[᭘᭙ 89B]
᭘᭙
ᬭᬵᬢᬧᬸᬬ᭄᭞ᬉᬰ᭄ᬯᬵᬲᬫᭀᬲ᭄ᬬᬦ᭄᭞ᬤᬾᬦᬶᬓᬂᬓ᭄ᬭᭀᬥᬩᬳ᭄ᬦᬶ᭟᭐᭟ᬯᬯᬂᬫᬤᭂᬕᬶᬓᬦᬂᬓᬫᬦᬯᬶᬪᬯᬦ᭄᭞ᬲᬳᬲᬓ᭄ᬭᬓ᭄ᬦᬸᬤᬶᬗᬶ᭞ᬳᬳᬾᬓᭀᬂᬯᬷᬃᬬ᭄ᬬᬕᬸᬡ᭞ᬭᬢᬸᬅᬥᬫᬦᬶ
ᬱ᭄ᬝ᭞ᬦᬶᬲ᭄ᬢᬸᬭᬫᬸᬤᬢᬦ᭄ᬲᬶᬧᬶ᭞ᬘᭂᬗ᭄ᬕᬓᬸᬳᬓ᭞ᬓᬳ᭄ᬬᬦ᭄ᬳ᭄ᬬᬦ᭄ᬭᬶᬂᬲᬸᬧᬸᬢ᭄ᬭᬷ᭟᭐᭟ᬳᬶᬄᬳᬚᬓᭀᬕᬾᬕᬾᬃᬦᬶᬰ᭄ᬘᬬᬾᬂᬓᬲᬸᬓᬦ᭄᭞ᬳᬋᬧ᭄ᬯᬶᬯᬳᬾᬂᬧᬸᬢ᭄ᬭᬷ᭞ᬬᬦ᭄ᬢᬸᬳᬸᬧᭀᬓᬶᬢ᭞ᬢᬸᬲ᭄ᬦᬶᬦ᭄ᬓ᭄ᬱᬢ᭄ᬭᬶᬬ
ᬯᬷᬭ᭟ᬯ᭄ᬭᬸᬳᬶᬂᬤᬦᬸᬃᬤᬭᬰᬓ᭄ᬢᬶ᭞ᬰᬹᬭᬯᬶᬰᬾᬱ᭞ᬗᭀᬂᬮᬯᬦ᭄ᬫᬸᬳᬩᬸᬜ᭄ᬘᬶᬂ᭟᭐᭟ᬳᬲᭀᬓᬦ᭄ᬓᬭᬰ᭄ᬫᬶᬦᬶᬂᬦᬶᬲᬶᬢᬵᬲ᭄ᬢ᭄ᬭ᭞ᬳᬓᬭᬂᬳᬸᬮᬸᬘᬸᬭᬶᬓ᭄᭞ᬳᬢᬶᬮᬫ᭄ᬫᬃᬕ᭄ᬕᬦ᭞ᬗᭀᬮ᭄ᬓᬶᬦᭀᬮᬶᬂᬲᬬ
ᬓ᭞ᬳᬢᬓᭂᬃᬭᬭᬲ᭄ᬓᬭᬰ᭄ᬫᬶᬦ᭄᭞ᬇᬂᬕᬥᬬᬸᬤ᭄ᬥ᭞ᬲᬶᬮᬶᬄᬳᬭᬲ᭄ᬕᬥᬮᬸᬗᬶᬤ᭄᭟᭐᭟ᬳᬳᭀᬘᬓᬦ᭄ᬓᬲᬸᬓᬦᬶᬂᬩᬚ᭄ᬭᬢᬶᬓ᭄ᬱ᭄ᬡ᭞ᬯᬮᬶᬯᬮᬶᬳᬗᬋᬓᬶ᭞ᬓ᭄ᬢᬸᬕᬶᬂᬲ᭄ᬯᬓᭀᬦ᭄ᬢ᭞ᬭᬶᬂᬭᬶᬗᭂᬦ᭄ᬦᬭ
[᭙᭐ 90A]
