[᭘᭓ 83B]
᭘᭓
ᬪᬹᬫᬶ᭞ᬧ᭄ᬭᬪᬸᬯᬶᬪᬸᬄ᭞ᬫᬓᬧᬗᭂᬫ᭄ᬩᬦᬶᬂᬲᬭᬵᬢ᭄᭟᭐᭟ᬗᬹᬦᬷᬳᬦᬤᬸᬢᬦᬶᬭ᭞ᬧᬸᬦ᭄ᬭᬓ᭄ᬭᬶᬬᬦ᭄ᬧᬢᬶᬄᬤᬸᬃᬩᬸᬤ᭄ᬥ᭞ᬳᬫᬯᬅᬚ᭄ᬜᬵᬦᬭᬾᬦ᭄ᬤ᭄ᬭ᭞ᬤᬸᬫᬢᭂᬂᬭᬵᬫᬦᬺᬧᬢᬶ᭞ᬳᬫᬶᬦ᭄ᬢᬤ᭄ᬬᬄᬲᬹᬓ᭄ᬱ᭄ᬫᬲᬭᬷ
ᬓᬮᬶᬗᬦᬶᬓᬧᬸᬓᬸᬮᬸᬦ᭄᭞ᬳᬧᬭᬦ᭄ᬮᬶᬗ᭄ᬳᬦᬶᬗ᭄ᬯᬂ᭞ᬧᬦ᭄ᬲᬵᬫ᭄ᬧᬸᬦ᭄ᬲᬶᬦᬸᬂᬦᬺᬧᬢᬶ᭞ᬯᬷᬃᬬ᭄ᬬᬕᬸᬡ᭞ᬳᬬ᭄ᬯᬲᬶᬭᬦᬮᬳᬱ᭟᭐᭟ᬫᬗ᭄ᬓᬦᭀᬚᬃᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬳᬵᬭᬚᬚᬮᬲᬶᬤ᭄ᬥᬶ᭞ᬰᬶᬖ᭄ᬭ
ᬲᬸᬫᬯᬸᬃᬦᬭᬾᬦ᭄ᬤ᭄ᬭ᭞ᬰ᭄ᬭᬷᬧᬤ᭄ᬫᬦᬵᬪᬪᬹᬧᬢᬶ᭞ᬮᬶᬗᬶᬭᬳᬫ᭄ᬮᬲᬲᬶᬄ᭞ᬥᬸᬄᬲᬚ᭄ᬜᬵᬲᬂᬫᬳᬵᬧ᭄ᬭᬪᬸ᭞ᬲᬂᬓᬵᬤᬶᬅᬫ᭄ᬭᬢᭀᬱᬥ᭞ᬫᬸᬭᬶᬧᬶᬲᬓᬵᬮᬪᬹᬫᬶ᭞ᬳᬦᬶᬦ᭄ᬤ᭄ᬬᬾᬂᬪᬸᬄ᭞ᬮᬸᬫ᭄ᬭᬧ᭄ᬭᬢᬦᬦᬭᬾᬦ᭄ᬤ᭄ᬭ᭟᭐
᭟ᬓ᭄ᬱᬢᬯ᭄ᬬᬭᬵᬦᬓ᭄ᬱᬂᬦᬵᬣ᭞ᬩᬳᬸᬮ᭄ᬬᬳᬋᬧᬓᬾᬃᬢ᭄ᬢᬶ᭞ᬓᭂᬤ᭄ᬯᬫᬶᬦ᭄ᬢᬲᬶᬄᬦᬭᬾᬦ᭄ᬤ᭄ᬭ᭞ᬫᬮᬫ᭄ᬧᬄᬤ᭄ᬬᬄᬲᬹᬓ᭄ᬱ᭄ᬫᬲᬭᬷ᭞ᬫᬗ᭄ᬓᬾᬢᬸᬓᭀᬦᭂᬦ᭄ᬫᬫᬶ᭞ᬲᬓᬳ᭄ᬬᬸᬦ᭄ᬰ᭄ᬭᬶᬫᬳᬵᬧ᭄ᬭᬪᬸ᭞ᬳᬶᬗ᭄ᬯᬂᬲᬸᬫᬶᬤ
[᭘᭔ 84A]
