ᭄ᬢ᭞ᬓᬢᬸᬳ᭄ᬬᬦ᭄ᬢᬸᬗ᭄ᬕᭂᬂᬢᬦ᭄ᬕᭂᬂᬗ᭄ᬲᬸᬃ᭞ᬰᬷᬖ᭄ᬭᬫᬫᬦᬄ᭞ᬭᬶᬂᬤᬶᬯ᭄ᬬᬧᬰᬸᬧᬢᬶ᭟᭠᭟ᬋᬧᬸᬫᬯᬓᬦᬮᬩᬚ᭄ᬭᬲᬵᬬᬓ᭞ᬕᬡᬦ᭄ᬬᬧᬶᬢᬸᬂᬓᭀ
ᬢᬶ᭞ᬳᬭᬹᬧᬭᬵᬓ᭄ᬱᬲ᭞ᬧᬥᬳᬫᬸᬢᭂᬃᬘᬦ᭄ᬤ᭄ᬭᬳᬵᬲ᭞ᬰᬶᬃᬡ᭄ᬦᬯᬬᬯᬦᬺᬧᬢᬶ᭞ᬋᬜ᭄ᬘᭂᬫ᭄ᬘᬶᬦᬘᬄ᭞ᬧᬦᬭᬲᬧ᭄ᬢᬓᭀᬢᬶ᭟᭐᭟ᬲᬸᬫ᭄ᬭᬂᬓᭀᬦ᭄ᬢᬮ᭄ᬩᬶᬦᬸᬜ᭄ᬘᬂᬭᬶᬂᬅᬦ᭄ᬢᬭᬶᬓ᭄ᬱ᭞ᬲᬵᬫ᭄ᬧᬸᬃ
[᭙᭙ 99A]
ᬡ᭄ᬦᬫᬮᬶᬄᬳᬸᬭᬶᬧ᭄᭞ᬚᬸᬫ᭄ᬮᬕ᭄ᬓᬵᬢᬭ᭞ᬳᬗᬸᬯᬸᬄᬭᬶᬗᬫ᭄ᬩᬭ᭞ᬮ᭄ᬯᬶᬃᬕ᭄ᬮᬧ᭄ᬲᬬᬸᬢᬳᬗ᭄ᬭᬶᬓ᭄᭞ᬳᬓᭀᬦ᭄ᬧ᭄ᬭᬬᬢ᭄ᬦ᭞ᬫ᭄ᬲᬢ᭄ᬭᬓ᭄ᬭᬶᬬᬦᬧᬢᬶᬄ᭟᭐᭟ᬫᬸᬗ᭄ᬕ᭄ᬯᬶᬂᬦᬪᬲ᭄ᬢᬮᬲᬶᬭᬥᬦ᭄ᬥᬬᬸᬤ᭄ᬥ᭞ᬢᬶᬦᬸ
ᬚᬸᬲᬶᬮᬶᬳᬸᬗ᭄ᬲᬶ᭞ᬗ᭄ᬓᬰ᭄ᬭᬷᬧᬤ᭄ᬫᬦᬵᬪ᭞ᬳᬗᬼᬧᬲ᭄ᬧ᭄ᬭᬫᭀᬳᬦᬲ᭄ᬢ᭄ᬭ᭞ᬧ᭄ᬢᭂᬂᬧᭂᬧᭂᬢ᭄ᬢᬂᬥᬶᬓ᭄ᬯᬶᬥᬶᬓ᭄᭞ᬢᬦ᭄ᬧᬓᬢᭀᬦᬦ᭄᭞ᬫᬸᬮᬶᬗᬂᬭᬓ᭄ᬭᬶᬬᬦᬧᬢᬶᬄ᭟᭐᭟ᬫᬾᬗᭂᬢ᭄ᬲᬶᬭᬭᬶᬢᬢ᭄ᬯᬦᬶᬂᬫᭀ
ᬳᬦᬲ᭄ᬢ᭄ᬭ᭞ᬰᬶᬖ᭄ᬭᬲᬶᬭᬳᬫᬸᬱ᭄ᬝᬶ᭞ᬤᬶᬯ᭄ᬬᬲ᭄ᬢ᭄ᬭᬲᬸᬢᬶᬓ᭄ᬱ᭄ᬡ᭞ᬳᬦᬶᬤ᭄ᬬᬪᬲ᭄ᬓᬭᭀᬕ᭄ᬭ᭞ᬋᬧ᭄ᬫᬯᬓ᭄ᬢᬂᬚᬧᬲᬶᬤ᭄ᬥᬶ᭞ᬅᬪ᭄ᬭᬵᬓᬮᬗᬦ᭄᭞ᬮ᭄ᬯᬶᬃᬲᬹᬃᬬ᭄ᬬᬲᬳᬲ᭄ᬭᬓᭀᬢᬶ᭟᭐᭟ᬲᬵᬫ᭄ᬧᬸᬦ᭄ᬧᬹᬃᬡ᭄ᬦᬫᬶᬦᬸᬱ᭄ᬝᬶ
ᬰᬷᬖ᭄ᬭᬮᬸᬫ᭄ᬧᬲ᭄᭞ᬳᬶᬮᬂᬢᬂᬧ᭄ᬢᭂᬂᬓᬤᬶ᭞ᬲᬶᬦᬧᬸᬄᬳᬮᬶᬮᬂ᭞ᬫᬯᬢᬂᬦᬪᬲ᭄ᬢᬮ᭞ᬯᬲ᭄ᬧᬤᬓᬢᭀᬦᬺᬧᬢᬶ᭞ᬰ᭄ᬭᬷᬧᬤ᭄ᬫᬦᬵᬪ᭞ᬤᬾᬦᬶᬭᬭᬓ᭄ᬭᬶᬬᬦ᭄ᬧᬢᬶᬄ᭟᭐᭟ᬰᬶᬖ᭄ᬭᬳᬗᬼᬧ
Page:Bali-lontar-gaguritan-wiryya-guna-a-300ppi.pdf/99
Jump to navigation
Jump to search
This page has been proofread.