ᬘᬵᬲ᭄ᬢ᭄ᬭ᭞ᬮᬸᬓᬭᬶᬂᬕᬸᬳᬶᬲ᭄ᬢ᭄ᬭᬮᬸᬗᬶᬤ᭄᭞ᬳᬚᬫᬸᬭᬸᬤ᭞ᬧᬧᬕ᭄ᬧᬸᬦ᭄ᬪᬯᬫᬹᬃᬢ᭄ᬢᬶ᭟᭐᭟ᬫᬗ᭄ᬓᬦᭀᬚᬃᬰ᭄ᬭᬷᬧᬤ᭄ᬫᬦᬵᬪᬳᬲᬸᬕᬮ᭄᭞ᬰ᭄ᬭᬷᬯᬷᬃᬬ᭄ᬬᬭᬸᬦ᭄ᬢᬶᬓ᭄᭞ᬓᬤᬶᬳᬭᬳᬸᬧ᭄ᬭᬄ᭞ᬓᬩᬵᬗᬦ᭄ᬤᬾᬦᬶᬂ
ᬓ᭄ᬭᭀᬥ᭞ᬓᬸᬫ᭄ᬤᬸᬢ᭄ᬢᬂᬩᬳᬸᬓᬮᬶᬄ᭞ᬫᬾᬄᬲᬸᬫᬯᬸᬭ᭞ᬓᬺᬢᬲᬶᬢ᭄ᬢᬗᬗ᭄ᬕᭂᬳᬶ᭟᭐᭟ᬰᬷᬖ᭄ᬭᬵᬜ᭄ᬚᭂᬮᬕ᭄ᬧᬥᬓ᭄ᬭᭀᬥᬵᬯᬶᬗᬯᬶᬗᬦ᭄᭞ᬳᬲᬶᬕᬳᬦᬸᬤᬶᬗᬶ᭞ᬧ᭄ᬭᬓᬢᬳᬗᬸᬘᬧ᭄᭞ᬧᬭᬶᬬ᭄ᬬ
ᬗᬸᬫᬦᬸᬫᬦ᭄᭞ᬢᬸᬳᬸᬳᬧᬦ᭄ᬢᬦ᭄ᬧᬵᬧᬓᬾᬭᬶᬂ᭞ᬤᬷᬭᬦᬶᬰ᭄ᬡᬬ᭞ᬧ᭄ᬭᬕᬮ᭄ᬪᬢᬦ᭄ᬯ᭄ᬭᬶᬂᬯᬶᬱ᭄ᬝᬶ᭟᭐᭟ᬥᬶᬓ᭄ᬘᬾᬄᬳᬄᬳᬄᬓᭀᬂᬭᬢᬸᬳᬶᬦᬓᬰ᭄ᬫᬮ᭞ᬧᬵᬧᬓᬃᬫ᭄ᬫᬤᬸᬲ᭄ᬓᬺᬢᬶ᭞ᬲᬓ᭄ᬱᬜ᭄ᬚᬬᬉᬚᬃ᭞ᬧ᭄ᬭᬶᬄ
ᬗ᭄ᬯᬂᬗᬤᬸᬓᬲᬸᬭᬵᬦ᭄᭞ᬭᬶᬲᬶᬭᬰ᭄ᬭᬷᬦᬭᬧᬢᬶ᭞ᬢᬦ᭄ᬯ᭄ᬭᬸᬳᬶᬂᬳᬶᬭᬂ᭞ᬓᬫᬸᬯᭃᬓ᭄ᬪᬯᬫᬹᬃᬢ᭄ᬢᬶ᭟᭐᭟ᬦ᭄ᬤᬦ᭄ᬫᭀᬦ᭄ᬓᬭᬶᬧᬸᬦ᭄ᬓᬺᬢᬘᬶᬢᬳᬕᭂᬲᬂ᭞ᬤᬸᬭᬦ᭄ᬓᭀᬧᭀᬮ᭄ᬬᬢᬦ᭄ᬥᬶᬂ᭞
Page:Bali-lontar-gaguritan-wiryya-guna-a-300ppi.pdf/90
Jump to navigation
Jump to search
This page has been proofread.