ᬓ᭄ᬦ᭞ᬫᬗ᭄ᬓᬮᬶᬂᬰ᭄ᬭᬷᬪᬯᬫᬹᬃᬢ᭄ᬢᬶ᭞ᬰᬷᬖ᭄ᬭᬲᬯᬸᬃ᭞ᬰ᭄ᬭᬷᬦᬭᬾᬦ᭄ᬤ᭄ᬭᬂᬅᬦ᭄ᬢᬧᬸᬭ᭟᭐᭟ᬲᬶᬗ᭄ᬕᬶᬄᬰ᭄ᬭᬶᬧᬤ᭄ᬫᬤᬶᬭᬵᬚ᭞ᬓᬤᬶᬮᬶᬂᬫᬳᬵᬪᬹᬧᬢᬶ᭞ᬓᭂᬤ᭄ᬯᬵᬧ᭄ᬢᬶᬳᬫᬶᬦ᭄ᬢᬭᬶᬂᬯ᭄ᬯᬂ᭞ᬳᬶᬄᬧᬭᬦ᭄ᬓᬮᬶᬗᬦᬾᬓᬶ᭞ᬢ
ᬦ᭄ᬯᭂᬦᬂᬓᬤᬶᬓᬫᬶ᭞ᬫᬺᬱᬯᬤᬭᬶᬂᬧᬯᬸᬯᬸᬲ᭄᭞ᬢᬦᬸᬮᬳᬶᬂᬲᬸᬚᬦ᭞ᬳᬦᬲᬃᬭᬶᬂᬥᬃᬫ᭄ᬫᬬᬸᬓ᭄ᬢᬶ᭞ᬳᬕ᭄ᬬᬲᬯᬸᬃ᭞ᬰ᭄ᬭᬷᬪᬯᬫᬹᬃᬢ᭄ᬢᬓᬩᬵᬗᬦ᭄᭟᭐᭟ᬕᬤ᭄ᬕᬤᬲᬶᬭᬚᬸᬫ᭄ᬮᬕ᭄᭞ᬉᬰ᭄ᬯᬵᬲᬳᬗᭂ
ᬫ᭄ᬩᬸᬲ᭄ᬢᬶᬢᬶᬃ᭞ᬯᬥᬦᬓᬬᬢᬶᬦ᭄ᬧᬓ᭄᭞ᬚ᭄ᬯᬮᬶᬢᬢᬂᬦᬾᬢ᭄ᬭᬓᬮᬶᬄ᭞ᬲᬶᬭᬵᬢ᭄ᬫᬬᬩ᭄ᬭᬸᬓᬸᬢᬶ᭞ᬩᬯᬸᬘᬜ᭄ᬘᬮᬓᬸᬫ᭄ᬤᬸᬢ᭄᭞ᬓ᭄ᬭᬓᬲᭀᬚᬭᬲᬸᬕᬮ᭄᭞ᬳᬶᬄᬓᬶᬢᬰ᭄ᬭᬷᬚᬮᬲᬶᬤ᭄ᬥᬶ᭞ᬧᬳ
ᬮᬫ᭄ᬧ᭞ᬓᬳᬶᬦᬦ᭄ᬢᬭᬢ᭄ᬯᬥᬫ᭟᭐᭟ᬫᬗ᭄ᬓᬾᬗᭀᬳᬧ᭄ᬢ᭄ᬬᬫᬕᭂᬳ᭞ᬲ᭄ᬯᬥᬃᬫ᭄ᬫᬦᬶᬂᬓ᭄ᬱᬢ᭄ᬭᬶᬬᬤᬶ᭞ᬫᬓᭀᬮᬶᬳᬂᬲ᭄ᬢ᭄ᬭᬷᬉᬢ᭄ᬢᬫ᭞ᬲᬥᬦᬦ᭄ᬤᬶᬯ᭄ᬬᬵᬲ᭄ᬢ᭄ᬭᬮᬸᬗᬶᬤ᭄᭞ᬰᬹᬭᬫᬭᬢᬾᬂ
Page:Bali-lontar-gaguritan-wiryya-guna-a-300ppi.pdf/84
Jump to navigation
Jump to search
This page has been proofread.
